கோபி - ராதிகாவின் ஆட்டத்தை முடித்த பாக்கியலட்சுமி, ரசிகர்கள் ஹாப்பி!

பாக்கியலட்சுமி - விஜய் தொலைக்காட்சியில் ஒளிபரப்பாகி வரும் பிரபல தமிழ் சின்னத்திரை சீரியல். இந்த தொடரில் இடம் பெற்றுள்ள பாக்கியா, கோபி, எழில், ராதிகா என பல கதாபாத்திரங்கள் மக்கள் மத்தியில் பெரிய அளவில் கொண்டாடப்பட்டு வருகிறது. தமிழ் சின்னத்திரையில் இந்த ஆண்டின் பிரபல 10 சீரியல்கள் பட்டியலில் முக்கிய இடத்தை பெற்றுள்ளது, பாக்கியலட்சுமி. இந்த வாரம் வெளியான ப்ரோமோ மூலம் பாக்கியலட்சுமி சீரியலில் அடுத்ததாக நடக்கவிருக்கும் சுவாரஸ்யங்களை பற்றி இங்கு விரிவாக காணலாம். இதோ.

பாக்கியாவின் இல்லத்திற்கு வந்த ராதிகா மற்றும் கோபி பல இடங்களின் தொந்தரவு அளித்து குடும்பத்தின் நிம்மதியை அழித்து வந்துள்ளனர். ஒரு கட்டத்தில் பெரிய அளவிற்கு சென்ற பிரச்சனைகள் வெவ்வேறு வழிகளில் பல இன்னல்களை உருவாக்கி உள்ள நிலையில், இவர்களை வீட்டை விட்டு வெளியேற்ற குடும்பத்தினர் முடிவெடுக்க அதற்கு தனக்கு பணம் அளிக்க வேண்டும் என கோபி சொன்னதும், இன்னும் 1 மாத காலத்திற்குள் 18 லட்ச பணத்தை கொடுத்து தனது வீட்டை மீட்பேன் என கூறி சபதம் கொள்கிறார், பாக்கியா.

பழனிச்சாமி கதாபாத்திரத்தில் நடிகர் ரஞ்சித் இந்த தொடரில் நடித்து வருகிறார். இவர் பாக்கியாவின் தோழன் ஆவார். பழனிச்சாமியின் நண்பனான தாடி பாலாஜியின் மகள் திருமணத்திற்கு சமைக்க சொல்லி அந்த காண்ட்ராக்ட்-ஐ பாக்கியாவிற்கு பெற்று தருகிறார், பழனிச்சாமி. பாக்கியாவும் அந்த சமையல் ஆடரை வெற்றிகரமாக முடித்து தனது ஒரு பெரும் தொகையை சம்பாரித்து உள்ளார்.

18 லட்ச பணத்தில் இன்னும் 10 லட்சங்கள் தேவை என்னும் நிலையில் என்ன செய்வது என்று அறியாமல் தவிக்கும் பாக்கியாவை கேலி செய்து நக்கல் செய்து வருகிறார், கோபி. அந்த பணத்தை ஏற்பாடு செய்ய எழில் மற்றும் செழியன் என இருவரும் உதவி செய்ய முன் வருகின்றனர்.

1 மாதத்தில் தனது பணத்தை கொடுக்கவில்லை என சொல்லி பாக்கியவை வீட்டை விட்டு வெளியேற்ற கோபி தந்து ஆர்ப்பாட்டத்தை தொடங்க, பாக்கியா 18 லட்ச பணத்தை எடுத்துக்கொண்டு கோபியிடம் கொடுத்து விடுகிறார். பலருக்கும் இந்த பணம் எப்படி வந்தது என பல ஆச்சிரியங்கள். இறுதியில் கோபி மற்றும் ராதிகா இருவரும் இல்லத்தை விட்டு வெளியேறுகின்றனர். இந்த ப்ரோமோ வெளியாகி ரசிகர்களை குஷி படுத்தியுள்ளது.