அன்னபூரணி பார்த்தும்மா நயன்தாரா சம்பளம் குறையல?.. அடுத்த படத்துக்கு இத்தனை கோடி சம்பளமாம்!

தமிழ் சினிமாவில் 2005 ஆம் ஆண்டு ஐயா படத்தின் மூலம் என்ட்ரி கொடுத்து தற்போது முன்னணி முக்கிய நடிகர்களின் படத்தில் நடித்து வருகிறார். இவர் தனக்கென 'லேடி சூப்பர் ஸ்டார்' என்ற பட்டத்தை பொருத்திக்கொண்டு தமிழ், தெலுங்கு என தென்னிந்திய சினிமாவில் ஜொலித்து வருகிறார், நயன்தாரா.

விஸ்வாசம், அண்ணாத்த, பிகில் என தமிழ் சினிமா முன்னணி நடிகர்களின் திரைப்படத்தில் நாயகியாக நடித்து வருகிறார். திரைப்படங்களில் ஜோடி நடிகையாக மட்டுமில்லாமல் நாயகிகளுக்கு முக்கியத்துவம் உள்ள படங்களிலும் நடிக்கிறார், நயன்தாரா.

தமிழ் சினிமா நடிகர்களுடன் தான் நடிக்கும் திரைப்படங்களில் 5 கோடி முதல் சம்பளம் பெற்று வந்துள்ள இவர், படிப்படியாக உயர்த்தி 8-10 கோடிகளை சம்பளமாக பெற்றுள்ளார். சமீபத்தில் தென்னிந்திய சினிமாவை தொடர்ந்து ஹிந்தி படங்களிலும் நடிக்க தொடங்கியுள்ள நயன்தாரா, தனது சம்பளத்தை பெரிய அளவில் உயர்த்தி மார்க்கெட் நடிகையாக பிரபலமாகியுள்ளார். தனது மார்க்கட்யை வைத்து தன் சம்பளம் நிர்ணயிக்கப்படுகிறது என ஹிந்தி சினிமாவையும் இணைந்து தனது சம்பள உயர்வை நிர்ணயித்து உள்ளார், நயன்தாரா.

இந்தியாவில் பல மொழி படங்களில் நடித்து வரும் நடிகை நயன்தாரா, திரிஷா, அசின் போன்ற பல 90'ஸ் நடிகைகளை பின்னுக்கு தள்ளி தனது முத்திரையை தமிழ் சினிமாவில் படைத்துள்ளார். அன்று முதல் இன்று வரை பல நடிகைகளை மிஞ்சி நடித்து பல ரசிகர்களின் மனதை வென்ற நடிகை நயனதாரா, பலரால் கொண்டாடப்படுகிறார்.

திரிஷா கிருஷ்ணன், மாளவிகா மோகனன் போன்ற நடிகைகள் இன்று நயத்தரவுடன் போட்டிபோடுகின்றனர். சமூக வலைத்தளத்தில் இவர்கள் ஒருவரை ஒருவர் பற்றி வசைபாடுவதும், நேரடியாக இல்லாமல் மறைமுக தாக்குதல் செய்வதை சம்மந்தப்படுத்தி ரசிகர்கள் ட்ரெண்ட் செய்து வருகின்றனர்.

ஹீரோக்கள் நடிகர்களோடு தான் நடிக்கும் படங்கள் ரசிகர்கள் மத்தியில் வரவேற்கப்படுகின்றன. ஆனால் தனித்தன்மையுடன் தான் நடிக்கும் படங்கள் ரசிகர்களை கவர தவறுகிறது. சமீபத்தில் நயன்தாரா நாயகியாக நடித்திருக்கும் பல படங்களான நெற்றிக்கண், அன்னபூரணி, O2 ஆகிய பல படங்கள் நஷ்டம் அடைந்து நயன்தாராவை தமிழ் சினிமாவில் ஒரு பிளாப் நாயகி என விமர்சனம் செய்துள்ளனர், பல விமர்சகர்கள். 

நயன்தாரா நடித்திருக்கும் அன்னபூரணி திரைப்படம், சரியான திரைக்கதை வடிவமைப்பு இல்லாமல் பிளாப் படமாக மாறினாலும், சில சர்ச்சையான வசனங்களால் இப்படம் நெட்ப்ளிக்ஸ் ஓடிடி தளத்தில் இருந்து நீக்கப்பட்டுள்ளது. இதனால் நயன்தாராவின் திரைப்பயணம் பெரிய அளவில் சரிவை கண்டுள்ளது.

குறும் படத்தினை இயக்கி வெள்ளித்திரையில் இயக்குனராக அறிமுகமாகும் புதுமுக இயக்குனர் செந்தில் இயக்கத்தில் டிரம்ஸ்ஸ்டிக் புரொடக்சன் நிறுவனம் தயாரிப்பில் நடிகை நயன்தாரா புதிய படத்தில் நடிக்க பேச்சுவார்த்தைகள் நடத்தப்படுகிறது. இந்த படத்திற்காக நடிகை நயன்தாரா 12 கோடிகளை சம்பளமாக கேட்டுள்ளார் என தகவல்கள் வெளியாகியுள்ளது.

சமீப காலமாக எந்த படமும் ஓடாத நிலையில், நயன்தாரா-வுக்கு ஏன் இத்தனை கோடி சம்பளங்கள் என பல விமர்சகர்கள் ஆச்சரியப்படுகின்றனர்.