“பிரண்ட் அண்ட் பிரண்ட் ஒன்லி”.. பாலாஜிக்கு பார்சலில் நித்யா அனுப்பிய ‘பாம்’

பரிசுகள்:

நேற்றைய எபிசோட்டில் ரித்விகா, ஜனனி, ஐஸ்வர்யா, யாஷிகா, செண்ட்ராயன் மற்றும் டேனிக்கு கடிதங்களும், பரிசுப் பொருட்களும் வந்தது. இன்று மற்றவர்களுக்கு கடிதங்கள் வரும் என எதிர்பார்க்கப்படுகிறது.

அட்வைஸ் மழை:

இந்நிலையில், விஜய் டிவியில் ஒளிபரப்பான புரோமோவில் பாலாஜிக்கு கடிதம் வந்த காட்சிகள் வருகின்றன. இந்தக் கடிதத்தை போஷிகாவும், நித்யாவும் எழுதியது தெரிகிறது. வழக்கம்போல பாலாஜிக்கு நித்யா அறிவுரை மழை பொழிந்துள்ளார்.

அதிர்ச்சி:

கடிதத்தின் இறுதியில் இப்படிக்கு பகுதியில் ‘ப்ரெண்ட் அண்ட் ப்ரெண்ட் ஒன்லி' எனக் குறிப்பிட்டுள்ளார் நித்யா. இதைப் படித்த பாலாஜி அதிர்ச்சி அடைந்துள்ளார். காரணம் ஆரம்பத்தில் பிக் பாஸ் வீட்டில் நித்யாவிடம் வெறுப்பை உமிழ்ந்த பாலாஜி பின்னர் கொஞ்சம் கொஞ்சமாக தன்னை மாற்றிக் கொண்டார்.

உண்மை நிலை:

எப்படியும் பிக் பாஸ் வீட்டில் இருந்து வெளியே சென்றதும், தன் மனைவி மற்றும் மகளுடன் சேர்ந்து வாழலாம் என்ற ஆசையில் இருக்கிறார் பாலாஜி. நித்யாவும் அதேபோல் தனக்காகக் காத்துக் கொண்டிருப்பார் என நினைத்துக் கொண்டிருந்தார் அவர். ஆனால், வெளியில் நிலைமையோ வேறாக இருக்கிறது. நித்யா தான் பாலாஜிக்கு வெறும் தோழி மட்டுமே என்பதை இந்தக் கடிதம் மூலம் உறுதி செய்திருக்கிறார்.