Click it and Unblock the Notifications
மனோஜ் பாரதிராஜா மரணம் LIVE: மகனை பறிகொடுத்த பாரதிராஜா.. அப்பாவுக்கு இறுதிச்சடங்கு செய்த மகள்கள்
சென்னை: இயக்குநர் பாரதிராஜாவின் மகன் மனோஜ் பாரதிராஜா மாரடைப்புக் காரணமாக உயிரிழந்தது ஒட்டுமொத்த திரையுலகையும் அதிர்ச்சியில் ஆழ்த்தியுள்ளது. தென்னிந்திய சினிமாவில் புனித் ராஜ்குமார், சிரஞ்சீவி சர்ஜா உள்ளிட்டவர்கள் 40 பிளஸ் வயதில் உடல் நலக்குறைவு காரணமாக உயிரிழந்து வருவது அனைவரையும் அதிர்ச்சியில் ஆழ்த்தியுள்ளது.
83 வயதாகும் பாரதிராஜா தனது 48 வயது மகன் மனோஜ் உயிரிழந்ததை அறிந்து மீள முடியாத சோகத்தில் உள்ளார். தென்னிந்திய திரையுலக பிரபலங்கள் மற்றும் ரசிகர்கள் மனோஜ் பாரதிராஜா மறைவுக்கு அஞ்சலி செலுத்தி வருகின்றனர்.
1976ம் ஆண்டு செப்டம்பர் 11ம் தேதி பாரதிராஜா மற்றும் சந்திரலீலாவதி தம்பதியினருக்கு மகனாக பிறந்தவர் மனோஜ். அவருக்கு ஜனனி எனும் தங்கை உள்ளார். கடந்த 2006ம் ஆண்டு நந்தனா என்பவரை திருமணம் செய்துக்கொண்ட மனோஜுக்கு மதிவதனி மற்றும் ஆர்த்திகா என இரு மகள்கள் உள்ளனர்.
மனோஜ் உடல் தகனம் செய்யப்பட்டது
இயக்குநர் பாரதிராஜாவின் மகன் மனோஜ் பாரதிராஜாவின் உடல் பெசன்ட் நகர் மின் மயானத்தில் தகனம் செய்யப்பட்டது. அவருக்கு அவரது இரு மகள்களும் இறுதிச்சடங்கு செய்தது ரசிகர்களை உருக வைத்தது.
அம்மா, மனைவி, மகள்கள் மயானத்தில்
மனோஜ் பாரதிராஜாவின் இறுதிச்சடங்குகள் பெசன்ட் நகர் மின் மயானத்தில் நடைபெற்ற நிலையில், அவரது அம்மா, மனைவி மற்றும் இரு மகள்களும் அங்கே வந்து மனோஜுக்கு பிரியா விடை கொடுத்தனர்.
பாரதிராஜாவை கை தாங்கலாக அழைத்து வந்தனர்
83 வயதாகும் இயக்குநர் இமயம் பாரதிராஜா தனது மகன் மறைவால் ஒட்டுமொத்தமாக உடைந்து போய்விட்டார். நீலாங்கரையில் உள்ள வீட்டுக்கு மகன் உடல் வந்ததில் இருந்தே ஒரு நொடி கூட எங்கேயும் நகராமல் மகன் அருகே அழுது புலம்பிக் கொண்டிருந்தார். எந்தவொரு தந்தைக்கும் வரக்கூடாத சோகம் பாரதிராஜாவுக்கு வந்த நிலையில், பெசன்ட் நகர் மின் மயானத்துக்கு தள்ளாடியபடி வந்த அவரை இருவர் கை தாங்கலாக பிடித்துக் கொண்டு வரும் காட்சிகள் மனதை உலுக்குகின்றன.
மயானத்திற்கு வந்த வைரமுத்து
மனோஜ் பாரதிராஜாவின் உடல் பெசன்ட் நகர் மயானத்துக்கு எடுத்து வரப்பட்டது. பாடலாசிரியர் வைரமுத்து உள்ளிட்ட பல பிரபலங்கள் மயானத்திற்கு வந்து இறுதிமரியாதை செலுத்தி வருகின்றனர்.
