சோகத்தில் ஹரிஷ் கல்யாணின் திரைவாழ்க்கை, அப்படி என்னதான் ஆச்சு?

ஹரிஷ் கல்யாண் - தமிழ் சினிமாவில் வளர்ந்து வரும் இளம் நடிகர் ஆவார். இவர் நடிக்கும் திரைப்படங்கள் பெரும்பாலும் காதல் திரைக்கதையை மையப்படுத்தி உருவாக்கப்பட்டிருக்கிறது. தமிழ் பிக்பாஸ் நிகழ்ச்சி மூலம் பிரபலமான ஹரிஷ், தமிழ் சினிமாவில் 'பியார் பிரேமா காதல்' படத்தின் மூலம் புகழ் பெற்றார். அடுத்தடுத்து இவர் நடிக்கும் படங்கள் காதல் கதை மற்றும் குடும்ப கதை என தமிழ் சினிமா ரசிகர்களை ரசிக்க வைத்து வருகிறார். சமீபத்தில் இவருக்கு நர்மதா என்பவருடன் திருமணம் நடந்துள்ளது.

தாராள பிரபு இயக்குனர் கிருஷ்ணா மாரிமுத்து இயக்கத்தில் ஹரிஷ் கல்யாண், விவேக், தான்ய ஹோப் முக்கிய முன்னணி கதாபாத்திரத்தில் நடிக்கும் நகைச்சுவை மற்றும் காதல் திரைப்படம். இப்படத்தினை பிரபல தயாரிப்பு நிறுவனமான ஸ்கிரீன் சீன் தயாரிப்பு நிறுவனம் இப்படத்தினை தயாரிக்கிறது. இசையமைப்பாளர் பாரத் சங்கர் இப்படத்திற்கு பின்னணி இசையமைத்துள்ளார். இப்படத்தின் அதிகாரப்பூர்வமான அறிவிப்புகள் இணையத்தில் 2020 பிப்ரவரி மாதம் அறிவிக்கப்பட்டு 2020 மார்ச் மாதம் 13ல் வெளியாகவுள்ளது.

தாராள பிரபு திரைப்படம் வெளியான சில தினங்களில் கொரோன நோய் பரவல் காரணமாக திரையரங்குகள் மூடப்பட்டன. ரசிகர்கள் மற்றும் விமர்சகர்கள் மத்தியில் கொண்டாடப்பட்ட இப்படம் வசூல் ரீதியாக சரிவை கண்டது. இப்படம் நல்ல வரவேற்பை பெற்றாலும் திரையரங்கில் கொண்டாடப்படவில்லை.

ஓ மணப்பெண்ணே - இயக்குனர் கார்த்திக் சுந்தர் இயக்கத்தில் ஹரிஷ் கல்யாண், பிரியா பவானி ஷங்கர் நடிக்கும் காதல் திரைப்படம். இப்படத்தினை தயாரிப்பாளர் சத்யா நாராயணன் கொன்னெரு தயாரிக்க, இசையமைப்பாளர் விஷால் சந்திரசேகர் இசையமைத்துள்ளார்.

இப்படம் நல்ல விமர்சனங்கள் பெற்று ரசிகர்கள் மத்தியில் பிரபலமான திரைப்படமாகும். ஆனால் இப்படம் நேரடி ஓடிடி திரைப்படமாக வெளியானது பலருக்கு அதிர்ச்சியை ஏற்படுத்தியது. 2021 அக்டோபர் 22ல் கொரோன காரணமாக இப்படம் ஓடிடி-வில் ஸ்ட்ரீமிங் செய்யப்பட்டது.

LGM (லெட்ஸ் கெட் மேரேஜ்) - இயக்குனர் ரமேஷ் தமிழ்மணி இயக்கத்தில் ஹரிஷ் கல்யாண், இவானா, யோகி பாபு, நதியா என பல முன்னணி நட்சத்திரங்கள் நடித்திருக்கும் காதல் & நகைச்சுவை திரைப்படம். இப்படத்தினை இந்திய கிரிக்கெட் வீரர் எம் எஸ் தோனி  மற்றும் அவரது மனைவி சாக்ஷி இணைந்து 'தோனி என்டர்டைன்மெண்ட்' தயாரிப்பு நிறுவனத்தின் மூலம் தயாரிக்க, இப்படத்தின் இயக்குனர் மற்றும் இசையமைப்பாளருமான ரமேஷ் தமிழ்மணி இசையமைத்துள்ளார்.

இப்படம் இந்த ஆண்டு 2023ல் நேரடி தியேட்டர் ரிலீஸ் படமாக வெளியானது, ஆனால் ரசிகர்கள் மத்தியில் கொண்டாடப்படவில்லை. சுவாரசியம் இல்லாத திரைக்கதையில் உருவானதே இப்படத்தின் தோல்விக்கு மிகப்பெரிய காரணம்.

பார்க்கிங் - இயக்குனர் ராம்குமார் பாலகிருஷ்ணன் இயக்கத்தில் ஹரிஷ் கல்யாண், இந்துஜா, எம் எஸ் பாஸ்கர், இளவரசு, பிரதான நாதன், ராமா என பல பிரபலங்கள் நடித்திருக்கும் திரைப்படம். இப்படத்தினை தமிழ் சினிமா தயாரிப்பாளர் சுதன் சுந்தரம் மற்றும் கே எஸ் சினிஷ் இணைந்து தயாரிக்க, இசையமைப்பாளர் சாம் சி எஸ் இசையமைத்துள்ளார். 2023 டிசம்பர் 01ல் வெளியாகியுள்ள இப்படத்திற்கு தமிழ் திரைப்பட தணிக்கை குழு 'யு/ஏ' சான்றிதழ் அளித்துள்ளது.

இப்படம் ரசிகர்களின் வரவேற்பை பெற்று நல்ல விமர்சனத்தில் கொண்டாடப்பட்டு வந்த நிலையில், சென்னையில் பெரிய மழை (மிக்ஜம் புயல்) காரணத்தால் பல இடங்களில் திரையரங்கு மூடப்பட்டு இப்படம் திரையிடப்படவில்லை. இதனால் படம் நல்ல விமர்சனத்தையும், ரசிகர்களின் வரவேற்பை பெற்றும் வசூல் அள்ளவில்லை.

நடிகர் ஹரிஷ் கல்யாண் திரைவாழ்வில் நல்ல படங்கள் வெளியாகி சரியாக திரையரங்குகளில் திரையிடப்படாமல் தவித்து வருகின்றனர். எந்த பிரச்சனையும் இல்லாமல் வெளியாகும் படங்கள் ரசிகர்களால் கொண்டாடப்படாமல் பிளாப் படங்களாக மாறுகிறது. ஒரு படத்திற்கு தயாரிப்பு, கடன், சம்பள விவகாரம் என பல்வேறு பிரச்சனைகள் எழுந்து வரும் நிலையில், இயற்கையின் சீற்றம் என ஒரு பிரச்சனை புதிதாக ஹரிஷ் திரைப்பயணத்தில் எழுந்துள்ளது.

கடனை உழைப்பின் மூலம் பல படங்களில் நடித்து வரும் ஹரிஷ் கல்யாண் திரைவாழ்வில் லக் உள்ளதா என பலரும் விமர்சிக்கின்றனர்.