எதிர்நீச்சல் சீரியல் அப்டேட்: புகைப்படத்தை பார்த்து ஜனனியை எச்சரித்த கவுதம், யார் இந்த ஜீவானந்தம்

சன் தொலைக்காட்சியில் வாரந்தோறும் ஒளிபரப்பாகி வரும் பிரபல சூப்பர் ஹிட் தமிழ் சீரியல் தொடர், எதிர்நீச்சல். இந்த சீரியலுக்கு மக்கள் மத்தியில் கிடைத்துள்ள அமோக வரவேற்பு பெரிய அளவில் ட்ரெண்டிங் செய்துள்ள நம்பர் 01 சீரியலாக கொண்டாடப்படுகிறது. இந்த சீரியலில் நடக்கும் விறுவிறுப்பான கதைக்களம் மற்றும் சுவாரஸ்யங்கள் பற்றிய தகவல்களும் இந்த வாரம் இந்த எதிர்நீச்சல் சீரியலில் நடக்கவிருக்கும் கதைப்பற்றி வெளியான ப்ரோமோ பற்றி இங்கு காணலாம், இதோ.

எதிர்நீச்சல் சீரியலில் ஆதிரையின் கல்யாண கலாட்டா முடிவுக்கு வந்ததும், மீண்டும் சொத்து பிரச்சனைகள் தொடங்கியுள்ளன. ஆதி குணசேகரன் தான் நினைத்த படி தனது தங்கை ஆதிரையை கரிகாலனுக்கே திருமணம் செய்து வைத்து பலரை ஜெயித்த சந்தோஷத்தில் உள்ளார். ஆதிரையின் திருமணம் நடந்து முடிந்ததில் கரிகாலனுக்கு - ஆதிரைக்கு இடையே பல சர்ச்சைகள் தொடர்ந்து வருகிறது. இதற்கிடையில் யார் ஜீவானந்தம் என்ற கேள்வி ஜனனி மத்தியில் மர்மமாக ஒலிக்கிறது.

அப்பத்தாவின் 40% சொத்துக்கள் பற்றிய விவகாரங்கள் மீண்டும் தற்போது தொடங்கியுள்ளன. யாரும் இல்லாத நேரத்தில் ஜீவானந்தம் அப்பத்தாவின் கைரேகையை எடுத்து சென்றுள்ளார், இதனை அறிந்த ஜனனி யார் ஜீவானந்தம், என்ற தேடலில் உள்ளார். குணசேகரன் தனது வர்த்தக ஆலோசகருடன் பேசி விரைவில் தனக்கு வரவேண்டிய சொத்துக்களை தனதாக்க முயற்சித்து வருகிறார்.

எதிர்நீச்சல் சீரியலை இயக்கும் இயக்குனர் திருச்செல்வம் தான் ஜீவானந்தம் கதாபாத்திரத்தில் நடித்து வருகிறார். இவர் வில்லனா? நாயகனா? என்ற பல கேள்விகள் உள்ளன. தற்போது குணசேகரன் இல்லத்தில் யாரும் இல்லாத நேரத்தில் அப்பத்தாவின் கைரேகையை திருடி சென்றுள்ளார், ஜீவானந்தம். ஜீவானந்தம் பற்றி ஒன்றும் தெரியாமல் ஜீவனந்தத்தின் புகைப்படத்தினை வைத்துக்கொண்டு யாரு ஜீவானந்தம் என்ற தேடலில் உள்ளார், ஜனனி.

ஜீவானந்தம் யார்? என்ற ஜனனியின் கேள்விக்கு கவுதம் சொத்து விவகாரத்தில் நீ தலையிட வேண்டாம் என கூறியது, ஜனனிக்கு அச்சத்தை ஏற்படுத்தியுள்ளது. கவுதம் மறைமுகமாக ஜனனியை எச்சரித்துள்ளார். பின் ஜீவனந்தத்தின் புகைப்படத்தினை காட்டி யார் இவர் என்ற கேள்வியை ஜனனி கேட்க, ஜீவானந்தம் உங்களை நெருங்கிவிட்டார் என்று சொல்லி, பதட்டத்தை ஏற்படுத்தியுள்ளார், கவுதம்.