மனோஜ் அம்மாவுக்கு விஜய் ஆறுதல்
பாரதிராஜாவுக்கு மட்டுமின்றி மகனை இழந்து அழுதுகொண்டிருந்த அம்மாவுக்கும் நடிகர் விஜய் ஆறுதல் கூறிய காட்சிகள் வெளியாகி உள்ளன.
The visuals of #ThalapathyVijay consoling #ManojBharathiraja's mother is heart wrenching! 💔pic.twitter.com/Jkn3qWZwSn
— George 🍿🎥 (@georgeviews) March 26, 2025
நான் என்ன பண்ணேன்? வருந்திய மனோஜ்
அப்பா எல்லாமே சம்பாரிச்சு வச்சிருக்காரு.. ஆனால், மகனாக நான் என்ன பண்ணேன்னு தெரியல என வருத்தத்துடன் பேசினார் மனோஜ் என நடிகர் விஜயகுமார் உருக்கமாக பேசினார்.
மூக்குக் கண்ணாடி அணிந்தபடி
நடிகர் மனோஜ் பாரதிராஜாவின் கண்களுக்கு மூக்கு கண்ணாடி அணிவித்தபடி அமரர் ஊர்தியில் அவரது உடலை இறுதிச்சடங்குக்கு எடுத்து செல்கின்றனர்.
ரஜினிகாந்த் இரங்கல் தெரிவிக்கவில்லையே
பாராதிராஜாவின் 16 வயதினிலே, கொடி பறக்குது உள்ளிட்ட பல படங்களில் ரஜினிகாந்த் நடித்துள்ளார். ஷங்கர் இயக்கத்தில் ரஜினிகாந்த் நடித்த எந்திரன் படத்தில் உதவி இயக்குநராகவும் ரஜினிக்கு டூப் போட்டும் உழைத்த மனோஜ் பாரதிராஜாவின் மறைவுக்கு ரஜினிகாந்த் ட்வீட் கூட போட்டு இரங்கல் தெரிவிக்கவில்லையே ஏன் என ரசிகர்கள் கேள்வி எழுப்பியுள்ளனர்.
இறுதி ஊர்வலம் தொடங்கியது
இயக்குநர் இமயம் பாரதிராஜாவின் மூத்த மகன் மனோஜ் பாரதிராஜா மாரடைப்பு ஏற்பட்ட நிலையில், நேற்று மாலை வீட்டிலேயே மரணித்தார். அவருக்கு திரையுலக பிரபலங்களும், அரசியல் தலைவர்களும் அஞ்சலி செலுத்தினர். பெசன்ட் நகரில் உள்ள மின்மயானத்தில் இன்னும் சற்று நேரத்தில் தகனம் செய்யப்படுகிறது.
எவ்வளவு சந்தோஷமாக இருந்தவரு
நடிகர் கருணாகரன் மனோஜ் மற்றும் பிரேம்ஜி அமரனுடன் எடுத்துக் கொண்ட புகைப்படத்தை ஷேர் செய்து இரங்கல் தெரிவித்துள்ளார்.
முதலமைச்சர் நேரில் அஞ்சலி
முதலமைச்சர் மு.க. ஸ்டாலின் மற்றும் துணை முதலமைச்சர் உதயநிதி ஸ்டாலின் மறைந்த மனோஜ் பாரதிராஜா உடலுக்கு நேரில் அஞ்சலி செலுத்தினர்.
இரண்டு பேருமே இல்லாமல் போயிட்டாங்களே
இளையராஜாவின் மகன் பவதாரிணி மற்றும் பாரதிராஜாவின் மகன் மனோஜ் இருவரும் குடும்பத்துடன் ஒன்றாக இருக்கும் புகைப்படத்தை ஷேர் செய்து ரசிகர்கள் ஆழ்ந்த இரங்கல்களை தெரிவித்து வருகின்றனர்.
Ilayaraja lost Bavatharani... Now bharathiraja lost Manoj!
