அதான் அரசியல்ல கூப்பிடறாங்களே.. போக வேண்டியதுதானே! - நமீதாவை 'விரட்டும்' புது நடிகை

இடத்தை காலி பண்ணுங்க

‘நமீதா... சீக்கிரம் இடத்தை காலி பண்ணுங்க' என்று சத்யாகிரஹம் பண்ணுகிற அளவுக்கு இவர் தொடர்ந்து பேசி வருவதுதான் ‘தாங்க முடியல' பாணியாக இருக்கிறது.

அதான் அரசியல்ல கூப்பிடறாங்களே

‘சாய்ந்தாடு சாய்ந்தாடு' படப்பிடிப்புக்காக புதுக்கோட்டையில் இருந்த இந்த சின்ன நமீதா நித்யாவிடம் ஏரியா நிருபர் ஒருவர் பேட்டிக்காக வந்திருந்தார். அவரது கேள்விகளுக்கு தாறுமாறாக பதில் சொல்லி வந்த நித்யா, ஒரு கட்டத்தில் ‘நமீதா இடத்தை காலி பண்ண வேண்டிய நேரம் வந்தாச்சு. அதான் அவரை அரசியலில் சேர்வதற்காக கூப்பிடுறாங்களே, போக வேண்டியதுதானே?' என்றெல்லாம் பதில் சொல்ல ஆரம்பித்துவிட்டார்.

நேர்ல பாக்கணும்தான்

வந்திருந்த நிருபருக்கே அதிர்ச்சி. ‘இப்படியெல்லாம் பட்டவர்த்தனமா பேசுறீங்களே? நமீதா கோபிக்க மாட்டாரா?' என்று கேள்வி எழுப்பினார்.

'என்னை ஒருமுறை நேர்ல பார்த்தா அவருக்கு அந்த சந்தேகமே வராது. கோபிக்கவும் மாட்டார். நானும் அவரைச் சந்திக்கணும்னுதான் வெயிட் பண்றேன்,' என்றார் நித்யா.

சாபக்கேடு

யாராவது யாருடைய இடத்துக்காகவாது சண்டை போடுவதே கோடம்பாக்கத்தின் சாபக்கேடு ஆகிவிட்டது. ஆனால் இந்த போட்டியை பார்த்தால், இருவரில் கீழே யார் விழுந்து புரண்டாலும் ரசிகர்களுக்குதான் கொண்டாட்டம்.

சீக்கிரம் சண்டைய ஆரம்பிங்க நடிகைகளே...!