கூலி - சரத்குமார் பட தலைப்பை காபி அடித்த லோகேஷ்... ரஜினியின் வில்லத்தனம் கைகொடுக்குமா?

கூலி - இயக்குனர் லோகேஷ் கனகராஜ் இயக்கத்தில் 'சூப்பர் ஸ்டார்' ரஜினிகாந்த் நாயகனாக நடிக்கும் திரைப்படம். இப்படத்தினை கலாநிதி மாறன் 'சன் பிக்சர்ஸ்' நிறுவனத்தின் மூலம் தயாரிக்க, இசையமைப்பாளர் அனிருத் ரவிச்சந்தர் இசையமைத்துள்ளார். இப்படம் படப்பிடிப்பை தொடங்கவுள்ள நிலையில், இப்படத்தின் டைட்டில் ப்ரோமோ டீசர் விடியோவை வெளியிட்டுள்ளனர், படக்குழுவினர்.

கூலி என்ற தலைப்பில் ஏற்கனவே அமிதாப் பச்சன் நடித்த ஹிந்தி படமும், தமிழ் சினிமாவில் 1995 ஆம் ஆண்டு பி வாசு இயக்கத்தில் சரத்குமார் நாயகனாக நடித்துள்ள திரைப்படமும் வெளியாகியுள்ளது. தமிழ் சினிமாவில் தொடர்ந்து நடிகர் ரஜினியை பல இடங்களில் மறைமுகமாக விமர்சித்து வருகிறார் சரத்குமார், இந்த சூழலில் சரத்குமார் நடித்த திரைப்படத்தின் தலைப்பை ரஜினி தான் நடிக்கும் புதிய படத்திற்கு பொறுத்தியுள்ளார், இதனை கண்ட பல சினிமா விமர்சகர்கள் திகைத்து உள்ளனர்.

தமிழ் சினிமாவில் தனது ஆரம்ப கால திரைப்பயணத்தில் வில்லனாக நடித்து அறிமுகமானவர், ரஜினிகாந்த். 16 வயதினிலே போன்ற பல படங்களில் வில்லன் கதாபாத்திரத்தில் நடித்த ரஜினி, வில்லனாக மிரட்டி பல ரசிகர்கள் மத்தியில் பிரபலமாகி தமிழ் சினிமாவில் ஹீரோ அவதாரம் எடுத்துள்ளார்.

மீண்டும் ரஜினியை வில்லன் கதாபாத்திரத்தில் கண்டு மகிழ பல ரசிகர்கள் ஆர்வம் அளித்து வருகின்றனர். சமீபத்தில் 2019 ஆம் ஆண்டு வெளியான பேட்ட திரைப்படத்தின் கதாபாத்திரமும் பெரிய அளவில் பேசப்பட்டது. தற்போது மீண்டும் வில்லத்தனம் உடைய கதாபாத்திரத்தில் நடித்துள்ளார், ரஜினிகாந்த். இதனால் பெரிய அளவில் இப்படத்திற்கு எதிர்பார்ப்பு எகிறியுள்ளது.

ரஜினி - லோகேஷ் கனகராஜ் இணைந்துள்ள கூலி திரைப்படத்தின் டைட்டில் டீசர், 2024 ஏப்ரல் 22ல் வெளியானது. இப்படத்தின் டீசர் தமிழ், தெலுங்கு, கன்னட, மலையாளம் மற்றும் ஹிந்தி மொழியில் வெளியாகி அறிவிப்பின் போதே ஒரு பான் இந்தியா வரவேற்பை பெற்றுள்ளது. தங்க கடத்தல் போன்ற திரைக்கதையை மையப்படுத்தி இயக்கியுள்ளார், இயக்குனர் லோகேஷ் கனகராஜ்.