Exclusive: ஐஸ் தான் டைட்டில் வின்னர்... பிக் பாஸிடம் மக்கள் ஓட்டெல்லாம் செல்லாது: சினேகன்

நடிக்கிறார்கள்

பிக் பாஸ் முதல் சீசனில் முடிந்தவரை உண்மையாக இருக்க முயற்சி செய்தார்கள். இப்போது சீசன் இரண்டில் முடிந்தவரை நடிக்க வேண்டுமென முடிவு செய்து நடித்துக்கொண்டிருக்கிறார்கள்.

பிக் பாஸ் தான் முடிவு செய்வார்

இப்போது கடைசி வாரத்தில் சீசன் இரண்டு இருக்கிறது. யார் ஜெயிக்க வேண்டும் என்பதை எண்டோமோல் தான் முடிவு செய்யும். மக்கள் ஓட்டு எல்லாம் டைட்டில் வின்னரை முடிவு செய்யாது. ஒருவேளை ரித்விக்காவுக்கு டைட்டில் கிடைத்தால் பிக் பாஸ் நியாயமாக நடக்க தொடங்கியிருக்கிறார் என சந்தோஷப்படலாம்.

யாஷிகாவுக்கு நடந்தது திட்டமிட்ட சதி

யாஷிகா கடைசி வரை, அதாவது 100 நாட்கள் இருந்திருக்க வேண்டும். நான் பார்த்தவரை அவர் மிகவும் ஸ்போர்ட்டிவானவர். அவர்களுடைய தனிப்பட்ட வாழ்க்கை பற்றி விமர்சிக்க எனக்கு தகுதி கிடையாது. ஆனால் யாஷிகாவையும், சென்ட்ராயனையும் வெளியேற்றியதை திட்டமிட்ட சதியாக தான் நான் பார்க்கிறேன்.

எழுதப்பட்ட தீர்ப்பு

பிக் பாஸ் சீசன் 2வின் வெற்றியாளர் ஐஸ்வர்யாதான் என்பது ஏற்கனவே எழுதப்பட்ட தீர்ப்பு. ஒருவேளை ரித்விகாவுக்கு கொடுத்தால், அவர்கள் மக்களை மதித்திருக்கிறார்கள் என்று அர்த்தம்" என இவ்வாறு கவிஞர் சினேகன் கூறினார்.