— Ilakiyan karunanidhi (@freddyfrancis00) March 25, 2025
How cruel life is! Rest in peace Manoj!
We still remember how charming you were in Tajmahal movie! Went too soon! #manoj #manojbharathiraja #Bharathiraja #tajmahal pic.twitter.com/EphEOyBSoC
நடிகர் கவுண்டமணி நேரில் அஞ்சலி
பாராதிராஜா இயக்கத்தில் வெளியான 16 வயதினிலே உள்ளிட்ட பல படங்களில் நடித்த காமெடி ஜாம்பவான் கவுண்டமணி கலங்கிய கண்களுடன் வந்து மனோஜ் உடலுக்கு மாலை அணிவித்து இறுதி அஞ்சலி செலுத்தினார்.
மணிரத்னம், கே.எஸ். ரவிகுமார், விஜய் நேரில் அஞ்சலி
நடிகர் விஜய், இயக்குநர்கள் மணிரத்னம், கே.எஸ். ரவிகுமார் மற்றும் சந்தான பாரதி என பல சினிமா ஆளுமைகள் மனோஜ் பாரதிராஜா உடலுக்கு நேரில் அஞ்சலி செலுத்திய காட்சிகள் வெளியாகி உள்ளன.
சிவகுமார், பிரபு, வைரமுத்து நேரில் அஞ்சலி
மறைந்த மனோஜ் பாரதிராஜவின் உடலுக்கு மாலை அணிவித்து இறுதி மரியாதை செய்து வருகின்றனர். பழம்பெரும் நடிகர் சிவகுமார், நடிகர் பிரபு மற்றும் பாடலாசிரியர் வைரமுத்து நேரில் அஞ்சலி.
விஜய் வீட்டருகே இறுதிச்சடங்கு
தனது நெருங்கிய நண்பனான மனோஜ் பாரதிராஜாவின் மரண செய்தி அறிந்து நடிகர் விஜய் தனது நீலாங்கரையில் உள்ள வீட்டில் இருந்து நடந்தவாறே மனோஜ் உடலுக்கு அஞ்சலி செலுத்தியுள்ளார். விஜய் வந்ததும் அந்த இடத்தில் கூட்ட நெரிசல் ஏற்பட்டுள்ளது.
விஜய் நேரில் அஞ்சலி
பாரதிராஜா மகன் மனோஜின் இறுதிச்சடங்கில் நடிகர் விஜய் நேரில் அஞலி
தங்கமான பிள்ளை மனோஜ் - தியாகராஜன் வேதனை
இயக்குநரும் நடிகருமான தியாகராஜன் மனோஜ் உடலுக்கு நேரில் அஞ்சலி செலுத்திய பின்னர், தங்கமான பிள்ளை மனோஜ், அப்பாவை போல பெரிய டைரக்டராக வேண்டும் என கனவு கண்டான். பாரதி இந்த வேதனையை எப்படி தாங்குவார் என்று தெரியவில்லை என தியாகராஜன் வேதனைப்பட்டு பேசியுள்ளார்.
சிங்கம் இருக்கப் பிள்ளை நீ போய்விட்டாயா - வைரமுத்து உருக்கம்
மகனே மனோஜ்! மறைந்து விட்டாயா? பாரதிராஜாவின் பாதி உயிரே! பாதிப் பருவத்தில் பறந்து விட்டாயா? 'சிங்கம் பெத்த பிள்ளையின்னு தெரியவப்போம் வாடா வாடா' என்று உனக்கு அறிமுகப் பாடல் எழுதினேனே சிங்கம் இருக்கப் பிள்ளைநீ போய்விட்டாயா? என உருக்கமாக வைரமுத்து கவிதை மூலம் அஞ்சலி செலுத்தியுள்ளார்.
மகனே மனோஜ்!
— வைரமுத்து (@Vairamuthu) March 26, 2025
மறைந்து விட்டாயா?
பாரதிராஜாவின்
பாதி உயிரே!
பாதிப் பருவத்தில்
பறந்து விட்டாயா?
