காத்திருந்து காத்திருந்து காலங்கள் போனதடி: தமிழ் சினிமாவில் வெளிவராத படங்கள்

கண்ணே கலைமானே, மாமனிதன் போன்ற படங்களை இயக்கிய சீனு ராமசாமி அவர் இயக்கும் அடுத்த படத்திற்கான அநௌன்ஸ்மெண்ட் வந்த பொழுது ரசிகர்கள் எல்லாம் மிகுந்த மகிழ்ச்சி மற்றும் எதிர்பார்ப்பில் மூழ்கினர், இவர் மக்கள் செல்வன் விஜய் சேதுபதி,  விஷ்ணு விஷால் , ஐஸ்வர்யா ராஜேஷ், மற்றும் நந்திதாவை வைத்து அவர், இடம் பொருள்  ஏவல் என்னும் படத்தை இயக்கப் போவதாக அறிவித்தார். இந்தப் படத்தை லிங்குசாமி தயாரிக்க யுவன் சங்கர் ராஜா இசையமைத்துள்ளார். மிகுந்த எதிர்பார்ப்பை சம்பாதித்த இந்த படம் சீனு ராமசாமிக்கும் லிங்குசாமிக்கு இடையில் உள்ள ஒரு பணம் பிரச்சனையினால்  நிறுத்தப்பட்டுள்ளது. 

2001 ஆம் ஆண்டு தொடங்கி இன்றளவும் சூப்பர் ஹிட் டைரக்டர் அண்ட் மியூசிக் டைரக்டர் காம்போ என்று கேட்டாலே கண்ணை மூடிக்கொண்டு இவர்களை தான் சொல்வோம். அந்த அளவிற்கு இவர்களது காம்பினேஷன் சூப்பர் டூப்பர் ஹிட். மின்னலே, காக்க காக்க, வாரணம் ஆயிரம், வேட்டையாடு விளையாடு,  போன்ற களக்கலான ஹிட்க்கு பிறகு இவர்கள் மீண்டும் துருவ நட்சத்திரம் என்னும் திரைப்படம் மூலம் இணைந்தனர். இந்த படத்தில் விக்ரம், ஐஸ்வர்யா ராஜேஷ், ரித்து வர்மா,  ஆகியோர் நடித்துள்ளனர். இந்தப் படத்தில் விக்ரமை ஸ்டைலிஷ்யாக கௌதம் வாசுதேவ் மேனன் காட்டியுள்ளார். இந்த படத்திற்கு ரசிகர்கள் மத்தியில் மிகுந்த எதிர்பார்ப்பு உள்ளது இந்த படத்திலிருந்து மூன்று பாடல்கள் இதுவரை வெளியாகி உள்ள நிலையில் இந்த படத்தின் ரிலீஸ் தேதி இன்னும் பட குழுவினரால் வெளியிடப்படவில்லை.

அவள், தி வில்லேஜ் என அல்டிமேட் திகில் திரைப்படங்களை இயக்கியவர் மில்லன் ராவ். இவர் இயக்கிய காதல் டு கல்யாணம் திரைப்படம் வெளிவரும் என்று பலரால் எதிர்பார்க்கப்பட்ட நிலையில் இது பல வருடங்களாக ரிலீஸ் ஆகாமல் தள்ளி போய்க்கொண்டே இருக்கின்றது. இந்தப் படத்தில் ஆர்யாவின் தம்பி சத்தியா, ரம்யா நம்பிசன் தேவதர்ஷினி அழகம் பெருமாள் ஆகியோர் நடித்துள்ளனர். இந்தப் படத்தில் ஆர்யாவும் ஒரு கேமியோ ரூலில் நடித்துள்ளார். இந்த படத்திற்கு யுவன் சங்கர் ராஜா இசையை அமைத்துள்ளார். மிலன் ராவும் அவரது அடுத்தடுத்த படங்களில் பிஸியாக இருப்பதனால் எந்த படம் இதுக்கு அப்புறமும் திரையில் வெளியாகுமா என்பது பலரது கேள்வி.

வெங்கட் பிரபு படம் என்றாலே அதற்கு தனி ரசிகர் கூட்டமே இருக்கும். இவர் படத்தில் எப்போதும் காதல், சாங், கலாட்டா, பாட்டி எல்லாம் கலந்து ஒரு மசாலா பணமாகத்தான் இருக்கும். இவர் ஒரு நடிகர் பட்டாளத்தையே வைத்து படம் எடுப்பதில் வல்லுநர் அவரது சென்னை 28 , சென்னை 28 2 பிரியாணி போன்ற படங்களில் அவர் பல நடிகர்களை வைத்து படம் எடுத்துள்ளார். சென்னை 28 நினைத்த அளவிற்கு வசூல் ரீதியாக செயல்படவில்லை என்ற காரணத்தினால் இவரது மார்க்கெட் டவுன் ஆனது ஆனால் மாநாடு, கோட் திரைப்படத்தின் மூலம் இவரது மார்க்கெட் உச்சத்துக்கு சென்றது. இவர் சிவா,ஜெய்,  நிவேதா பித்துராஜ், ரெஜினா கெசேன்றா, சத்யராஜ், நாசர் இவர்களை வைத்து எடுத்த படம் தான் பார்ட்டி. இந்தப் படத்திற்கு பிரேம்ஜி அமரன் இசையமைத்துள்ளார் இந்த படம் முழுமையாக முடிந்த நிலையிலும் வெளிவராத காரணம் இந்த படம் பொருளாதார ரீதியாக சில பிரச்சனைகளில் சிக்கியுள்ளது.

கார்த்திக் நரேன் இயக்கத்தில் 2016 ஆம் ஆண்டு வெளிவந்த மெகா ஹிட் ஆன திரைப்படம் தான் துருவங்கள் 16 இது ஒரு க்ரைம் திரில்லர் திரைப்படம் ஆகும். இந்தப் படத்தின் வெற்றிக்கு பின்னால் கார்த்திக் நரின் இயக்கிய படம் நரகாசூரன், இதுவும் ஒரு மிஸ்டரி திரில்லர் திரைப்படம் தான், இப்படத்தில் அரவிந்த் சுவாமி, சிரேயா சரண், சந்தீப் கிசன், ஆத்மிகா, இந்திரஜித் சுகுமாரன் ஆகியோர் நடிக்கின்றனர். இந்த படம் சில பொருளாதார பிரச்சனையின் காரணமாக நிறுத்தி வைக்கப்பட்டுள்ளது. இந்த படமும் கார்த்திக் நரேன்னின் ட்ரில்லர் ட்ரையாலஜியின் ஒரு பாகம் ஆகும்.