அரண்மனை 4 - பேய் படத்தில் இணைந்த டாப் வைரல் நடிகைகள்...

தமன்னா - தமிழ் மற்றும் இந்திய சினிமாவின் முன்னணி நடிகைகளில் ஒருவராக பணியாற்றி வருபவர். இவர் கேடி என்ற தமிழ் படத்தின் மூலம் தனது திரைப்பயணத்தை தொடங்கி, தமிழ், தெலுங்கு மற்றும் ஹிந்தி என பல இந்திய மொழி திரைப்படங்களில் முன்னணி நடிகர்களுக்கு ஜோடியாக நடித்து பல ரசிகர்கள் மத்தியில் கொண்டாடப்பட்டவவர். இயக்குனர் சுந்தர் சி இயக்கத்தில் 2024 மே மாதம் வெளியாகும் 'அரண்மனை 4' திரைப்படத்தில் இவர் நாயகியாக நடித்துள்ளார்.

ராசி கண்ணா - தமிழ், தெலுங்கு மற்றும் ஹிந்தி சினிமாவில் பல்வேறு கதாபாத்திரத்தில் நடித்து பிரபலமானவர். இவர் தமிழில் இமைக்கா நொடிகள் போன்ற பல வெற்றி படங்கள் நடித்து பலர் மத்தியில் புகழ் பெற்றுள்ளார். சுந்தர் சி இயக்கத்தில் வெளியான அரண்மனை 3 படத்தில் நாயகியாக நடித்த ராசி கண்ணா, தற்போது அரண்மனை 4 படத்திலும் நாயகியாக நடித்துள்ளார்.

கோவை சரளா - தமிழ் சினிமாவின் பெண் நகைச்சுவையாளர், இவர் பல திரைப்படங்களில் நடித்துள்ளார். நகைச்சுவை, குணச்சித்திரம் போன்ற பல கதாபாத்திரத்தில் நடித்து பெரிய அளவில் தமிழ் சினிமா ரசிகர்கள் மத்தியில் கொண்டாடப்படும், கோவை சரளா சுந்தர் சி இயக்கிய பல திரைப்படத்தில் முக்கிய கதாபாத்திரத்தில் நடித்து வருகிறார். அரண்மனை 1, அரண்மனை 2, அரண்மனை 3 படங்களில் நடித்துள்ள கோவை சரளா, தற்போது சுந்தர் சி இயக்கியுள்ள அரண்மனை 4 திரைப்படத்திலும் நடித்துள்ளார்.

தேவ நந்தா - மலையாள சினிமாவில் 2022 ஆம் ஆண்டு மல்லிகாபுரம் என்ற வெற்றி படத்தில் நடித்து பல ரசிகர்கள் மத்தியில் பிரபலமானவர், தேவ நந்தா. குழந்தை நட்சத்திரமாக பல ரசிகர்களின் மனதை வென்ற இவர், தற்போது அரண்மனை 4 படத்தில் ஒரு குழந்தை கதாபாத்திரத்தில் நடித்துள்ளார்.

குஷ்பூ - தமிழ் சினிமா ரசிகர்களால் கொண்டாடப்பட்ட ஒரு முன்னணி நடிகை. இவருக்காக பல ரசிகர்கள் இணைந்து ஒரு கோவில் ஒன்றினை கட்டியுள்ளனர். புகழ் உச்சத்தில் இருந்து பல ரசிகர்களின் மனதை வென்ற குஷ்பூ சுந்தர், இயக்குனர் சுந்தர் சி-யை திருமணம் செய்துகொண்டார். சுந்தர் சி இயக்கி, தயாரித்த பல படங்களில் நடிகை குஷ்பூ ஏதேனும் ஒரு சிறிய கதாபாத்திரத்தில் நடித்து வருகிறார். தற்போது அரண்மனை 4 படத்திலும் நடிகை குஷ்பூ ஒரு கௌரவ தோற்றத்தின் மூலம் ஒரு கதாபாத்திரத்தில் நடித்து இறுதி பாடலுக்கு நடனமாடியுள்ளார்.

சிம்ரன் - தமிழ் சினிமா 90ஸ் ரசிகர்கள் மத்தியில் புகழ் பெற்ற நடிகை. ஹிந்தி, தெலுங்கு என இந்திய சினிமா பல படங்களில் நடித்துள்ள இவருக்கு தமிழ் சினிமாவில் பிரமாண்ட வரவேற்பு கிடைத்துள்ளது. பல ரசிகர்களின் மனதை வென்ற ஒரு கனவு நாயகியாக ஜொலித்த சிம்ரன், தற்போது பல படங்களில் துணை கதாபாத்திரத்தில் நடித்து வருகிறார். இவர் சுந்தர் சி இயக்கிய அரண்மனை 4 படத்தில் நடிகை குஷ்பூ உடன் இணைந்து கிளைமாக்ஸ் பக்தி பாடலுக்கு நடனமாடியுள்ளார்.