அயலான் - கேப்டன் மில்லர்: இந்த வாரம் தெலுங்கு சினிமாவில் ரிலீஸ்...

அயலான் - இயக்குனர் ரவிக்குமார் இயக்கத்தில் சிவகார்த்திகேயன், ரகுல் ப்ரீத் சிங், கருணாகரன், யோகி பாபு என பல தமிழ் திரைப்பட பிரபலங்கள் நடித்திருக்கும் அதிரடி - திரில்லர் கதைக்களத்தில் உருவாகியுள்ள அறிவியல் புனைவு திரைப்படம். இப்படத்தினை தமிழ் சினிமாவின் பிரபல தயாரிப்பாளரான கொட்டப்படி ஜே ராஜேஷ் தனது KJR தயாரிப்பு நிறுவனத்தின் மூலம் தயாரிக்க, இசையமைப்பாளர் 'இசைப்புயல்' ஏ ஆர் ரஹ்மான் இசையமைத்துள்ளார்.

தமிழ் சினிமா ரசிகர்கள் அனைவரும் தங்களின் குடுப்பதோடு ரசிக்கும் வண்ணத்தில் உருவாகியுள்ள அயலான் படத்தினை ஒளிப்பதிவாளர் நீரவ் ஷாஹ் ஒளிப்பதிவு செய்ய, படத்தொகுப்பாளர் ரூபன் எடிட்டிங் செய்துள்ளார்.

கேப்டன் மில்லர் இயக்குனர் அருண் மாதீஸ்வரன் இயக்கத்தில் தனுஷ், பிரியங்கா மோகன், சிவ ராஜ் குமார் என பல திரைப்பட முன்னணி நட்சத்திரங்கள் நடித்திருக்கும் அதிரடி திரில்லர் திரைப்படம். இப்படத்தினை தயாரிப்பாளர் தியாகராஜன் 'சத்யா ஜோதி பிலிம்ஸ்' தயாரிப்பு நிறுவனத்தின் மூலம் தயாரிக்க, இசையமைப்பாளர் ஜி வி பிரகாஷ் குமார் இசையமைத்துள்ளார்.

அதிரடி திரைக்கதை படமாக உருவாகியுள்ள கேப்டன் மில்லர் திரைப்படத்திற்கு ஒளிப்பதிவாளர் சித்தார்த்த நுனி ஒளிப்பதிவு செய்ய, படத்தொகுப்பாளர் நாகூரான் ராமசந்திரன் எடிட்டிங் செய்துள்ளார்.

இந்த 2024ஆம் ஆண்டு பொங்கல் பண்டிகைக்கு தமிழ் சினிமாவில் அயலான் - கேப்டன் மில்லர் ஆகிய படங்கள் வெளியாகி மக்கள் மத்தியில் கொண்டாடப்பட்டது. இப்படங்களை தவிர்த்து மிஷன் 1, மேரி கிறிஸ்துமஸ் ஆகிய படங்கள் வெளியாகின. அயலான் - கேப்டன் மில்லர் படங்கள் தமிழ் சினிமாவில் ரசிகர்களின் மனதை வென்று வசூல் ரீதியாக பெரிய சாதனை படைத்து வருகிறது.

தெலுங்கு  சினிமாவில் இந்த பொங்கல் பண்டிகைக்கு மகேஷ் பாபு நடித்துள்ள குண்டூர் காரம், ஹனுமான், வெங்கடேஷ் நடித்துள்ள சைந்தவ், நாகர்ஜூனாவின் நா சாமி ரங்கா ஆகிய படங்கள் வெளியாகின. இந்த படங்களுக்கு தெலுங்கில் போதிய திரையரங்கள் இல்லாத காரணத்தால் தமிழ் படங்களை பண்டிகை நாளில் வெளியிட தடை விதித்துள்ளது, தெலுங்கு சினிமா. எனவே அயலான் - கேப்டன் மில்லர் ஆகிய படங்கள் தெலுங்கி வெளியாகவில்லை.

பொங்கல் தினத்தன்று தமிழ் சினிமாவில் வெளியான அயலான் - கேப்டன் மில்லர் ஆகிய படங்கள் தெலுங்கு சினிமாவில் வெளியாகாத காரணத்தால் இந்த வாரம் ஜனவரி 26, 2024ல் தெலுங்கு மொழியில் அயலான் - கேப்டன் மில்லர் படங்கள் வெளியாகிறது.

பண்டிகை நாளில் தெலுங்கு படத்திற்கு தெலுங்கு திரையுலக திரையரங்குகளில் முக்கியத்துவம் அளிப்பதே இதற்கு காரணம்.

தற்போது வரை தமிழ் மொழியில் மட்டும் உலகம் முழுவதும் வெளியான அயலான் - கேப்டன் மில்லர் ஆகிய திரைப்படங்கள் வசூல் ரீதியாக ரசிகர்களால் கொண்டாடப்பட்டு வருகிறது. தற்போது 100 கோடி வசூலை நெருங்கியுள்ளது, அயலான் & கேப்டன் மில்லர். இந்த வாரம் தெலுங்கு மொழியில் இரு படங்கள் வெளியாவதால் இப்படங்களின் வசூல் அதிகரித்து 100 கோடி கிளப் பட்டியலில் இடம் பெற அதிக வாய்ப்புள்ளது.