'சிங்கம் பெத்த பிள்ளையின்னு
தெரியவப்போம் வாடா வாடா'
என்று உனக்கு
அறிமுகப் பாடல் எழுதினேனே
சிங்கம் இருக்கப்
பிள்ளைநீ போய்விட்டாயா?
உன் தந்தையை
எப்படித் தேற்றுவேன்?
"எனக்குக் கடன்… pic.twitter.com/ngB7b1Crel
அழகான குடும்பத்தை பரிதவிக்க விட்டுட்டாரே!
மனோஜ் பாரதிராஜாவின் மனைவி நடிகை நந்தனா மற்றும் அவரது இரு மகள்களுடன் இருக்கும் குடும்ப புகைப்படத்தை ஷேர் செய்து ரசிகர்கள் கண்ணீர் அஞ்சலி செலுத்தி வருகின்றனர்.
#ManojBharathiraja Family💔
— Tharani ʀᴛᴋ (@iam_Tharani) March 25, 2025
.
Life is so uncertain 😌
.#RIPManojBharathiraja @manojkumarb_76 pic.twitter.com/a1qNBy161K
நடிகர் சூர்யா நேரில் அஞ்சலி
பாரதிராஜாவின் மகன் மனோஜ் உயிரிழந்ததை அறிந்து நள்ளிரவு நடிகர் கார்த்தி நேரில் வந்து அஞ்சலி செலுத்தினார். இந்நிலையில், அதிகாலையில் நடிகர் சூர்யா அஞ்சலி செலுத்தியுள்ளார். நன்றி: ஒன் இந்தியா தமிழ்
மகனை இழந்து தேம்பி அழுத பாரதிராஜா
மகன் மனோஜ் இழந்த துக்கம் தாங்காமல் பாரதிராஜா தேம்பி அழுதுகொண்டே காரில் சென்ற காட்சிகளும் மகனின் முகத்தை பார்த்து கதறி அழுத காட்சிகளும் ரசிகர்களையும் பிரபலங்களையும் சோகத்தில் ஆழ்த்தியுள்ளன.
குஷ்பு இரங்கல்
வெறும் 48 வயதுதான் ஆகிறது. இப்படியொரு எதிர்பாரா மரணத்தால் துவண்டு கிடக்கும் பாரதிராஜா சாருக்கு எப்படி ஆறுதல் கூறுவேன், மனோஜின் ஆத்மா சாந்தியடைய பிரார்த்தனை செய்கிறேன் என நடிகை குஷ்பு இரங்கல்.
Extremely shocked to hear that Manoj is not among us anymore. His untimely demise pains. He was just 48 yrs. May God give the strength to his father Thiru #Bharathiraaja avl and his family to overcome this unbearable painful loss. You will be missed Manoj.
— KhushbuSundar (@khushsundar) March 25, 2025
Rest in peace.
Om… pic.twitter.com/Cu3lApdsiE
பவன் கல்யாண் இரங்கல்
நடிகரும் ஆந்திராவின் துணை முதலமைச்சருமான பவன் கல்யாண் பாரதிராஜாவின் மகன் மனோஜ் பாரதிராஜா மறைவு செய்தியை அறிந்து இரங்கல் தெரிவித்துள்ளார்.
திரு. பாரதிராஜாவின் குடும்பத்தினருக்கு ஆறுதலையும் ஆழ்ந்த இரங்கலையும் தெரிவித்துக் கொள்கிறேன்.
