18 வயசு கீழே உள்ளவங்க இந்த படத்தை பார்க்காதீங்க: அதிக வைலென்ஸ் இருக்கும் பேன் இந்தியா திரைப்படங்கள்

Author Rajeswari Shankar | Published: Thursday, March 13, 2025, 02:33 PM [IST]

இந்தியா சினிமாவில் காதல், குடும்பம், நட்பை மையமாக வைத்து திரைப்படங்கள் வந்து கொண்டேதான் இருக்கின்றது, இந்தத் திரைப்படங்கள் எல்லா வயதினரும் பார்க்க வேண்டும் என்பதற்காக அதில் சண்டை காட்சிகள் குறைந்த அளவில் இருக்கும். ஆனால் சண்டை காட்சிகளை திரைப்படத்தில் பார்க்க வேண்டும் என்பதற்காகவே சில ரசிகர் கூட்டம் உள்ளது. அவர்களை திருப்தி படுத்துவதற்காகவே இந்தியா சினிமாவில் பேன் இந்தியா லெவலில் சில திரைப்படங்கள் எடுத்துள்ளனர். அந்த திரைப்படங்களை பற்றி எந்த பட்டியலில் காண்போம்.

உள்ளடக்கப்பட்டியல்

2022 ஆம் ஆண்டு வெளியான விக்ரம், லோகேஷ் கனகராஜ் எழுதி இயக்கிய இந்திய தமிழ் அதிரடி திரைப்படமாகும். கமல்ஹாசன், விஜய் சேதுபதி , பகத் பாசில் ஆகியோர் முக்கிய கதாபாத்திரங்களில் நடித்துள்ளனர்.ஷிவானி நாராயணன், காளிதாஸ் ஜெயராம், நரேன், ஆண்டனி வர்கீஸ் , அர்ஜூன் தாஸ் ஆகியோர் துணை கதாபாத்திரங்களில் நடித்துள்ளனர். இந்த படத்திற்கு அனிருத் திசை ஒரு பெரிய பிளஸ் பாயிண்ட். லோகேஷ் கனகராஜின் LCU-வில் இந்த படமும் ஒன்று. இந்தியாவை போதைப்பொருள் இல்லாத நாடாக மாற்ற நினைக்கும் ஏஜென்ட்கள் எவ்வாறு அந்த டீலர்களிடம் இருந்து நாட்டை காப்பாத்துகின்றார்கள் என்பதை இதன் கதை. இந்த படம் விமர்சன ரீதியாகவும் வசூல் ரீதியாகவும் நல்ல இடத்தை பிடித்தது.

2023 ஆம் ஆண்டு வெளியான அனிமல், சந்தீப் ரெட்டியால் இணைந்து எழுதப்பட்டு, இயக்கப்பட்டு, எடிட் செய்யப்பட்டுள்ளது. இந்தி மொழி அதிரடி நாடகத் திரைப்படமாகும். ரன்பீர் கபூர், அனில் கபூர், பாபி தியோல், ரஷ்மிகா மந்தனா மற்றும் திரிப்தி டிம்ரி முக்கிய கதாபாத்திரங்களில் நடித்துள்ளனர். 100 கோடி பட்ஜெட்டில் எடுக்கப்பட்ட இந்தப் படம் 917 கோடி வசூலித்தது.

2023 ஆம் ஆண்டு வெளியான சாலார்: பகுதி 1, பிரசாந்த் நீல் இயக்கிய இந்திய தெலுங்கு காவிய அதிரடி நாடகத் திரைப்படமாகும். பிரபாஸ், பிருத்விராஜ் சுகுமாரன், ஸ்ருதிஹாசன், ஜெகபதி பாபு, பாபி சிம்ஹா மற்றும் ஸ்ரேயா ரெட்டி ஆகியோர் முக்கிய கதாபாத்திரத்தில் நடித்துள்ளார். 270 கோடி செலவில் எடுக்கப்பட்ட இந்த படம் பாக்ஸ் ஆபீஸ் வசூலில் 700 கோடியை தொட்டது. இந்த படத்தில் வன்முறை காட்சிகள் அதிகமாக இருப்பதன் காரணமாக இந்த படம் 18 வயது கீழ் உள்ளவர்கள் பார்க்க தகுதி இல்லாத படமாக இருக்கின்றது.

2022 ஆம் ஆண்டு வெளியான கில், நாகேஷ் பட் எழுதி இயக்கிய இந்திய இந்தி அதிரடி திரில்லர் படமாகும். இந்தப் படத்தில் லக்ஷ்யா, ராகவ் ஜுயல், ஆஷிஷ் வித்யார்த்தி, ஹர்ஷ் சாயா, தான்யா மணிக்தலா மற்றும் அபிஷேக் சவுகான் ஆகியோர் முக்கிய கதாபாத்திரங்களில் நடித்துள்ளனர். இது 1995 ஆம் ஆண்டில் நடந்த ரயில் கொள்ளையை மையமாகக் கொண்ட எடுக்க பட்ட படமாகும். 40 கோடி பட்ஜெட்டில் எடுக்கப்பட்ட இந்தப் படம் 47.12 கோடி வசூலித்தது.

2024 ஆம் ஆண்டு வெளியான மார்கோ, ஹனீப் அடேனி எழுதி இயக்கியுள்ளார். இந்திய மலையாள மொழி நியோ-நோயர் அதிரடி திரில்லர் திரைப்படம். இப்படத்தில் உன்னி முகுந்தன் டைட்டில் ரோலில் நடிக்கிறார், சித்திக், ஜெகதீஷ், கபீர் துஹான் சிங், அபிமன்யு ஷம்மி திலகன், அன்சன் பால், இஷான் ஷௌகத் மற்றும் யுக்தி தரேஜா ஆகியோர் நடித்துள்ளனர். இந்தப் படம் வசூல் ரீதியாக மிகப்பெரிய வெற்றியைப் பெற்றது, இதுவே அதிக வசூல் செய்த மலையாள மொழிப் படமாகவும்,அதிக வசூல் செய்த ஐந்தாவது மலையாளப் படமாகவும் வெளிப்பட்டது.