எதிர்நீச்சல் இந்த வார அப்டேட்: ஈஸ்வரின் புதிய பரிமாணம், குணசேகரனின் விஷ தந்திரம்!

சன் தொலைக்காட்சியில் ஒளிபரப்பாகி வரும் எதிர்நீச்சல் சீரியலின் இந்த வார அப்டேட் இங்கு உள்ளன. இந்த சீரியலை இயக்குனர் திருச்செல்வம் இயக்குகிறார். சுவாரஸ்ய திரைக்கதையில் பல திருப்பங்களோடு உருவாகி வரும் இந்த சீரியல் இந்த வாரம் பரபரப்பான தருணத்தை அடைந்துள்ளது. முழு விவரங்கள் இதோ

ஆதிரையின் திருமணத்திற்காக மொத்த குடும்பமும் விறுவிறுவென ஏற்பாடுகள் செய்து வருகின்றனர். இதற்கிடையே குணசேகரன் மற்றும் ஜான்சி ராணி இணைந்து வேறு ஒரு திட்டத்தை நிகழ்த்த காத்திருக்கின்றனர். சேலை எடுக்க சென்ற இடத்தில் யாருக்கும் தெரியாமல் கரிகாலன் - ஆதிரைக்கு இடையே திருமணம் செய்து வைக்க வேறு ஏற்பாடுகள் செய்து வருகிறார், குணசேகரன்.

தனது கணவர் குணசேகரனுக்கு தெரியாமல் மேடை பேச்சாளராக பணியாற்றி வருகிறார், ஈஸ்வரி. 'மோட்டிவேஷன் ஸ்பீக்கர்' என பல மேடைகளில் பேசி பிரபலமாகும் ஈஸ்வரி தன் வாழ்வில் புதிய பயணத்தை இதன் மூலம் தொடங்கியுள்ளார். இருப்பினும் இந்த விஷயங்கள் குணசேகரனுக்கு தெரியாமல் இருக்க வேண்டும் என பயத்தில் செயல்பட்டு வருகிறார்.

ஆதிரையின் காதல் திருமணத்திற்கு ஆதரவாக குணசேகரனின் குடும்பத்தினர் தீவிரம் காட்டி வருகின்றனர். இருப்பினும் குணசேகரன் விருப்பம் இல்லாமல் கடமைக்கு செய்து வருகிறார். எஸ் கே ஆர் குடும்பத்தினருக்கு எதிராக ஒரு திட்டத்தை தீட்டி உள்ளார், குணசேகரன். மொத்த குடும்பமும் ஆதிரையின் திருமணத்திற்கு தயாராகி வரும் நிலையில் குணசேகரன் ஜான்சிராணி யோடு இணைந்து எஸ் கே ஆர் குடும்பத்தை அவமதிக்க திட்டமிட்டு செயல்பட்டு வருகிறார்