மருதநாயகம்...விஜய், ரஜினியுடன் படம்...கமல் சொன்ன சுவாரஸ்ய தகவல்

இது தான் நன்றி சொல்ல ஒரே வழி

கமல் கூறுகையில், நன்றியைத் தவிர சொல்வதற்கு வார்த்தை எதுவும் இல்லை. சந்தோஷத்தை கடந்து, வெற்றி பயத்தை கொடுத்து இருக்கிறது. வெற்றி கிடைத்தது போதும் என்று எண்ணவில்லை. இன்னும் வெற்றிக்காக உழைப்போம். அடுத்து ஒரு நல்ல படத்தை தருவது தான் உங்களுக்கு சொல்வதற்கான உண்மையாக நன்றியாக இருக்கும் என்றார் கமல்.

நான் டயலாக்கே இல்லாமல் நடிப்பேன்

விக்ரம் படத்தில் ஃபர்ஸ்ட் ஆஃபில் டயலாக்கே இல்லாமல் இருந்ததற்கு கமல் சாரை எப்படி கன்வின்ஸ் செய்தீர்கள் என்ற கேள்வி லோகேஷ் கனகராஜிடம் கேட்கப்பட்டது. அப்போது குறுக்கிட்ட கமல், அதற்கு நான் பதில் சொல்லி விடுகிறேன். நான் டயலாக்கே இல்லாமல் கூட நடித்திருக்கிறேன். அதனால் என்னை கன்வின்ஸ் செய்வது அவருக்கு ஒன்றும் கடினமான வேலை கிடையாது என்றார். இது முயற்சி என்று வரவேற்று, ஓகே சொல்லி விட்டேன்.

மருதநாயகம் வருமா சார்

மர்மயோகி, சபாஷ் நாயுடு, மருதநாயகம் படங்கள் வருமா என கேட்கப்பட்ட கேள்விக்கு பதிலளித்த கமல், அமெல்லாம் பழசு. புதிதாக கொடுக்க விரும்புகிறேன். மருதநாயகம் படத்தில் இதுவரை 35 நிமிட காட்சிகள் மட்டுமே முடிக்கப்பட்டுள்ளது. முன்பு எடுத்த எந்த ஒரு காட்சிகளையும் வீணாக்காமல் இப்போதும் எங்களால் ஷுட்டிங்கை தொடர முடியும். மருதநாயகம் படத்தின் ஷுட்டிங் எந்த நேரத்திலும் துவங்கப்படலாம் என்றார்.

கேஜிஎஃப் 2 வெற்றி பற்றி கமல்

ஆர்ஆர்ஆர், கேஜிஎஃப் 2 போன்ற படங்களின் வெற்றி குறித்து கேட்கப்பட்ட போது, ஒரு வருடம் நமக்கு நல்ல படம் அமையவில்லை என்பதற்காக தமிழ் பட உலகில் நல்ல இயக்குநர் என அர்த்தம் அல்ல. அதற்கு வாய்ப்பு அமையவில்லை என்றே நினைக்கிறேன். ஆகவே மாறி மாறி நடக்கத்தான் செய்யும். என்னை பொறுத்தவரை இந்திய படம் வெற்றி பெற்றுள்ளது தான் நல்லது என்றார் கமல்.

ரஜினி, விஜய்யுடன் நடிப்பீங்களா

விஜய்யுடன் பேசி உள்ளேன். கண்டிப்பாக விரைவில் ஒரு படம் ராஜ்கமல் ஃபிலிம்ஸ் மூலம் வரும். ரஜினியுடன் நடிப்பதற்கு முதலில் அவரிடம் கேட்க வேண்டும், அதற்கு பிறகு இவரிடம் (லோகேஷ் கனகராஜ்) கேட்க வேண்டும். நாங்கள் மூன்று பேரும் ஒப்புக் கொண்டால் பிறகு உங்களிடம் கூறுகிறோம். ரஜினியுடன் சேர்ந்து ஒரு படம் நடிக்க நான் எப்போதும் தயாராக இருக்கிறேன் என்றார்.

விக்ரமில் லிப்லாக் சீன் இல்லையே

விக்ரம் படத்தில் லிப்லாக் காட்சிகள் இல்லை என்று பல கேட்க, அது உங்கள் ஆசை. என் ஆசை இல்லை என பதிலளித்தார் கமல். அதற்கு பதிலளித்த லோகேஷ் கனகராஜ், விக்ரம் படத்தில் ஹீரோயினே கிடையாது இல்லையா, அதனால் தான் அப்படி ஒரு சீனுக்கு அவசியம் இல்லாமல் போனது என்றார்.