வாத்தி & பகாசூரன்: இந்த வார தமிழ் ரிலீஸ் படங்களில் பெஸ்ட் யார்?

இயக்குனர் வெங்கி அத்லூரி இயக்கத்தில் தனுஷ், சமுத்திரக்கனி, சம்யுக்த மேனன் என பலர் முன்னணி கதாபாத்திரத்தில் நடித்திருக்கும் திரைப்படம். இப்படத்திற்கு இசையமைப்பாளர் ஜி வி பிரகாஷ் குமார் இசையமைத்துள்ளார். தமிழ் - தெலுங்கு என இரு மொழிகளில் நேரடி படமாக இப்படம் உருவாகி வெளியாகியுள்ளது.

இயக்குனர் மோகன் ஜி இயக்கத்தில் செல்வராகவன் & நட்டி நடராஜன் முன்னணி கதாபாத்திரத்தில் நடித்திருக்கும் அதிரடி - திரில்லர் திரைப்படம். இப்படத்தினை இயக்குனர் மோகன் ஜி தன் தயாரிப்பு நிறுவனம் மூலம் தயாரிக்க, இசையமைப்பாளர் சாம் சி எஸ் இசையமைத்துள்ளார்.

வாத்தி: அரசு பள்ளியின் தரத்தை குறைக்க தரம் இல்லாத ஆசிரியர்களை அரசு பள்ளியில் நியமிக்கின்றனர். ஒரு தனியார் நிறுவனத்தில் இருந்து அரசு பள்ளி ஆசிரியராக செல்லும் தனுஷ், அங்கு என்னென்ன புரட்சிகள் செய்து அரசு பள்ளி மாணவர்களுக்கு அரசு திட்டங்களை பெற்று தந்தார், என்பதே படத்தின் கதை.


பகாசூரன்: இன்றைய பள்ளி & கல்லூரி மாணவிகளுக்கு செல் போன் எவ்வளவு ஆபத்தானது என்னும் கதையை திரைக்கதையாக வடிவமைத்து இயக்கியுள்ளார், மோகன் ஜி. செல் போன்களால் மாணவிகளுக்கு ஏற்படும் தீமைகள் மற்றும் தொந்தரவுகள் பற்றி வெளிப்படையாக இப்படத்தின் மூலம் கூறியுள்ளார், இயக்குனர்.

தமிழ் சினிமாவில இந்த இரண்டு படங்களும் 2023 பிப் 17ல் வெளியானது. இந்த இரண்டு படங்களுக்கும் தமிழ் திரைப்பட ரசிகர்கள் நல்ல வரவேற்பினை அளித்துள்ளனர். ஆனால் வசூல் ரீதியாக தனுஷின் வாத்தி திரைப்படம் நிச்சியம் ஜெயிக்கும் என திரைவட்டாரங்கள் கூறுகின்றனர். விமர்சனம் ரரீதியாக வாத்தி மற்றும் பகாசூரன் படங்கள் ரசிகர்களால் கொண்டாடப்படுகிறது.

வாத்தி & பகாசூரன் திரைப்படங்கள் இன்று வெளியானதை தொடர்ந்து இப்படத்தின் விமர்சனங்கள் ரசிகர்கள் மத்தியில் பேசப்படுகிறது. இந்த இரண்டு படங்களின் கதை சமூக அக்கறையோடு உருவாக்கப்பட்டுள்ளது. இருப்பினும் வாத்தி படத்தை விட பகாசூரன் திரைப்படத்தின் திரைக்கதை வெளிப்படையாக சில விஷயங்களை மக்களுக்கு எடுத்துரைக்கிறது. வெளிப்படையான திரைக்கதை மற்றும் கதையின் கரு தமிழகத்தில் சர்ச்சையை உருவாக்கும் என எதிர்பார்க்கப்படுகிறது.


இந்த வாரம் பிப் 17, 2023ல் வெளியான இந்த இரண்டு படங்களும் விமர்சன ரீதியாக வெற்றி படங்கள் தான்.