75வது சர்வதேச கான்ஸ் திரைப்பட விழா பிரான்ஸ் நாட்டில் உள்ள கான்ஸ் நகரில் கோலாகலமாக தொடங்கியது. இந்திய திரை பிரபலங்கள் கலந்துக்கொண்டுள்ளனர்.
Filmibeat Tamil
சிகப்பு கம்பள வரவேற்பில் தமிழ் சினிமா நடிகர்கள் மற்றும் இந்திய சினிமா பிரபலங்கள் அனைவரும் இந்தியாவின் சார்பில் பங்கேற்றனர்.
கமல்ஹாசன், மாதவன், பா. ரஞ்சித், ஏ.ஆர். ரஹ்மான், ஐஸ்வர்யா ராய், தமன்னா, பூஜா ஹெக்டே, நவாசுதின் சித்திக் உள்ளிட்ட பலர் இந்த நிகழ்ச்சியில் பங்கேற்றுள்ளனர்.
புகழ்மிக்க கான்ஸ் திரைப்பட விழாவில் இந்தியாவின் சார்பில் கலந்து கொண்ட கமல்ஹாசன் சிகப்பு கம்பள வரவேற்பு நிகழ்ச்சியில் கெத்தாக நடந்து வந்த காட்சிகள் ரசிகர்களை கவர்ந்தது.
தனது விக்ரம் படத்தின் டிரைலரை கான்ஸ் திரைப்பட விழாவில் கமல் திரையிட உள்ளார் என்கிற தகவலும் பரவி வருகிறது.
75வது கான்ஸ் திரைப்பட விழாவில் தனது ராக்கெட்டரி திரைப்படத்தை வெளியிட காத்திருக்கும் மாதவன். மத்திய அமைச்சர் அனுராக் தாக்கூருடன் எடுத்துக் கொண்ட புகைப்படம் டிரெண்டாகி வருகிறது.
பாலிவுட்டின் திறமையான நடிகர் நவாசுதின் சித்திக்கும் உடன் இருக்கிறார். ஏ.ஆர். ரஹ்மான் இசைப்புயல் ஏ.ஆர். ரஹ்மானும் ரெட்கார்ப்பெட் நிகழ்ச்சியில் ராஜநடை போட்டுள்ளார்.
உலக நாயகன் கமலுடன் இசைப்புயல் ஏ.ஆர். ரஹ்மான் நிற்கும் புகைப்படமும் ட்ரெண்டாகி வருகிறது.
நடிகர் மாதவன், அமைச்சர் அனுராக் தாக்கூர், நவாசுதின் சித்திக் உள்ளிட்ட பலருடன் ஏ.ஆர். ரஹ்மான் நிற்கும் புகைப்படம் டிரெண்டாகி வருகிறது.
கான்ஸ் திரைப்பட விழாவில் பா. ரஞ்சித்தும் ரெட்கார்ப்பெட்டில் கோட்சூட் மாட்டிக் கொண்டு செம கெத்தாக இருக்கும் புகைப்படமும் வெளியாகி தமிழ் சினிமா ரசிகர்களை மகிழ்ச்சியடைய செய்துள்ளது.
கான்ஸ் திரைப்பட விழாவுக்கு ஜூரியாக சென்றுள்ள நடிகை தீபிகா படுகோன் வித விதமான உடைகளை அடிக்கடி மாற்றிக் கொண்டே ஒட்டுமொத்த ரசிகர்களின் கவனத்தையும் தன் பக்கம் திருப்பி உள்ளார்.
கான்ஸ் திரைப்பட விழாவின் நடுவர்கள் குழுவுடன் அவர் இருக்கும் போது க்ளிக் செய்யப்பட்ட புகைப்படம் அதிகளவில் பகிரப்பட்டு வருகிறது.
கான்ஸ் திரைப்பட விழாவில் நடிகை நயன்தாரா கலந்து கொள்ள உள்ளதாக தகவல்கள் பரவின. ஆனால், அவருக்கு அழைப்பே விடுக்கப்படவில்லை என அதிர்ச்சியூட்டும் புதிய தகவல்கள் கிளம்பி உள்ளன.
நடிகை தமன்னாவிற்குத் தான் அழைப்பு விடுக்கப்பட்டு அவர் கான்ஸ் திரைப்பட விழாவில் கவர்ச்சி உடையில் கலந்து கொண்ட புகைப்படங்கள் வெளியாகி உள்ளன.