Tap to Read ➤

பட்டுக்கோட்டை கல்யாண சுந்தரத்தின் காலத்தால் அழியாத பாடல்கள்

மக்கள் கவிஞர் என புகழ்பெற்ற பட்டுக்கோட்டை கல்யாண சுந்தரம் எளிய மக்களுக்காக பாடல்களை எழுதியவர். 29 வயதில் அகால மரணம் அவரை தழுவியது. இன்றளவும் அவர்போல் பாட்ல் வரிகளை யாரும் எழுதவில்லை எனலாம்.
Filmibeat Tamil
பட்டுக்கோட்டையார் பாடல் வரிகள் ஆரம்பகாலத்தில் திரைத்துறையில் கால் பதித்த எம்ஜிஆருக்கு மிகவும் உதவியாக இருந்தது எனலாம். அவரது எழுத்தில் ஏழைகள், விவசாய, தொழிலாளர் நல பாடல்கள் அதிகம் வந்தது.
’திருடாதே பாப்பா திருடாதே, வறுமை நிலைக்கு பயந்துவிடாதே திறமை இருக்கு மறந்துவிடாதே’ என்கிற பாடல் காலத்தால் அழியாத எம்ஜிஆரின் பட பாடல்.
‘வேப்பமர உச்சியில் நின்னு பேயொன்னு ஆடுதுன்னு விளையாட போகும்போது சொல்லி வைப்பாங்க உன் வீரத்த கொழுந்திலேயே கிள்ளி வைப்பாங்க’ என்ற வரிகள் கொண்ட சின்னப்பயலே சின்னப்பயலே சேதி கேளடா பாடல்.
‘நல்ல பொழுதையெல்லாம் தூங்கிக் கழிப்பவர்கள் நாட்டைக் கெடுத்ததுடன் தானும்கெட்டார்’ என்கிற வைர வரிகள் காலம் கடந்தும் நிற்கிறது. எம்ஜிஆரின் நாடோடி மன்னனில் வரும் தூங்காதே தம்பி தூங்காதே பாடல்.
இந்தப்பாடல் எம்.எஸ்.வி-யை இரவு முழுவதும் அழவைத்தது. அதற்கு பின் அவர் காலையில் பட்டுக்கோட்டையாரை அழைத்து பாடல் எழுத வாய்ப்பு கொடுத்தார்.
அந்தப்பாடல் ’உனக்கெது சொந்தம் எனக்கெது சொந்தம் உலகத்துக் கெதுதான் சொந்தமடா?’ என்கிற பாடல் வாழ்க்கையின் தத்துவத்தை அழகாகச் சொன்ன பாடல் பாசவலையில் இன்றளவும் ரசிக்கப்படும் தத்துவ பாடல்.
காதல் பற்றிய பட்டுக்கோட்டையார் பாடல்கள் பல உண்டு அதில் முக்கியமானது ’என்னருமை காதலிக்கு வெண்ணிலாவே, நீ இளையவளா? மூத்தவளா’ என்கிற பாடல்.
கல்யாண பரிசு படத்துக்காக ’காதலிலே தோல்வியுற்றான் காளை ஒருவன்’ என்கிற அந்த காலத்து தேவதாஸ்களின் ஆஸ்தான பாடல்.
அதே படத்தில் தீபாவளிக்காக ’உன்னைக்கண்டு நான் ஆட..உல்லாசம் பொங்கும் இந்த தீபாவளி’ பிளாக் & ஒயிட் தொலைக்காட்சி இருந்தவரை தீபாவளி ஆஸ்தான பாடல் ஆகும்.
அந்தகாலத்திலேயே ராக் அண்ட் ரோல் சாங்கும், குத்துப்பாட்டும் எழுதியுள்ளார். ’ராக் ராக் ராக் ராக் அண்ட் ரோல்’ பாடலும், ’சின்னகுட்டி நாத்தனா’ என்கிற பாடலும் வித்தியாசமான பாடல்கள் ஆகும்.
பட்டுக்கோட்டையார் தொழிலாளர், விவசாயிகள் எளிய மக்களுக்காக எழுதிய பாடல்கள் ஏராளம். இதில் மாத சம்பள தொழிலாளி பாடுவது போன்ற சிறப்புப்பெற்ற பாடல் இரும்புத்திரை படத்தில் வரும், ’கையில வாங்கினேன் பையில போடல காசு போன இடம் தெரியல’ என்கிற பாடல் அருமையான பாடலாகும்.