கரு கருப்பாயி, பஞ்சு மிட்டாய் என 2023ல் புதிய படத்தில் இடம்பெற்ற பழைய பாடல்கள்

2000ஆம் ஆண்டு பிரபு தேவா நடித்த 'ஏழையின் சிரிப்பு' திரைப்படத்தில் இடம்பெற்ற 'கரு கரு கருப்பாயி' பாடல் இந்த ஆண்டு தளபதி விஜய் நடிப்பில் வெளியான லியோ படத்தில் இடம் பெற்றுள்ளது. இந்த பாடலுக்கு இசையமைப்பாளர் தேவா இசையமைத்துள்ளார். இந்த பாடல் லியோ படத்தின் மூலம் மிகப்பெரிய அளவில் சமூக வலைத்தளத்தில் ட்ரெண்டிங் செய்யப்பட்டுள்ளது.

1997ம் ஆண்டு நெப்போலியன் - குஷ்பூ - ஊர்வசி நடிப்பில் வெளியான 'எட்டுப்பட்டி ராசா' படத்தில் இடம்பெற்ற பிரபலம் பாடல் பஞ்சு மிட்டாய் சேலை கட்டி. இந்த பாடலை தீம் பாடலாக மார்க் ஆன்டனி படத்தில் பயன்படுத்தியுள்ளனர். ரசிகர்கள் மத்தியில் இந்த பாடலுக்கு பெரிய வரவேற்பு கிடைத்துள்ளது.

1972ம் ஆண்டு வெளியான காசேதான் கடவுளடா திரைப்படத்தினை ரீமேக் செய்து இக்காலத்திற்கு ஏற்ப திரைக்கதை வடிவமைத்து உருவாகியுள்ளனர் ஆர் கண்ணன் மற்றும் படக்குழு. இந்த படத்தில் ஜம்புலிங்கமே பாடல் புதிய வகையில் ரீமேக் செய்யப்பட்டுள்ளது.

1995ல் நடிகை பிரபு நடிப்பில் உருவான திரைப்படம், பசும்பொன். இப்படத்தில் இடம் பெற்ற 'தாமிரை பூவுக்கும் தண்ணிக்கும்' ஆகிய திரைப்பாடல், 2023ல் வெளியான லியோ படத்தில் ஒளிபரப்பப்பட்டது. இந்த பழைய பாடலுக்கு மிக பெரிய வரவேற்பு கிடைத்துள்ளது. இந்த பாடலை இசையமைப்பாளர் வித்யா சாகர் இசையமைத்துள்ளார்.

இளையராஜா இசையில் கமல் நடித்த தூங்காதே தம்பி தூங்காதே படத்தில் இடம் பெற்ற 'வருது வருது விலகு விலகு' ஆகிய பாடல் 2023ல் விஷால் - எஸ் ஜே சூர்யா நடித்த மார்க் ஆன்டனி படத்தில் இடம் பெற்றுள்ளது. இந்த பாடல் ரசிகர்கள் மத்தியில் வரவேற்கப்பட்டு ட்ரெண்டிங் ஆகியுள்ளது.

லியோ படத்தின் இறுதியில் நான் பொல்லாதவன் என்ற பாடலை ஒளிபரப்பியுள்ளனர். இந்த பாடல் 1980ல் ரஜினி நடிப்பில் வெளியான பொல்லாதவன் படத்தில் இடம் பெற்ற பாடலாகும். இந்த படத்திற்கு இசையமைப்பாளர் எம் எஸ் விஸ்வநாதன் இசையமைத்துள்ளார்.