— Deputy CMO, Andhra Pradesh (@APDeputyCMO) March 25, 2025
- @PawanKalyan @pibchennai pic.twitter.com/4Lbvby2Sgt
இரங்கல் தெரிவித்த ராமராஜன்
என் பெருமதிப்பிற்குரிய இயக்குநர் இமயம் பாரதிராஜா சார் அவர்களின் கலை மகனும், என் அன்பு தம்பியுமான மனோஜ் அவர்களின் மறைவு செய்தி மிகுந்த அதிர்ச்சியையும், வேதனையையும் தருகிறது, இந்த மண் பற்றியும் ஈரம் பற்றியும் இயக்கத்தில் தன் தந்தை சாதித்தது போல, கிராமங்களில் நடிப்பின் மூலம் அதை நீங்கள் சாதித்தீர்கள் அண்ணா.. " என்று வாயார கூறி என்மீது பாசம் காட்டி அன்பு பாராட்டிய அன்புத்தம்பிக்கு இந்த வயதில் இப்படி ஒரு மறைவா? என்று மனம் ஏற்க மறுக்கிறது, திரைக்கலைஞன் என்பதை தாண்டி நல்ல மனிதனாக அவரை வளர்ந்திருந்தார் பாரதிராஜா சார் அவர்கள், எதைக்கொண்டும் சரிசெய்ய முடியாத மனோஜின் இழப்பை தாங்கும் சக்தியை அவருக்கு இறைவன் கொடுக்க வேண்டும், தம்பி மனோஜை இழந்து வாடும் அவர் குடும்பத்தினருக்கும், உறவினர்களுக்கும், நண்பர்களுக்கும் ஆழ்ந்த வருத்தங்களை தெரிவிப்பதோடு அவர் ஆத்மா சாந்தியடைய இறைவனை பிரார்த்திக்கிறேன்! வருத்தத்துடன் R. ராமராஜன்
நடிகர் கார்த்தி நேரில் அஞ்சலி
மனோஜ் பாரதிராஜாவின் மறைவு செய்தியை அறிந்த நடிகர் கார்த்தி உடனே ஓடோடி வந்து நேரில் அஞ்சலி செலுத்தினார். இயக்குநர் மாரி செல்வராஜ், தயாரிப்பாளர் சுரேஷ் காமாட்சி உள்ளிட்ட பல பிரபலங்கள் மனோஜின் உடலுக்கு அஞ்சலி செலுத்தினர்.
கமல்ஹாசன் இரங்கல்
நடிகரும் எனது ஆத்ம நண்பர் இயக்குநர் பாரதிராஜாவின் புதல்வனுமான மனோஜ் பாரதிராஜா மறைந்த செய்தி அறிந்து மிகுந்த அதிர்ச்சியும் வருத்தமும் அடைந்தேன். தனது அருமை மகனை இழந்து வாடும் பாரதிராஜா அவர்களுக்கும், அவரது குடும்பத்தாருக்கும், நண்பர்களுக்கும் எனது ஆழ்ந்த இரங்கலைத் தெரிவித்துக்கொள்கிறேன்.
நடிகரும் எனது ஆத்ம நண்பர் இயக்குநர் பாரதிராஜாவின் புதல்வனுமான மனோஜ் பாரதிராஜா மறைந்த செய்தி அறிந்து மிகுந்த அதிர்ச்சியும் வருத்தமும் அடைந்தேன்.
— Kamal Haasan (@ikamalhaasan) March 25, 2025
தனது அருமை மகனை இழந்து வாடும் பாரதிராஜா அவர்களுக்கும், அவரது குடும்பத்தாருக்கும், நண்பர்களுக்கும் எனது ஆழ்ந்த இரங்கலைத்…
அஜித் ரசிகர்கள் இரங்கல்
பதினாறு வயதினிலே படத்தின் போஸ்டரை அஜித் குமார் மற்றும் சியான் விக்ரம் இணைந்து வெளியிட்டபோது எடுத்துக் கொண்ட புகைப்படத்தை ஷேர் செய்து அஜித் ரசிகர்கள் இரங்கல் தெரிவித்து வருகின்றனர்.
அஜித் ரசிகர்கள் சார்பாக ஆழ்ந்த இரங்கல் 😓💔
— Thoothukudi Ajith FC (@AKFCThoothukudi) March 25, 2025
Miss you #manojbharathiraja 😭💔#RIPMANOJ #AjithKumar pic.twitter.com/HDmNjrQEcG
எந்திரன் படத்தில் மனோஜின் பணி
ஷங்கர் இயக்கத்தில் ரஜினிகாந்த் நடித்த எந்திரன் படத்தில் மனோஜ் பாரதிராஜா பேக்கிரவுண்டில் வேலை பார்த்த ஸ்டில்லை ஷேர் செய்து ரஜினி ரசிகர்கள் இரங்கல் தெரிவித்து வருகின்றனர்.
