கப்பு முக்கியம் பிகிலே: கிரிக்கெட்டை மையமாக வைத்து எடுக்கப்பட்ட தமிழ் திரைப்படங்கள்

சென்னை 600028 ஒரு விளையாட்டு, நகைச்சுவை மற்றும் காதல் கலந்த மசாலா திரைப்படமாகும். இந்த திரைப்படத்தை இயக்குனர் வெங்கட் பிரபு, அவரது கூட்டணியுடன் இயக்கியுள்ளார். சிவா, ஜெய், நிதின் சத்யா, விஜயலட்சுமி, பிரேம்ஜி அமரன் உள்ளிட்ட பலர் முக்கிய கதாப்பாத்திரங்களில் நடித்துள்ள இந்த படத்திற்கு யுவன் ஷங்கர் ராஜா மற்றும் பிரேம்ஜி அமரன் இசையமைத்துள்ளனர். இரண்டு ஏரியா கிரிக்கெட் டீமுக்குள் நடக்கும் விளையாட்டுச் செண்டையை எந்த படம் மிக அழகாக காட்டி உள்ளது. 

ஜீவா காதல் கலந்த விளையாட்டு திரைப்படம், இப்படத்தை சுசீந்திரன் இயக்கியுள்ளார். இதில் நடிகர் விஷ்ணு மற்றும் ஸ்ரீ திவ்யா வும் நடித்துள்ளனர். இப்படத்திற்கு  இசையமைத்திருக்கிறார் டி.இமான். இது கிரிக்கெட் செலக்சன்னுள் நடக்கும் பாலிடிக்ஸை வெளிச்சம் போட்டு காட்டும் படமாக வெளியானது. 

ப்ளூ ஸ்டார்  இயக்குனர் எஸ் ஜெயக்குமார் இயக்கத்தில் ஷாந்தனு, அசோக் செல்வன், கீர்த்தி பாண்டியன் என பல பிரபலங்கள் நடித்த திரைப்படம். இப்படத்தினை இயக்குனர் பா ரஞ்சித் தனது நீலம் புரொடக்ஷன் நிறுவனத்தின் மூலம் தயாரிக்க, இசையமைப்பாளர் கோவிந்த் வசந்த இசையமைத்துள்ளார். 

கனா இயக்குனர் அருண்ராஜா காமராஜ் இயக்கத்தில், சிவகார்த்திகேயன், சத்யராஜ், ஐஸ்வர்யா ராஜேஷ், தர்ஷன் மற்றும் பலர் நடித்த அதிரடி மற்றும் விளையாட்டு துறை சார்ந்த திரைப்படம். 
இப்படத்திற்கு திபு நின்னான் தாமஸ் இசையமைத்துள்ளார். கிரிக்கெட் வீராங்கனை ஆக வேண்டும் என்ற ஆசையுடன் கிராமத்து பெண் தடைகளை கடந்தும் சர்வதேச போட்டிக்கு சென்றார். மற்றொரு பக்கம், விவசாயத்தின் கஷ்டங்களை வெளிப்படுத்தும் படமாக இது வெளியானது.

லப்பர் பந்து  இயக்கிய தமிழரசன் பச்சமுத்து இந்த படத்தின் மூலம் தமிழ் சினிமாவுக்கு அறிமுகம் ஆனார், ஹரிஷ் கல்யாண், சஞ்சனா, அட்டகத்தி தினேஷ் என பலர் நடித்த இந்த திரைப்படம். பிளாக்பஸ்டர் ஹிட்டானது, இப்படத்திற்கு இசையமைப்பாளர் சீன் ரோல்டன் இசையமைத்துள்ளார்.