Kalki 2898 AD Day 1 Collection: ஆட்ட நாயகன் பிரபாஸ்! ஒரே நாளில் 191.5 கோடிகள் வசூலித்த கல்கி

கல்கி 2898 AD - இயக்குனர் நாக் அஸ்வின் இயக்கத்தில் பிரபாஸ், அமிதாப் பச்சன், கமல் ஹாசன், தீபிகா படுகோன் என இந்திய சினிமா நட்சத்திரங்கள் பலர் நடித்திருக்கும் அதிரடி - திரில்லர் திரைப்படம். இப்படத்தினை தயாரிப்பாளர் அஸ்வனி தட் தனது வியஜயந்தி மூவிஸ் நிறுவனம் மூலம் தயாரிக்க, இசையமைப்பாளர் சந்தோஷ் நாராயணன் இசையமைத்துள்ளார்.

அதிரடி - திரில்லர் திரைக்கதையில் ஒரு சாகசங்கள் நிறைந்த படமாக உருவாகியுள்ள கல்கி படத்திற்கு படத்தொகுப்பாளர் கோட்டகிரி வெங்கடேஸ்வரா ராவ் எடிட்டிங் செய்துள்ளார். இப்படத்தினை பிரபல தயாரிப்பு நிறுவனங்களான AA பிலிம்ஸ் மற்றும் ஸ்ரீ வெங்கடேஸ்வரா கிரியேஷன்ஸ் நிறுவனங்கள் இணைந்து விநியோகம் செய்துள்ளது. 

600 கோடி பொருட்செலவில் உருவாகியுள்ள கல்கி 2898 AD திரைப்படத்திற்கு தமிழக திரைப்பட தணிக்கை குழு 'யு/ஏ' சான்றிதழ் அளித்துள்ள நிலையில், இப்படம் 2024 ஜூன் 27ல் உலகமெங்கும் தமிழ், தெலுங்கு, ஹிந்தி, ஆங்கிலம், கன்னட, மலையாளம் என பல மொழியில் டப்பிங் செய்யப்பட்டு வெளியாகியுள்ளது.

கி.பி 2898 AD ஆண்டுகளில் உலகில் எஞ்சிய கடைசி நகரமான காசி பாலைவனமாக்கப்பட்ட நகரமான இருக்கிறது. அங்கு யாஸ்கின் என்பவர் தலைமையில் தலைகீழ்-பிரமிடு கட்டமைப்பில் சர்வாதிகார படைத்த நகரமாக அறியப்படுகிறது. பண்டைய இந்திய இந்து தொன்மவியல் மற்றும் ஒரு டிஸ்டோபியன் சமூகத்தின் பின்னணியில் அமைக்கப்பட்ட இந்த கதை, கிமு 3102 ஆம் ஆண்டில் மகாபாரதத்தின் நிகழ்வுகளிலிருந்து, கலியுகத்தின் தொடக்கத்தில், கிபி 2898 வரையிலான ஆயிரக்கணக்கான ஆண்டு கால பயணத்தை விவரிக்கிறது. இந்து தெய்வமான விஷ்ணுவின் பத்தாவது மற்றும் இறுதி அவதாரமான கல்கியின் புதிரான உருவத்தின் வருகையைச் சுற்றியே கதையின் மையப்பகுதி சுழல்கிறது.

கல்கி 2898 AD திரைப்படம் வெளியாகி பெரிய அளவில் இந்தியா முழுவதும் பலர் கவனத்தை கவர்ந்து கொண்டாடப்படுகிறது. இப்படம் ரசிகர்கள் மத்தியில் தாக்கத்தை ஏற்படுத்தி பிரமாண்ட வெற்றியை படைத்துள்ளது. பிரபாஸ் நடித்துள்ள பாகுபலி படம் போல இப்படம் ரசிகர்களுக்கு ஒரு புதிய அனுபவத்தை கொடுத்து பிரபலமாகி உள்ளது. விமர்சனம் ரீதியாக இப்படம் பலரின் மனதை வென்று, வசூல் ரீதியாகவும் வாகை சூடியுள்ளது. இப்படத்திற்கு சராசரியாக (4/5) ரேட்டிங் அளிக்கப்பட்டுள்ளது.

கல்கி திரைப்படத்தின் ஓடிடி ஸ்ட்ரீமிங் டிஜிட்டல் உரிமையை 'அமேசான் பிரைம் வீடியோ' நிறுவனம் கைப்பற்றியுள்ளது. இப்படம் திரையரங்கு சாதனைகள் முடித்ததும் இப்படத்தின் ஓடிடி வெளியீட்டு பற்றிய அதிகாரபூர்வ அறிவிப்புகள் படக்குழு சார்பில் விரைவில் வெளியாகும்.

2024 ஜூன் 27ல் உலகமெங்கும் வெளியாகியுள்ள ' கல்கி 2898 AD' திரைப்படம், வெளியான முதல் நாளில் மட்டும் 191.5 கோடிகள் வசூலித்து சாதனை படைத்திருக்கிறது. இப்படத்தின் இமாலய வசூல் சாதனை பெரிய அளவில் ரசிகர்கள் மத்தியில் கொண்டாடப்படுகிறது. 600 கோடி செலவில் உருவான இப்படம், படத்தின் வியாபாரம் மற்றும் வசூல் என தற்போதே படத்தின் பட்ஜெட் விட அதிகம் வசூலித்துள்ளது.

 கல்கி 2898 AD திரைப்படத்தின் முதல் நாள் வசூல் பற்றிய தகவலை இப்படத்தின் தயாரிப்பு நிறுவனமே தற்போது அதிகாரபூர்வமாக அறிவித்துள்ளது.