Rest in peace #Manoj sir🙏 #ManojBharathiraja pic.twitter.com/8zEAsHSU5g
— Rajini✰Followers (@RajiniFollowers) March 25, 2025
நடிகை மீனா இரங்கல்
நடிகர் மனோஜ் பாரதிராஜாவுடன் நடிகை மீனா ஷூட்டிங் ஸ்பாட்டில் எடுத்துக் கொண்ட த்ரோபேக் புகைப்படத்தை ஷேர் செய்து இரங்கல் தெரிவித்துள்ளார்.
💔 Rip #ManojBharathiraja pic.twitter.com/YejjyQS5nk
— Meena (@ActressMeena_) March 25, 2025
விஜய் வீடு அருகே
இன்னும் சற்று நேரத்தில், சென்னை நீலாங்கரை வீட்டுக்கு மனோஜ் உடல் எடுத்து செல்லப்பட உள்ளது. சென்னையில் இறுதி சடங்கு என தகவல்கள் வெளியாகி உள்ளன. நடிகர் விஜய் வீடு அருகே நீலாங்கரை கபாலீஸ்வரன் நகரில் பாரதிராஜா வீடு உள்ளது.
சென்னையில் இறுதிச்சடங்கு
மறைந்த மனோஜ் பாரதியின் உடல் சென்னை நீலாங்கரையில் உள்ள இயக்குநர் இமயம் பாரதிராஜா இல்லத்திற்கு இன்று இரவே எடுத்து செல்லப்படுகிறது.
90ஸ் கிட்ஸ்களின் மனங்களில் நிறைந்திருக்கும் மனோஜ்
தாஜ்மகால், சமுத்திரம், வருசமெல்லாம் வசந்தம் உள்ளிட்ட படங்களையும் அதில் மனோஜ் பாரதிராஜாவின் நடிப்பையும் 90ஸ் கிட்ஸ் என்றுமே மறக்க மாட்டோம் என ரசிகர்கள் இரங்கல் தெரிவித்து வருகின்றனர்.
#ManojBharathiraja ✨🖤 pic.twitter.com/IY8hEOOt22
— Mj Fan (@Mj_____Fan) March 25, 2025
இளையராஜா இரங்கல்:
இசையமைப்பாளர் இளையராஜா வீடியோ மூலம் தனது மனக்குமுறல்களை கொட்டி இரங்கல் தெரிவித்துள்ளார். கடந்த ஆண்டு தனது மகள் பவதாரிணியை இளையராஜா இழந்தது பெரும் அதிர்ச்சியை ஏற்படுத்திய நிலையில், பாரதிராஜாவின் மகன் மரணமும் அவரை தற்போது வாட்டி எடுத்துள்ளதாக குறிப்பிட்டுள்ளார்.
Condolence message from @ilaiyaraaja on the sudden demise of #ManojBharathiraja #RIPManojBharathiraja @offBharathiraja pic.twitter.com/zTQogLFpaC
— Nikil Murukan (@onlynikil) March 25, 2025
மனோஜ் பாரதிராஜா காலமானார்:
இயக்குநர் பாரதிராஜாவின் மகன் மனோஜ் பாரதிராஜா இன்று மாலை உடல்நலக்குறைவு காரணமாக உயிரிழந்தார். சில மாதங்களுக்கு முன்னர் தான் இதய அறுவை சிகிச்சை செய்திருந்தார். அவருக்கு வயது 48. மனோஜ் பாரதிராஜாவின் மரணம் இயக்குநர் இமயம் பாரதிராஜாவை நிலைகுலைய செய்துள்ளது. சினிமா பிரபலங்கள், ரசிகர்கள் என பலரும் இரங்கல் தெரிவித்து வருகின்றனர்.
Continue with Google