2024 பொங்கலுக்கு படையெடுக்கும் 5 பெரிய பட்ஜெட் தமிழ் படங்கள்: ரசிகர்களுக்கு ட்ரீட்

கேப்டன் மில்லர் - இயக்குனர் அருண் மாதேஸ்வரன் இயக்கத்தில் தனுஷ், பிரியங்கா மோகன், நிவேதிதா சதீஸ், சுந்தீப் கிஷான் என பல முன்னணி பிரபலங்கள் நடித்திருக்கும் அதிரடி - திரில்லர் திரைப்படம். முற்றிலும் ஆக்ஷன் திரைக்கதையில் உருவாகியுள்ள இப்படம் 2024 பொங்கல் ரிலீஸ் சிறப்பு படமாக வெளியாக திட்டமிட்டுள்ளது. தயாரிப்பாளர் தியாகராஜன் 'சத்யா ஜோதி பிலிம்ஸ்' தயாரிப்பு நிறுவனத்தின் மூலம் இப்படத்தினை தயாரிக்க, லைக்கா நிறுவனம் கேப்டன் மில்லர் படத்தினை விநியோகம் செய்யவுள்ளது.

அயலான் - இயக்குனர் ஆர் ரவிக்குமார் இயக்கத்தில் சிவகார்த்திகேயன், ரகுல் ப்ரீத் சிங், கருணாகரன், யோகி பாபு என பலர் நடித்திருக்கும் அறிவியல் புனைவு திரைப்படம். இப்படத்தினை தயாரிப்பாளர் ஆர் டி ராஜா தனது 24 ஸ்டுடியோஸ் நிறுவனத்தின் மூலம் தயாரிக்க, 'கே ஜே ஆர்' நிறுவனத்தின் கொட்டப்படி ஜே ராஜேஷ் இப்படத்தினை விநியோகம் செய்யவுள்ளார். இப்படத்திற்கு இசையமைப்பாளர் ஏ ஆர் ரஹ்மான் இசையமைத்துள்ளார்.   2018 ஆம் ஆண்டு இப்படத்தின் அறிவுப்புகள் படக்குழு சார்பில் வெளியானது, பின் இப்படத்தின் படப்பிடிப்பு 2019ல் தொடங்கி, சில சிக்கலில் சிக்கி ஒரு வழியாகி அயலான் படத்தினை படப்பிடிப்பை நிறைவு செய்துள்ளனர், படக்குழுவினர். இப்படத்தின் CG காட்சிகளுக்காக பெரிய அளவில் செலவு செய்து பிரமாண்டமாக உருவாக்கி வருகின்றனர், அயலான் குழுவினர். இப்படம் தற்போது 2024 பொங்கல் பண்டிகைக்கு வெளியாக திட்டமிட்டுள்ளது.

மெர்ரி கிறிஸ்மஸ் - இயக்குனர் ஸ்ரீ ராம் ராகவன் இயக்கத்தில் விஜய் சேதுபதி, ராதிகா அப்டே, கத்ரீனா கைஃப், காயத்திரி ஷங்கர் என பலர் நடிக்கும் திரைப்படம். இப்படம் 2024 பொங்கல் பண்டிகை முன்னிட்டு ஜனவரி 12ல் வெளியாகிறது. இப்படத்தின் அறிவிப்புகள் சமீபத்தில் வெளியாகி பெரிய அளவில் கொண்டாடப்படுகிறது. இப்படம் ஹிந்தி - தமிழ் என இரு மொழிகளில் உருவாகி வெளியாகிறது.  

மிஷன்: சேப்டர் 1 (அச்சம் என்பது இல்லையே) - இயக்குனர் ஏ எல் விஜய் இயக்கத்தில் அருண் விஜய், எமி ஜாக்சன், நிமிஷா சஜயன் என பல முன்னணி திரை நட்சத்திரங்கள் நடித்திருக்கும் கிரைம் திரில்லர் திரைப்படம். தமிழ் சினிமா முன்னணி தயாரிப்பு நிறுவனம் லைக்கா நிறுவனம் சார்பில் தயாரிப்பாளர் சுபாஷ்கரன் இப்படத்தினை தயாரிக்க,...