Aranmanai 4 Box Office - முதல் நாள் வசூலில் அதிரடி காட்டிய அரண்மனை 4... எத்தனை கோடி தெரியுமா?

அரண்மனை 4 - இயக்குனர் சுந்தர் சி இயக்கத்தில் அரண்மனை, அரண்மனை 2, அரண்மனை 3 ஆகிய படங்களின் வெற்றியை தொடர்ந்து உருவாகும் 4ஆம் பாக திகில் - திரில்லர் திரைப்படம். இப்படத்தின் இயக்குனர் சுந்தர் சி நாயகனாக நடிக்க, இவருடன் இணைந்து தமன்னா, ராசி கண்ணா, யோகி பாபு, சந்தோஷ் பிரதாப், கோவை சரளா என தமிழ் சினிமா பிரபலங்கள் பலர் முக்கிய கதாபாத்திரத்தில் நடித்துள்ளனர்.

அரண்மனை 4 திரைப்படத்தினை இப்பட இயக்குனர் சுந்தர் சி, குஷ்பூ சுந்தர் மற்றும் அருண் குமார் இணைந்து அவ்னி சினிமேக்ஸ் மற்றும் பென்ஸ்ஸ் மீடியா நிறுவனம் மூலம் தயாரித்துள்ளனர். இப்படத்தினை ஏசியன் சுரேஷ் என்டர்டைன்மெண்ட் நிறுவனம் விநியோகம் செய்துள்ளது.

தமன்னா பெற்றோரின் எதிர்ப்பை மீறி சந்தோஷ் பிரதாப்-யை காதல் திருமணம் செய்து கொள்கிறார். இதனால் பெற்றோரை பிரிந்து இருவரும் 10 வருடங்களாக வாழ்ந்து வருகின்றனர். இவர்களுக்கு ஒரு மகன் மற்றும் மகள் உள்ளனர்.

ஒரு நாள் அதிகாலையில் சந்தோஷ் பிரதாப் இறந்து போகிறார், அதே நாளில் தமன்னா தூக்கிட்டு தற்கொலை செய்து கொள்கிறார். இவர்களின் மரணத்தை பலர் சாதாரணமாக கடந்து செல்கின்றனர். தமன்னா-வின் மரண செய்தியை அறியும் சுந்தர் சி (தமன்னாவின் அண்ணன்), ஊருக்கு வருகிறார்.

தமன்னா மரணத்திற்கு பின்பு அந்த ஊரில் நடக்கும் சம்பவங்களை அடிப்படையாக கொண்டு துப்பறிவாளனாக மாறுகிறார், சுந்தர் சி. பின் தமன்னா வாழ்ந்து வந்த அரண்மனையில் அமானுச சக்தி இருப்பதாக பல வதந்திகள் வருகிறார்.

சுந்தர் சி, தமன்னாவின் மரணத்திற்கான காரணம் மற்றும் அந்த அரண்மனையில் இருக்கும் அமானுச சக்தி பற்றிய உண்மையை அறிந்து அதனை எப்படி சமாளிக்கிறார் என்பதே அரண்மனை 4 திரைப்படத்தின் கதை.

சுந்தர் சி இயக்கத்தில் வெளியாகியுள்ள அரண்மனை 4 திரைப்படம், தமிழ் சினிமா ரசிகர்கள் மத்தியில் நல்ல வரவேற்ப்பு பெற்று வெற்றி படமாக கொண்டாடப்பட்டு வருகிறது. இப்படத்தின் ரிசல்ட் பிளாக்பஸ்டர் படமாக அமைந்து அரண்மனை 4 படக்குழுவை திருப்திப்படுத்தி உள்ளது.

வழக்கமான அரண்மனை படத்திற்கான கதைக்களம் இப்படத்திலும் அமைந்திருந்தாலும், திரைக்கதையில் வெரைட்டி காட்டி இயக்கியுள்ளார், சுந்தர் சி. பல தரப்பு ரசிகர்கள் மத்தியில் இப்படம் வரவேற்பினை பெற்று பாசிட்டிவ் ரிசல்ட் பெற்றுள்ளது.

அரண்மனை 4 திரைப்படம் 2024 மே 3ல் உலகமுழுவதும் வெளியாகி பலரின் கவனத்தை கவர்ந்துள்ளது. முதல் நாள் முடிவில் அரண்மனை 4 திரைப்படம் உலகளவில் '3.60' கோடிகள் வசூல் செய்துள்ளது. இப்படத்தின் வசூல் பற்றிய அதிகாரபூர்வ அறிவிப்பு படக்குழு சார்பில் இன்னும் வெளியாகவில்லை, இருப்பினும் இப்படத்தின் ஆன்லைன் புக்கிங் மற்றும் தமிழ் சினிமா விமர்சகர் மற்றும் PRO போன்ற நிபுணர்களிடம் இருந்து இந்த தகவல்கள் வெளியாகியுள்ளது.

2024 ஆம் ஆண்டு தொடக்கத்தில் பொங்கல் ரிலீஸ் படங்களில் ஒன்றாக அரண்மனை 4 படம் வெளியாக திட்டமிடப்பட்டு பின்னர் VFX பணிகள் தாமதம் காரணமாக இப்படம் வெளியிட்டு தேதிகள் பலமுறை மாற்றி இறுதியாக 2024 மே 3ல் வெளியாகியுள்ளது. பொங்கல் ரிலீஸ் படங்கள் சரியாக தமிழ் சினிமாவில் ஹிட் அடிக்கவில்லை.

பின்னர் அடுத்தடுத்த மாதங்களில் வெளியான பல தமிழ் சினிமா படங்கள் பிளாக்பஸ்டர் பட்டியலில் இடம்பெற தவறியுள்ளது. ஒருகட்டத்தில் மலையாளம், கன்னடம் மற்றும் தெலுங்கு மொழி படங்கள் தமிழ் சினிமா ரசிகர்கள் கவனத்தை கவர்ந்து ஹிட் அடித்து, தமிழ் படங்களின் தரத்தை சறுக்கியது.

தரம் இல்லாத தமிழ் படங்களால் பல பிளாப் படங்களின் வெளியீட்டால் மோசமான நிலையில் விமர்சனம் செய்யப்பட்ட தமிழ் சினிமாவில், சுந்தர் சி இயக்கிய அரண்மனை 4 திரைப்படம் வெளியாகி பலர் மத்தியில் நல்ல வரவேற்பினை பெற்று கொண்டாடப்பட்டு வருகிறது.