தீடீரென ஹரிஷ் கல்யாணுக்கு உருவான ரசிகர் கூட்டம், காரணம் நம்ம 'தல' தான்

(LGM) லெட்ஸ் கெட் மேரேஜ் - இயக்குனர் ரமேஷ் தமிழ்மணி இயக்கத்தில் ஹரிஷ் கல்யாண், இவானா, யோகி பாபு, நதியா என பல முன்னணி நட்சத்திரங்கள் நடித்திருக்கும் காதல் திரைப்படம். இப்படத்தினை இந்திய கிரிக்கெட் வீரர் எம் எஸ் தோனி  மற்றும் அவரது மனைவி சாக்ஷி இணைந்து 'தோனி என்டர்டைன்மெண்ட்' தயாரிப்பு நிறுவனத்தின் மூலம் தயாரித்துள்ளனர்.

இந்தியா கிரிக்கெட் அணி முன்னாள் கேப்டன் எம் எஸ் தோனி-யின் தயாரிப்பு நிறுவனம் தயாரிக்கும் முதல் திரைப்படம், லெட்ஸ் கெட் மேரேஜ். இந்த படத்தின் ஆடியோ மற்றும் டிரைலர் லான்ச் நிகழ்ச்சியில் பிரமாண்ட முறையில் சமீபத்தில் நடைபெற்றது. தமிழ் ரசிகர்களால் பெரிய அளவில் கொண்டாடப்படும் இந்த திரைப்படம், பலரின் கவனத்தை கவர்ந்து சமூக வலைத்தளத்தில் கொண்டாடப்படுகிறது.

எம் எஸ் தோனி-யின் மனைவி சாக்ஷி தோனி இப்படத்திற்கு கதை ஆசிரியராக பணியாற்றி உள்ளார். சாக்ஷி எழுதிய கதையில் தமிழ் சினிமா வடிவத்திற்கேற்ப ஒரு சில மாற்றங்கள் செய்து இப்படத்தினை இயக்குனர் ரமேஷ் தமிழ்மணி இயக்கியுள்ளார். நகைச்சுவை மற்றும் காதல் படமாக உருவாகியுள்ள இப்படம் தமிழ் ரசிகர்களின் மனதை கவர்ந்து சமூக வலைத்தளத்தில் வைரல் ஆகியுள்ளது.

சிறுவயதில்லையே அப்பாவை இழந்து அம்மாவின் அரவணைப்பில் செல்லப்பிள்ளையாக வாழ்ந்து வரும் ஹரிஷ், தான் காதலிக்கும் பெண்ணை வீட்டில் அறிமுகப்படுத்தி திருமணத்திற்கு ரெடி சம்மதம் வாங்குகிறார். காதலி தனியாக வாழ வேண்டும் என ஆசைப்பட்டு அதற்காக முயற்சிகள் எடுக்க, அம்மாவையும் காதலியையும் ஹரிஷ் எப்படி சேர்த்து வைத்தார் என்பதே படத்தின் கதை.

(LGM) லெட்ஸ் கெட் மேரேஜ் படத்தின் டிரைலர் மற்றும் பாடல்கள் வெளியாகி பெரிய அளவில் ரசிகர்கள் மத்தியில் வரவேற்பு பெற்றுள்ளது. இப்படத்தின் ட்ரைலர் இதுவரை 6.2 மில்லியன் வியூஸ் கடந்துள்ளது. இதன் மூலம் நடிகர் ஹரிஷ் கல்யாண் படங்களில் இதுவரை இல்லாத அளவுக்கு பெரும் வரவேற்பு இப்படத்திற்கு கிடைத்துள்ளது. விநியோகம், ப்ரோமோஷன் மார்க்கெட்டிங் என பல பிரிவுகளில் இப்படம் பட்டைய கிளப்பி வருகிறது.

தமிழக மக்கள் மத்தியில் (LGM) லெட்ஸ் கெட் மேரேஜ் படத்திற்கு கிடைத்த வரவேற்புக்கு முக்கிய காரணமே எம் எஸ் தோனி தான். எம் எஸ் தோனி தயாரிப்பாளராக அறிமுகமாகும் முதல் படமே ப்ரோமோஷன் மற்றும் பல துறைகளில் மக்கள் மத்தியில் சென்றுள்ளது. 'தல' எம் எஸ் தோனி என்னும் பெயருக்காக தான் இப்படத்திற்கு தமிழ் சினிமாவில் பெரிய வரவேற்பு கிடைத்துள்ளது என பல விமர்சகர்கள் விமர்சித்து வருகின்றனர்.