சுழல் 2, கங்குவா என புதிய படங்களை கைப்பற்றிய அமேசான் பிரைம் ஓடிடி

வா வாத்தியாரே - இயக்குனர் நலன் குமாரசாமி இயக்கத்தில் கார்த்தி, க்ரித்தி ஷெட்டி, சத்யராஜ், ராஜ்கிரண், ஆனந்த் ராஜ் என பல முன்னணி பிரபலங்கள் முக்கிய கதாபாத்திரத்தில் நடித்திருக்கும் திரைப்படம். இப்படத்திற்கு இசையமைப்பாளர் சந்தோஷ் நாராயணன் இசையமைத்துள்ளார்.

வா வாத்தியாரே திரைப்படத்தின் டிஜிட்டல் ஸ்ட்ரீமிங் உரிமையை 'அமேசான் பிரைம்' ஓடிடி நிறுவனம் கைப்பற்றியுள்ளது. இப்படம் போஸ்ட் தியேட்டர் முறையில் ஸ்ட்ரீமிங் ஆகவுள்ளது என நிறுவனம் கூறியுள்ளது.

கங்குவா - இயக்குனர் சிவா இயக்கத்தில் கே இ ஞானவேல் ராஜா தயாரிப்பில் நடிகர் சூர்யா முன்னணி கதாபாத்திரத்தில் நடித்திருக்கும் திரைப்படம். இப்படம் நடிகர் சூர்யாவின் தமிழ் திரைவாழ்வில் இவர் நடிக்கும் 42வது படமாகும்.

பிரமாண்ட முறையில் அதிக பொருட்செலவில் உருவாகி வரும் கங்குவா திரைப்படத்தின் டிஜிட்டல் ஸ்ட்ரீமிங் உரிமையை 'அமேசான் பிரைம்' ஓடிடி நிறுவனம் கைப்பற்றியுள்ளது. இப்படம் போஸ்ட் தியேட்டர் முறையில் ஸ்ட்ரீமிங் ஆகவுள்ளது என நிறுவனம் கூறியுள்ளது.

கங்குவா திரைப்படம் 2024ஆம் ஆண்டு தமிழ் சினிமாவில் வெளியிட திட்டமிட்டுள்ளது. இப்படத்தில் திஷா பதானி, பாபி தியோல் என பல பிரபலங்கள் நடித்துள்ளனர்.

அமேசான் ஓடிடி நிறுவனத்தில் 2022 ஆம் ஆண்டு ஸ்ட்ரீமிங் ஆன சுழல் வெப் சீரிஸ் தொடர் ரசிகர்கள் மத்தியில் பெரிய வரவேற்பினை பெற்று பிரபலமானது. தற்போது சுழல் வெப் சீரிஸ் தொடரின் இரண்டாம் பாகம் வெளியிட திட்டமிட்டுள்ளனர், அமேசான் ஓடிடி நிறுவனம். இதற்கான அறிவிப்பை தற்போது அதிகாரப்பூர்வமாக அமேசான் நிறுவனம் வெளியிட்டுள்ளது. முதல் சீசன்யை தொடர்ந்து தற்போது உருவாகியுள்ள இரண்டாம் சீசன்-ற்கும் இயக்குனர் புஷ்கர் காயத்திரி கதை - திரைக்கதை எழுதியுள்ளனர்.

கேங்ஸ்: குருதி புனல் - அமேசான் பிரைம் ஓடிடி நிறுவனத்தில் உருவாகி வரும் புத்தி வெப் சீரிஸ் தொடர். இந்த தொடரினை இந்த வருடம் 2024ல் ஸ்ட்ரீமிங் செய்ய திட்டமிட்டுள்ளது, அமேசான் நிறுவனம். இந்த தொடரில் அசோக் செல்வன், சத்யராஜ் என தமிழ் திரை நட்சத்திரங்கள் பலர் நடித்துள்ளனர்.