10 நாளில் 'ஜிகர்தண்டா டபுள் X' படம் உலகளவில் படைத்த வசூல் சாதனை பற்றி தெரியுமா? - முழு விவரங்கள் இதோ

ஜிகர்தண்டா டபுள் எக்ஸ் (ஜிகர்தண்டா 2) - இயக்குனர் கார்த்திக் சுப்பராஜ் இயக்கத்தில் ராகவா லாரென்ஸ், எஸ் ஜே சூர்யா, நிமிஷா சஜயன் என பலர் தமிழ் திரைப்பட முன்னணி நட்சத்திரங்கள் நடித்திருக்கும் அதிரடி - திரில்லர் திரைப்படம். இப்படத்தின் இயக்குனர் கார்த்திக் சுப்பராஜ் தன் ஸ்டோன் பெஞ்ச் பிலிம்ஸ் தயாரிப்பு நிறுவனத்தின் மூலம் இப்படத்தினை தயாரிக்கிறார், இசையமைப்பாளர் சந்தோஷ் நாராயணன் இசையமைத்துள்ளார்.

ஜிகர்தண்டா டபுள் எக்ஸ் 2023 தீபாவளி பண்டிகை முன்னிட்டு உலகமெங்கும் திரைக்கு வருகிறது. இப்படத்தினை தமிழகம் முழுவதும் உதயநிதி ஸ்டாலினின் 'ரெட் ஜெயண்ட் மூவிஸ்' நிறுவனம் விநியோகம் செய்துள்ளது.

ராகவா லாரென்ஸ் (சீசர்) ஒரு கேங்ஸ்டர். தமிழகத்தில் ஷைன் டாம் சாக்கோ மிகப்பெரிய நடிகர் மற்றும் அரசியல்வாதியாக உள்ளார். இவருக்கும் நான்கு ரௌடிகள் கைவசம் உள்ளனர். எதிர் கட்சி தலைவரான இளவரசு ஷைன் டாம் சாக்கோ-வை தோற்கடிக்க அவருக்கு பக்கபலமாக இருக்கும் நான்கு ரௌடிகளை கொலை செய்ய ரகசிய முடிவை எடுக்கிறார். அதில் ஒருவர் தான் மதுரையை சேர்ந்த சீசர் (ராகவா லாரென்ஸ்).

எஸ்.ஐ தேர்வில் தேர்ச்சி பெற்றுள்ள எஸ் ஜே சூர்யா, இரு சிக்கலில் சிக்கி கொலை பழி ஏற்கிறார். இதிலிருந்து தப்ப இவருக்கு காவலர்களால் ஒரு ரகசிய திட்டம் வருகிறது. மதுரையில் இருக்கும் ரௌடியான சீசரை கொலை செய்தால், இவருக்கும் போலீஸ் வேலையும், விடுதலையும் கிடைக்கும் என்கின்றனர், காவலர்கள்.

ராகவா லாரென்ஸ்-ற்கு சினிமா நடிகராக வேண்டும் என கனவு. அதனை பயன்படுத்தி ஒரு இயக்குனராக லாரென்ஸ் அறிமுகம் பெற்று, அவருடன் பயணிக்கிறார், எஸ் ஜே சூர்யா. இறுதியில் என்ன ஆனது? என்பதே படத்தின் கதை.

ஜிகர்தண்டா 2 படத்தின் ஆன்லைன் ஸ்ட்ரீமிங் ஓடிடி உரிமையை நெட்ப்ளிக்ஸ் நிறுவனம் கைப்பற்றியுள்ள நிலையில், இப்படத்தின் தொலைக்காட்சி ஒளிபரப்புவதற்கான உரிமையை சன் டிவி நிறுவனம் கைப்பற்றியுள்ளது. ராகவா லாரென்ஸ் நடித்துள்ள பல படங்களின் தொலைக்காட்சி ஒளிபரப்புவதற்கான உரிமையை சன் டிவி நிறுவனம் பெற்று வருகிறது. பல கோடி இல்லதரிசிகள் மத்தியில் கொண்டாடப்படும் ராகவா லாரென்ஸ் படங்களுக்கு சின்னத்திரையில் பெரிய டிமாண்ட் உள்ளது.

விமர்சன ரீதியாக ஜிகர்தண்டா டபுள் எக்ஸ் திரைப்படம் ரசிகர்கள் மத்தியில் பெரும் வரவேற்பு பெற்று பிரபலமாகியுள்ளது. அதிரடி - திரில்லர் கதைக்களத்தில் உருவாகியுள்ள ஜிகர்தண்டா டபுள் எக்ஸ் திரைப்படம், பல இடங்களின் ரசிகர்களின் கைதட்டலை அள்ளி இந்த ஆண்டு தீபாவளி ரிலீஸ் படங்களில் வெற்றி படமாக புகழ் பெற்றுள்ளது. 

2023 தீபாவளி பண்டிகை முன்னிட்டு கார்த்தி நடித்துள்ள ஜப்பான் மற்றும் ஜிகர்தண்டா டபுள் எக்ஸ் திரைப்படம் என இரு முன்னணி நடிகர்களின் பெரிய பட்ஜெட் படங்கள் தமிழில் வெளியாகின. மேலும் இரு சிறு பட்ஜெட் படங்களான கிடா மற்றும் ரெய்டு படங்கள் வெளியாகியுள்ளது. இறுதியில் ஜப்பான் மற்றும் ஜிகர்தண்டா டபுள் எக்ஸ் படத்திற்கு ரசிகர்களின் எதிர்பார்ப்புகள் எழுந்த நிலையில் விமர்சனம் மற்றும் வசூல் என இரு தரப்பிலும் ஜிகர்தண்டா டபுள் எக்ஸ் திரைப்படம் மக்களின் ஆதரவை பெற்று வெற்றி பெற்றுள்ளது.

2023 நவம்பர் 10ல் வெளியான இப்படம் முதல் 10 நாள் முடிவில் உலகளவில் ஜிகர்தண்டா டபுள் எக்ஸ் 50 கோடிகள் வசூல் செய்து சாதனை படைத்திருக்கிறது. இதனை பற்றிய அதிகாரப்பூர்வ அறிவிப்பு படக்குழு சார்பில் 2023 நவம்பர் 20ல் வெளியானது.