தளபதி 69: தயாரிப்பாளர் கிடைக்காமல் அல்லாடும் விஜய் நடிக்கும் புதிய படம்.. என்ன காரணம் தெரியுமா?

விஜய் - தமிழ் சினிமாவில் முன்னணி முக்கிய நடிகர்களில் ஒருவர் ஆவார். ஒரு படத்திற்கு 200 கோடிகள் சம்பளம் வாங்கி நடித்துவரும் பிரபலம் ஆவார், விஜய். துப்பாக்கி, போக்கிரி, லியோ என பல வெற்றி படங்களில் நடித்து தமிழ் சினிமாவில் பல கோடி ரசிகர் பட்டாளத்தை வைத்திருக்கும் நடிகர் விஜய், அவ்வப்போது அரசியல் பணிகளை செய்து வருகிறார்.

நடிகர் விஜய் 2024 ஆம் ஆண்டு தான் அரசியல் கட்சி தொடங்கப்போவதாக அதிகாரப்பூர்வ அறிவிப்பை வெளியிட்டுள்ளார், இதனை தொடர்ந்து தான் தொடங்கும் கட்சிக்கு 'தமிழக வெற்றிக் கழகம்' என பெயர் சூட்டி, அவ்வப்போது ரசிகர்கள் மற்றும் கட்சி நிர்வாகிகள் உடன் ஆலோசனை நடித்தி வருகிறார், விஜய். இவர் அரசியலில் என்ட்ரி ஆனதும் திரைப்படங்களை நடிப்பதில் முற்றிலுமாக நிறுத்தப்போவதாக கூறியுள்ளார்.

தி கிரேட்டஸ்ட் ஆஃப் ஆல் டைம் - இயக்குனர் வெங்கட் பிரபு இயக்கத்தில் தளபதி விஜய் நடித்து வரும் அதிரடி - திரில்லர் திரைப்படம். இப்படத்தினை தமிழ் சினிமா பிரபல தயாரிப்பு நிறுவனம் 'AGS என்டர்டைன்மெண்ட்' நிறுவனம் தயாரிக்க, இசையமைப்பாளர் யுவன் ஷங்கர் ராஜா இசையமைத்துள்ளார்.

இப்படத்தில் விஜய் உடன் இணைந்து மீனாக்ஷி சௌத்ரி, வைபவ், பிரேம்ஜி, சினேகா என தமிழ் சினிமா முக்கிய நட்சத்திரங்கள் பலர் நடித்துள்ளனர். இப்படம் 2024 செப்டம்பர் மாதம் 5ல் உலகமெங்கும் வெளியாக தயாராகி வருகிறது.

தளபதி 69 - நடிகர் விஜய்யின் திரைவாழ்வில் இவர் நடித்து வரும் 69வது திரைப்படமாகும். 2026 ஆம் ஆண்டு தமிழக அரசியலில் போட்டியிட தயாராகும் நடிகர் விஜய், தளபதி 69 திரைப்படம் தான் நான் நடிக்கும் இறுதி படம் என அறிவுப்பு வெளியிட்டுள்ளார். இப்படத்திற்கு இயக்குனராக பல முன்னணி இயக்குனர்கள் போட்டியிட்ட நிலையில், தற்போது ஹச் வினோத் இப்படத்தினை இயக்க போவதாக அறிவிப்புகள் வெளியாகி உள்ளது.

நடிகர் விஜய் நடிக்கவிருக்கும் தளபதி 69 திரைப்படத்திற்கு பல அறிவுப்புகள் வெளியாகி உள்ள நிலையில், இப்படத்தினை ஹச் வினோத் இயக்க உள்ளார் என பல தகவல்கள் வெளியாகியுள்ளது. ஹச் வினோத் தமிழ் சினிமாவில் சதுரங்க வேட்டை, தீரன், வலிமை, துணிவு என பல வெற்றி படங்களை இயக்கி தமிழ் சினிமா ரசிகர்களின் மனதை வென்ற இயக்குனர் ஆவார். ஹச் வினோத் - விஜய் கூட்டணியில் உருவாகும் தளபதி 69 படத்தின் ஆரம்பத்தில் இப்படத்தினை தயாரிக்க பல தயாரிப்பாளர்கள் ஆர்வம் காட்டிவந்த நிலையில் தற்போது பல தயாரிப்பாளர்கள் இப்படத்தினை தயாரிக்க முடியாது என ஓடுகின்றனர்.

விஜய் தனது திரைவாழ்வில் தான் நடிக்கும் இறுதி படம் என்பதால், இப்படத்திற்கு மக்கள் மத்தியில் எதிர்பார்ப்புகள் பெரிய அளவில் உள்ளது என சொல்லி தனது சம்பளத்தை அதிகரித்துள்ளார். 200 கோடிகள் வரை சம்பளம் வாங்கும் நடிகர் விஜய், 'தளபதி 69' திரைப்படத்திற்கு 250 கோடி சம்பளமாக நிர்ணயித்துள்ளார். 250 கோடிகள் விஜய்யின் சம்பளமாக இருக்க, மேலும் இயக்குனர், இசையமைப்பாளர், நடிகைகள் என இவர்களின் சம்பளத்தை சேர்த்தால் 400 கோடி பட்ஜெட்டில் ஒரு கமெர்சியல் படம் எடுப்பதா, என பல தயாரிப்பாளர்கள் இப்படத்தினை நிராகரித்து வருகின்றனர். இதனால் விஜய் நடிக்கும் 'தளபதி 69' திரைப்படம் தயாரிப்பாளர்கள் இல்லாமல் அல்லாடுகிறது.