Happy Birthday Trisha Krishnan: முன்னணி நடிகை திரிஷாவின் திரையுலக பயணம்

திரிஷா கிருஷ்ணன் ஒரு பாலக்காடு ஐயர் குடும்பத்தைச் சேர்ந்தவர். இவருடைய பெற்றோர் கிருஷ்னன் மற்றும் உமா. திரிஷா தனது பள்ளிப் படிப்பையும், கல்லூரிப் படிப்பையும் சென்னை நகரிலுள்ள கல்வி நிறுவனங்களில் முடித்தார். கல்லூரியில் படிக்கும் நேரத்தில் கூட திரைப்படங்களில் நடிக்கத் தொடங்கியதால் தினசரி வருகையில் குறைவுகள் ஏற்பட்டன. ஆனால் அவர் தனது பாடங்களை கோடை விடுமுறையில் கற்றுக்கொண்டு தனது பட்டப் படிப்பை வெற்றிகரமாக முடித்தார்.

திரிஷா தனது திரைப்பயணத்திற்கு முன்பே மாடலிங் துறையில் புகழ் பெற்றவர். 1999 ஆம் ஆண்டு நடைபெற்ற மிஸ் சேலம், மிஸ் மெட்ராஸ், மிஸ் சென்னை ஆகிய அழகிப் போட்டிகளில் வென்று மக்கள் கவனத்தை பெற்றார். பின்னர் 2001 ஆம் ஆண்டு நடைபெற்ற மிஸ் இந்தியா போட்டியிலும் பங்கேற்று சிறப்புப் பெறுவதன் மூலம் அவர் இந்திய அளவில் பிரபலமானார். மாடலிங் துறையின் வெற்றியே திரையுலகில் அவருக்கு வாய்ப்புகளை வழங்கியது.

திரிஷா 1999-ம் ஆண்டு வெளிவந்த ஜோடி திரைப்படத்தில் நாயகி சிம்ரனின் தோழி என்ற துணை கதாபாத்திரத்தில் முதன்முதலாக திரைத்துறையில் அறிமுகமானார். அதன்பின் ப்ரியதர்ஷன் இயக்கிய “லேசா லேசா” திரைப்படத்தில் முக்கிய நாயகியாக நடித்தார். இதன் மூலம் அவர் நாயகி என்ற இடத்தைப் பிடித்து, திரையுலகில் ஒரு உறுதியான அடியெடுத்து வைத்தார்.

திரிஷா தமிழ் சினிமாவில் மட்டுமின்றி தெலுங்கு திரையுலகிலும் முன்னணி நடிகையாக வலம் வந்துள்ளார். தமிழ், தெலுங்கு, மலையாளம் மற்றும் ஹிந்தி ஆகிய பல மொழிகளிலும் அவர் பேசக்கூடிய திறமையால், பல மொழி திரைப்படங்களில் நடித்தார். அவருடைய படங்களில் பலவும் வெற்றிகரமாக ஓடியதால், தமிழில் மட்டும் அல்லாது தெலுங்கிலும் அதிகமான ரசிகர்களைக் கொண்டார்.

திரிஷா நடித்திருக்கும் தமிழ் திரைப்படங்களின் முழு பட்டியல் திரையுலகில் அவரது நிலையை உறுதிப்படுத்துகிறது. சாமி, கில்லி, அறகன், 96 போன்ற பல சூப்பர்ஹிட் படங்கள் அவரது கதாநாயகி வாழ்க்கையை உறுதி செய்தன. இவை தவிர, திரிஷாவின் அழகிய புகைப்படங்களும், வரலாற்று முக்கியத்துவம் வாய்ந்த திரைப்பட தருணங்களும் அவரது ரசிகர்களிடம் பெரும் வரவேற்பைப் பெற்றுள்ளன.