Lal Salaam - முதல் நாள் வசூல் நிலவரத்தில் லால் சலாம் வெற்றியா தோல்வியா...

லால் சலாம் - இயக்குனர் ஐஸ்வர்யா ரஜினிகாந்த் இயக்கத்தில் ரஜினிகாந்த், விக்ராந்த், விஷ்ணு விஷால், நிரோஷா என பல முன்னணி தமிழ் திரைப்பட நட்சத்திரங்கள் நடித்திருக்கும் திரைப்படம். இப்படத்தினை கிரிக்கெட் விளையாட்டை சார்ந்த திரைக்கதையில் வடிவமைத்து இயக்கியுள்ளார், இயக்குனர். லால் சலாம் படத்தினை தமிழ் திரைப்பட முன்னணி தயாரிப்பாளர் சுபாஷ்கரன் தனது 'லைக்கா புரொடக்ஷன்ஸ்' நிறுவனத்தின் மூலம் தயாரிக்க, இசையமைப்பாளர் ஏ ஆர் ரஹ்மான் இசையமைத்துள்ளார்.

சமூக கருத்துகள் உள்ளடக்கிய ஒரு ஜனரஞ்சகமான படமாக லால் சலாம் படம் உருவாகியுள்ளது. இப்படத்திற்கு ஒளிப்பதிவாளர் விஷ்ணு ரங்கசாமி ஒளிப்பதிவு செய்ய, படத்தொகுப்பாளர் பிராவின் பாஸ்கர் எடிட்டிங் செய்துள்ளார்.

கிரிக்கெட், மதம், அரசியல், ஊரில் நடக்கும் தேர் திருவிழா, ஊருக்குள் நடக்கும் மதக்கலவரம், அதன் மூலம் நடத்தப்படும் மதநல்லிணக்க பாடம் என இந்த கதையை உருவாக்கி இருக்கிறார் ஐஸ்வர்யா ரஜினிகாந்த். விஷ்ணு விஷால் மற்றும் விக்ராந்த் இடையே சிறுவயதில் இருந்தே மோதல்கள் இருந்து வருகிறது. இஸ்லாமியரான விக்ராந்த் மீது இந்து மதத்தை சேர்ந்த விஷ்ணு விஷால் கோபம் கொள்வது போன்ற காட்சிகள் குறியீடாக வைக்கப்பட்டது போலவே திரைக்கதை அமைந்துள்ளது.

ஊரில் உள்ள 3ஸ்டார் அணி கிரிக்கெட் டீமில் விளையாடி வெற்றிப் பெற்று வரும் விஷ்ணு விஷால் இன்னொரு டீமில் சேர்ந்து விடுகிறார். அதன் பின்னர் அந்த டீம் தான் வெற்றி பெறுகிறது. 3ஸ்டார் அணியை வெற்றி பெற வைக்க விக்ராந்தை அந்த அணியில் சேர்க்கின்றனர். சிறு வயதில் இருந்தே விஷ்ணு விஷாலுக்கும் விக்ராந்துக்கும் ஆகாத நிலையில், விக்ராந்த் தனக்கு எதிராக ஆடுவது விஷ்ணு விஷலுக்கு பிடிக்கவில்லை. இவர்களுக்குள் நடக்கும் சண்டையை சிலர் பயன்படுத்தி பிரச்சனையை பெரிதுபடுத்த முயலும் போது, தனது மகனுக்கு எதிராக விஷ்ணு விஷால் ஏன் இப்படி நடந்துக் கொள்கிறார் அதே பிரச்சனையுடன் ஊர் மக்கள் ஏன் சண்டை போடுகின்றனர். இது தப்பாச்சே என மொய்தீன் பாய் பாடம் நடத்துவது தான் இந்த படத்தின் கதை.

லால் சலாம் திரைப்படம் சமூக கருத்துகள் அடங்கிய ஒரு ஜனரஞ்சகமான திரைப்படமாகும். இப்படத்தின் விமர்சனம் பல தரப்பு ரசிகர்களை திருப்தி படுத்தியுள்ள நிலையில், பலரை ஏமாற்றியுள்ளது. ரஜினியின் கதாபாத்திரத்திற்கு கிடைத்த வலிமை இப்படத்தின் திரைக்கதைக்கு இல்லாததே காரணம். இரண்டாம் பாதியின் சுவரசயங்கள் தான் லால் சலாம் படத்திற்கு கிடைத்த மிகப்பெரிய பலம். இப்படத்திற்கு சராசரியாக 3.5/5 ரேட்டிங் அளிக்கப்பட்டுள்ளது.

தமிழ் சினிமா மற்றும் உலக சினிமாவில் நடிகர் ரஜினிகாந்த் இதுவரை 169 படங்களுக்கு மேல் நடித்துள்ளார். இதில் இஸ்லாமிய கதாபாத்திரத்தில் லால் சலாம் படத்தில் தான் முதல் முறையாக இவர் நடித்திருக்கிறார். இப்படத்தில் ரஜினியின் கதாபாத்திரம் பலரால் கொண்டாடப்பட்டு வரவேற்கப்பட்டுள்ளது. பல்வேறு கதாபாத்திரத்தில் நடித்துள்ள ரஜினிகாந்த் இப்படத்தின் மூலம் இஸ்லாமிய கதாபாத்திரத்தில் நடித்தது விமர்சனங்களை தாண்டி சமூக வலைத்தளத்தில் வரவேற்கப்பட்டுள்ளது.

ஒரு சிறிய கௌரவ வேடத்தில் நடிகர் ரஜினிகாந்த் நடித்துள்ளதாக வெளியான தகவலை தொடர்ந்து இப்படத்தில் நீடிக்கப்பட்ட கௌரவ வேடத்தில் இவர் நடித்துள்ளார். பல இடங்களில் பல காட்சிகளில் ரஜினி நடித்து பலரை திருப்திபடுத்தியுள்ளார்.

லால் சலாம் திரைப்படத்தின் டிஜிட்டல் ஸ்ட்ரீமிங் உரிமையை நெட்ப்ளிக்ஸ் நிறுவனம் கைப்பற்றியுள்ள நிலையில், இப்படத்தின் தொலைக்காட்சி ஒளிபரப்பு உரிமையை சன் டிவி நிறுவனம் கைப்பற்றியுள்ளது.

விஷ்ணு விஷால் முன்னணி நடிப்பில், விக்ராந்த் துணை கதாபாத்திரத்தில், சூப்பர் ஸ்டார் ரஜினிகாந்த்-ன் கேமியோ நடிப்பில் 2024 பிப் மாதம் 9ல் வெளியான லால் சலாம் திரைப்படம் முதல் நாள் முடிவில் ₹4.3 கோடிகள் வசூல் செய்துள்ளது. இந்தியா அளவில் பிரமாண்ட முறையில் வெளியான இப்படம் ₹4.3 கோடிகள் வசூல் செய்து இந்த ஆண்டின் சாதனை பட தரவரிசையில் இடம் பெற்றுள்ளது.