தமிழ் சினிமாவை அதிரடி திட்டங்கள் மூலம் தலை நிமிர வைத்த கேப்டன் விஜயகாந்த்

தமிழ் சினிமாவில் கருப்பு எம்.ஜி.ஆர் என மக்கள் மத்தியில் கொண்டாடப்பட்டவர், விஜயகாந்த். நடிகனாக மட்டுமில்லாமல் ஒரு நல்ல மனிதனாக திரைத்துறையில் பலரால் புகழப்பட்டவர். இவரது திரைவாழ்வில் பல படங்கள் 150 நாட்களை கடந்து பிரமாண்ட வெற்றி பெற்றுள்ளது. 1991 ஆம் ஆண்டு விஜயகாந்த் நடிப்பில் வெளியான கேப்டன் பிரபாகரன் திரைப்படம், திரைத்துறையில் இவர் நடித்த 100வது படமாகும். இப்படத்தின் பிரமாண்ட வெற்றியை தொடர்ந்து இவருக்கு கேப்டன் என்னும் அடை மொழி வந்தது.

இனிக்கும் இளமை என்னும் படத்தில் வில்லன் கதாபாத்திரத்தில் நடித்து தமிழ் சினிமாவில் அறிமுகமான விஜயராஜ், பின் தனது இயற்பெயரை விஜயகாந்த் என மாற்றி கொண்டார். இப்படத்தினை தொடர்ந்து சாமத்தி பூ, அகல் விளக்கு என பல படங்களில் நடித்துள்ள விஜயகாந்த், 1980ல் இவர் நடித்த தூரத்து இடிமுழக்கம் படம் பெரிய வெற்றியை பெற்று தந்தது. இப்படத்தினை தொடர்ந்து பல வெற்றி படங்கள் இவருக்கு அமைந்தது.

தமிழ் சினிமாவில் நடிக்க விருப்பத்தோடு சென்னை வருபவர்கள் எத்தனை நாட்கள் வேணுமானாலும் விஜயகாந்தின் அலுவலகத்தில் தங்கலாம். இயக்குனர், நடிகர், துணை நடிகர் மற்றும் ஜூனியர் ஆர்ட்டிஸ்ட் என பலரை சமமாக பார்ப்பவர்தான், விஜயகாந்த். ராவுத்தர் பிலிம்ஸ் நிறுவனத்தில் சினிமா வாய்ப்பு தேடும் பலர் தங்கினர், அவர்களுக்கு சாப்பாடு இலவசம் என பல விஷயங்களை செய்துள்ளார், விஜயகாந்த்.

படப்பிடிப்பு தளங்களில் நாயகனுக்கு தனி விருந்து, அங்கு வேலை செய்பவர்களுக்கு வேறு சாப்பாடு என்னும் வழக்கத்தை மாற்றி, ஒரு படப்பிடிப்பு தலத்தில் உணவு நேரம், அனைவரும் சமம் என அனைவருக்கும் ஒரே சாப்பாடு என பல நல்ல விஷயங்களை செய்து மக்கள் மத்தியில் அன்பினை பெற்றார், விஜயகாந்த். இவரது செயல்கள் திரைத்துறை மற்றும் பலர் மத்தியில் பேசப்பட்டு பலரின் கவனத்தை கவர்ந்தது.

1980 களில் தமிழர்களுக்கு எதிராக இலங்கையில் வன்முறை வெடித்த போது, தமிழகத்தில் அரசியல் கட்சிகளின் போராட்டம் நடந்தது. அச்சமயம் தனது ரசிகர்மன்ற ரசிகர்களின் மூலம் போராட்டம் நடத்தியுள்ளார், விஜயகாந்த். பின் திரை நட்சத்திரங்களை ஒன்றுகூட்டி இலங்கையில் நடந்துள்ள ஈழ படுகொலைக்கு எதிராக உண்ணாவிரதம் இருந்து, அப்போது ஆளுநரிடம் மனு அளித்து தனது சமூக அக்கறையை வெளிப்படுத்தினார், விஜயகாந்த். ஈழ தமிழர்களின் மேல் உள்ள பாசத்தால், பிரபாகரனின் மேல் உள்ள பற்றால் தனது மகனுக்கு விஜய பிரபாகரன் என பெயர் சூட்டி உள்ளார், விஜயகாந்த்.

இலவச திருமணம், பள்ளி குழந்தைகளுக்கு கணினி, புத்தக நிதி உதவி, சேலை & வேஷ்டி என பல விஷயங்களை இலவசமாக மக்களுக்கு செய்து வந்துள்ளார், விஜயகாந்த். தனது ரசிகர்களை காண செல்லும் இடங்களில் அங்கு வாழும் எளிய மக்களை சந்தித்து அவர்களுக்கு தேவையான உதவிகளை செய்து வந்துள்ளார், விஜயகாந்த். இதனால் மக்களை இவரை ஆளு கருப்பு மனசு வெள்ளை என புகழாரம் சூட்டியுள்ளனர்.

1999ல் தென்னிந்திய சினிமா கடனில் சிக்கி தவித்தது. அச்சமயம் நடிகர் சங்க தேர்தலில் வெற்றி பெற்றார், விஜயகாந்த். ரஜினி, கமல், சரத் குமார் என முன்னணி நடிகர்களை ஒன்றுசேர்த்து தமிழகர்கள் அதிகம் வாழும் நாடுகளான சிங்கப்பூர், மலேசிய போன்ற நாடுகளில் கலைநிகழ்ச்சி நடத்தி அந்த வசூல் மூலம் நடிகர் சங்கத்தின் கடனை அடைத்து சங்கத்தை மீட்டெடுத்தார், விஜயகாந்த். தனது துல்லியமான வியூகம் & ஆளுமை திறன் கொண்டு வெற்றிகரமாக செய்து முடித்தார், விஜயகாந்த்.

2001ஆம் ஆண்டு கலைமாமணி விருது மற்றும் சிறந்த குடிமகன் விருதை பெற்றார், விஜயகாந்த். இவருக்கு புரட்சி கலைஞர், கருப்பு எம் ஜி ஆர், கேப்டன் போன்ற புனைபெயர்கள் உண்டு. தமிழகத்தில் அரசியல் கட்சி தொடங்கி மாபெரும் வெற்றி கண்டவர், விஜயகாந்த்.