Indian 2 Box Office: 3 நாளில் 50 கோடி வசூல் அள்ளி வெறித்தனம் காட்டிய 'இந்தியன் 2'

இந்தியன் 2 - 1996ஆம் ஆண்டு வெளிவந்த இந்தியன்  திரைப்படத்தின் இரண்டாம் பாகமாக இயக்குனர் ஷங்கர் ஷண்முகம் இயக்கத்தில் கமல் ஹாசன் முன்னணி கதாபாத்திரத்தில் நடித்திருக்கும் அதிரடி - கிரைம் திரில்லர் திரைப்படம். இப்படத்தினை தமிழ் சினிமாவின் முன்னணி தயாரிப்பாளர் சுபாஷ்கரன் தனது லைக்கா புரொடக்சன்ஸ் தயாரிப்பு நிறுவனத்தின் மூலம் தயாரிக்க, இசையமைப்பாளர் அனிருத் ரவிச்சந்தர் இப்படத்திற்கு இசையமைத்துள்ளார்.

அதிரடி திரில்லர் திரைக்கதையில் உருவாகியுள்ள 'இந்தியன் 2' திரைப்படத்திற்கு ஒளிப்பதிவாளர் ரவி வர்மன் ஒளிப்பதிவு செய்ய, படத்தொகுப்பாளர் ஸ்ரீகர் பிரசாத் எடிட்டிங் செய்துள்ளார். இப்படத்தில் கமல் ஹாசன் நாயகனாக நடிக்க சித்தார்த், ரகுல் ப்ரீத் சிங், எஸ் ஜே சூர்யா, பாபி சிம்ஹா, பிரியா பவானி ஷங்கர், சமுத்திரக்கனி, காளிதாஸ் ஜெயராம், நெடுமுனி வேணு, விவேக், மனோ பாலா என தமிழ் சினிமா முன்னணி நட்சத்திரங்கள் பலர் நடித்துள்ளனர்.

தமிழகத்தில் படித்து வேலை இல்லாமல் இருக்கக்கூடிய பல கோடி இளைஞர்கள் மத்தியில் ஒருவராக இருக்கும் சித்தார்த், இந்த அரசாங்கத்தை எதிர்த்து போராட முடிவு எடுக்கிறார். இதற்காக ஒரு சமூக ஆர்வம் கொண்ட சிலரை சேர்த்து ஒரு குழு அமைத்து போராடி வருகிறார். தொடர்ந்து சமூக வலைத்தளத்தில் பல பதிவுகள் மூலம் பலரின் அறிமுகத்திற்கு வரும் சித்தார்த் குடும்பம் மற்றும் சமூகம் என பல பிரச்சனைகளை சந்தித்து வருகிறார்.

ஒரு கட்டத்தில் ஊழலில் இருந்து தப்ப முடியாமல் இருக்கும் சித்தார்த், இந்தியன் என்னும் சேனாதிபதி (கமல் ஹாசன்) பற்றிய விவரங்களை அறிகிறார். பின் இந்த ஊழலை தடுக்க மீண்டும் இந்தியன் வர வேண்டும் என பல முயற்சிகள் எடுத்து சேனாதிபதியை மீண்டும் இந்தியா வரவழைத்து பல ஊழல்வாதிகள் மற்றும் அரசாங்கத்தை ஏமாற்றும் துரோகிகளை தண்டிப்பதே இப்படத்தின் கதை.

இந்தியன் 2 திரைப்படம் வெளியாகி பெரிய அளவில் வரவேற்பை பெற்றுள்ள நிலையில், இப்படத்திற்கு ரசிகர்கள் மத்தியில் கலவையான விமர்சனம் கிடைத்துள்ளது. சீரியல் நாடகம் போல மிக நீளமான காட்சிகள் மற்றும் தொய்வான திரைக்கதையில் ரசிகர்களுக்கு மிகுந்த எரிச்சல் ஏற்பட்டுள்ளது. இப்படத்தின் திரைக்கதை தான் இப்படத்திற்கு மிகப்பெரிய பலவீனம், மேலும் கமல்ஹாசனின் ஒப்பனை மேக்கப் ரசிகர்களின் கவனத்தை ஈர்க்க தவறியுள்ளது.

இந்தியன் 2 திரைப்படத்திற்கு ரசிகர்கள் மற்றும் பில்மிபீட் நிறுவனத்தின் விமர்சன குழு சார்பில் (3/5) ரேட்டிங் கொடுக்கப்பட்டுள்ளது.

1996 ஆம் ஆண்டு வெளியாகி பிரமாண்ட வெற்றி பெற்றுள்ள 'இந்தியன்' திரைப்படத்தின் தொடர் கதையாக உருவாகியுள்ள இந்தியன் 2, அதிக நிமிடங்கள் உடைய நீள படமாக உருவாகி, இரு பாகங்களாக இந்தியன் 2 & இந்தியன் 3 என எடிட் செய்து வெளியிட்டுள்ளனர், படக்குழுவினர். தற்போது இந்தியன் 2 திரைப்படம் வெளியாகியுள்ள நிலையில், இந்தியன் 3 படத்தின் ரிலீஸ் பற்றிய அறிவிப்பு விரைவில் வெளியாகும்.

முதல் நாள் முடிவில் பல இடங்களில் பெரிய அளவில் ப்ரோமோட் செய்து வெளியிட்ட படக்குழு, ரிலீஸ் முதல் நாள் முடிவில் ரசிகர்கள் மத்தியில் தாக்கத்தை ஏற்படுத்தாமல் கலவையான விமர்சனத்தில் பெரிய அளவில் பிரபலமாகவில்லை. பின் அடுத்தடுத்த விடுமுறை நாட்களில் இப்படம் பெரிய அளவில் வசூலித்து 3 நாளில் 50 கோடி வசூலை தாண்டியுள்ளது.

250 கோடி செலவில் உருவாக்கப்பட்ட இந்தியன் 2 திரைப்படத்தினை, நெட்ப்ளிக்ஸ் ஓடிடி 200 கோடிகளுக்கு வாங்கியுள்ள நிலையில், தற்போது 3 நாட்களில் 50 கோடிகள் தான் வசூலித்து உள்ளது. இப்படத்தினை தமிழகம் முழுவதும் திரு. உதயநிதி ஸ்டாலினின் 'ரெட் ஜெயண்ட் மூவிஸ்' நிறுவனம் விநியோகம் செய்ய, இப்படத்தின் ஓவர்சீஸ் உரிமையை கைப்பற்றி லைக்கா நிறுவனம் உலகம் முழுவதும் தானே விநோயோகம் செய்துள்ளது.