உதவி இயக்குனராக பணியாற்றாமல் நேரடியாக தமிழ் படங்களை இயக்கிய இயக்குனர்கள்

தமிழ் சினிமாவில் 'இயக்குனர் சிகரம்' என பலரால் போற்றப்படும் இயக்குனர் ஆவார், பாலச்சந்தர். இவர் உதவி இயக்குனராக பணியாற்றாமல் நேரடியாக இயக்குனராகும் வாய்ப்பை பெற்றவர். 1964ல் தெய்வத்தாய், சர்வர் சுந்தரம் போன்ற படங்களில் எழுத்தாளராகவும், வசனங்கள் எழுதி தன் திரைப்பயணத்தை தொடங்கியுள்ளார். இவரின் வசனங்கள் பலர் மத்தியில் பெரிய அளவில் பேசப்பட்டது. திரைவட்டாரங்களில் பிரபலமான இவர், 1965ல் 'நீர்க்குமிழி' என்னும் படத்தினை இயக்கி இயக்குனராக அறிமுகமானார். பல வெற்றி படங்களை இயக்கி திரையுலகில் பலர் மத்தியில் பெரிய அளவில் கொண்டாடப்பட்டு பல விருதுகளையும் இவர் வென்றுள்ளார்.

பாலு மகேந்திர தமிழ் சினிமாவின் முக்கிய முன்னணி இயக்குனர்களில் ஒருவர் ஆவார். இவர் (1982 முதல் 2000) ஆண்டுகளில் பல படங்களை இயக்கி பலரால் கொண்டாடப்பட்டு பல விருதுகளை வென்று அசத்தியுள்ளார். ஒளிப்பதிவாளராக 1972ல் தன் திரைப்பயணத்தை தொடங்கியுள்ள இவர், 1977ல் கன்னட படத்தினை இயக்கி இயக்குனராக அறிமுகமானார். பின் 1979ல் தமிழ் சினிமாவில் இன்றும் பேசப்படும் 'அழியாத கோலங்கள்' படத்தினை இயக்கி தமிழ் சினிமாவில் அறிமுகமாகியுள்ளார்.

மணிரத்னம், பிறப்பால் ஒரு பெரிய வசதியான குடும்பத்தை சேர்ந்தவர். இவரது குடும்பம் சினிமா தயாரிப்பு போன்ற சினிமா சார்ந்து நடக்கும் வர்த்தகத்தில் உள்ளது. இவர் சினிமா தயாரிப்பு பின்னணியில் தன் பயணத்தை தொடங்கியுள்ளார். பின் சினிமாவில் உள்ள ஆர்வத்தால் தான் படம் இயக்கப்போவதாக அறிவித்து, முதலில் 1983ல் 'பல்லவி அணு பல்லவி' என்ற கன்னட படத்தினை இயக்கி இயக்குனராக அறிமுகமாகியுள்ளார். பின் 1984ல் 'உணரோ' என்ற மலையாள படத்தினை இயக்கியுள்ளார். பின்னர் 1986ல் 'பகல் நிலவு' என்னும் படத்தினை இயக்கி தமிழ் சினிமாவில் அறிமுகமாகியுள்ளார். பின் அடுத்தடுத்து பல வெற்றி படங்களை இயக்கிய இவர், சிறந்த இயக்குனர், சிறந்த திரைக்கதை எழுத்தாளர் என பல விருதுகளை பெற்றுள்ளார்.

ஒரு தனியார் (பிரைவேட்) நிறுவனத்தில் சாப்ட்வேர் பொறியாளராக பணியாற்றியுள்ள இவர் கலைஞர் தொலைக்காட்சியில் 'நாளைய இயக்குனர்' என்னும் ரியாலிட்டி நிகழ்ச்சியில் போட்டியாளராக பங்கேற்று குறும்படம் இயக்கி, அதன் மூலம் தமிழ் சினிமாவில் இயக்குனராக அவதரித்துள்ளார். இவர் பீட்சா படத்தினை இயக்கி தமிழ் சினிமாவில் அறிமுகமானார்.

நலன் குமரசாமி, தமிழ் சின்னத்திரை கலைஞர் தொலைக்காட்சியில் 'நாளைய இயக்குனர்' என்னும் ரியாலிட்டி நிகழ்ச்சியில் போட்டியாளராக பங்கேற்று குறும்படம் இயக்கி முதல் சீசன் வெற்றியாளராக பிரபலமானவர். இவர் பீட்சா படத்தில் ஒரு சிறிய கதாபாத்திரத்தில் நடித்துள்ளார். பின் 'தீயா வேலை செய்யணும் குமாரு' படத்திற்கு திரைக்கதை எழுதியுள்ளார். 2013ஆம் ஆண்டு சூதுகவ்வும் படத்தினை இயக்கி தமிழ் சினிமாவில் இயக்குனராக அறிமுகமாகியுள்ளார், நலன். இப்படம் பெரிய அளவில் பேசப்பட்டு பல விருதுகளை அள்ளிக்குவித்துள்ளது.

லோகேஷ் கனகராஜ் - தமிழ் சினிமாவின் முன்னணி இயக்குனர்களில் ஒருவர். இவர் இயக்குனர் கார்த்திக் சுப்பராஜ் தயாரித்த 'அவியல்' என்னும் ஆந்தாலஜி படத்தில் ஒரு குறும் படத்தினை இயக்கி இயக்குனராக அறிமுகமாகியுள்ளார். பின் தமிழ் சினிமாவில் மாநகரம் படத்தினை இயக்கி பலர் மத்தியில் பேசப்பட்ட இவர், அடுத்தடுத்து கைதி, விக்ரம், மாஸ்டர் என பிரமாண்ட வெற்றி படங்களை இயக்கி ஒரு முன்னணி இயக்குனராக புகழ் பெற்றுள்ளார்.