இந்த படங்களை கண்டிப்பா மிஸ் பண்ணாதீங்க; குறைவாக மதிப்பிடபட்ட தமிழ் திரைப்படங்கள்

பாரி இளவழகன் எழுதி, இயக்கி, நடித்த திரைப்படம் தான் ஜமா.  இது 2024 ஆம் ஆண்டு வெளியான தமிழ் நாடகத் திரைப்படமாகும். அம்மு அபிராமி, சேத்தன், ஆகியோருடன் ஸ்ரீ கிருஷ்ண தயாள், கேவிஎன் மணிமேகலை, வசந்த் மாரிமுத்து, சிவா மாறன், ஏ.கே. இளவழகன் மற்றும் காலா குமார் ஆகியோர் முக்கிய கதாபாத்திரத்தில் நடித்துள்ளனர். இந்தப் படத்தில் பாரி இளவழின் நடிப்பு பார்வையாளர்கள் மத்தியில் நல்ல வரவேற்பை பெற்றது.படத்திற்கு இளையராஜா இசை அமைத்துள்ளார். இவரது இசை இந்த படத்தில் ஒரு முக்கிய பங்கு அளித்துள்ளது. தெருக்கூத்து கலைஞர்களின் வாழ்க்கையை மிக ஏதார்த்தமாக இந்தப் படம் நம்மிடம் கொண்டு சேர்த்துள்ளது.

சுரேஷ்மாரி இயக்கத்தில் பா ரஞ்சித் தயாரித்த 2024-ஆம் ஆண்டு வெளிவந்த திரைப்படம் தான் J பேபி, இதில் ஊர்வசி,  அட்டகத்தி தினேஷ், லொள்ளுசபா மாறன் ஆகியோர் முக்கிய கதாபாத்திரத்தில் நடித்துள்ளனர். இந்தத் திரைப்படம் ஒரு உண்மை சம்பவத்தை படமாக்கப்பட்டுள்ளது. ஊர்வசி தனது குழந்தைத்தனமான நடிப்பில் எல்லோரும் மனதையும் கவர்ந்துரித்துள்ளார். தினேஷ் மற்றும் மாறனது எதார்த்தமான நடிப்பு இந்த படத்திற்கு மற்றொரு பிளஸ் பாயிண்ட். இந்த படத்திற்கு டோனி பிரிட்டோ இசையமைத்துள்ளார். 

ஆகஸ்ட் 16 1947, 2021 ஆம் ஆண்டு வெளியான வரலாற்று திரைப்படமாகும். இது சுதந்திரப் போராட்டத்தை மையமாகக் கொண்டு கற்பனையால் உருவாக்கப்பட்ட திரைப்படமாகும். இந்த படத்தை எழுதி இயக்கியவர்: என்.எஸ். பொன்குமார். இந்தப் படத்தில் கௌதம் கார்த்திக், ஜேசன் ஷா, புகழ், ஜூனியர் எம்ஜிஆர், ரிச்சர்ட் ஆஷ்டன் மற்றும் ரேவதி சர்மா ஆகியோர் முக்கிய கதாபாத்திரத்தில் நடித்தனர். இந்த படத்திற்கு ஒளிப்பதிவு செல்வகுமார் எஸ். கே. செய்துள்ளார். எடிட்டிங் ஆர். சுதர்சன் மற்றும் சீன் ரோல்டன் இசையமைத்துள்ளார்.

கொன்றால் பாவம்,  தயாள் பத்மநாபன் எழுதி இயக்கிய  2023 ஆம் ஆண்டு வெளியான கிரிம் திரில்லர் திரைப்படமாகும். இப்படத்தில் வரலட்சுமி சரத்குமார், சந்தோஷ் பிரதாப், ஈஸ்வரி ராவ், சார்லே ஆகியோர் முக்கிய கதாபாத்திரத்தில் நடித்துள்ளனர். இந்த படத்தின் கிளைமேக்ஸில் யாரும் எதிர்பார்த்திராத ஒரு ட்விஸ்ட் இருக்கும், அதுவரை ஆர்டினரியாக இருந்த படத்தினை எஸ்ட்ராடினரியாக மாற்றியது அந்த ட்விஸ்ட். இந்த படத்திற்கு சி எஸ் சாம் இசையமைத்துள்ளார் அவரது இசை ஒவ்வொரு சீன்லையும் பலபரப்பை தூண்டியது. 

ஒவ்வொரு பெண்ணும் கட்டாயம் பார்க்க வேண்டிய படம் இந்த கண்ணகி. இந்தப் படத்தினை யஷ்வந்த் கிஷோர்  இயக்கியுள்ளார், இதுவே இவரது முதல் படமாகும். முதல் படம் என்று தெரியாத அளவிற்கு இவரது கதையும் இவரது இயக்கமும் மிக அருமையாக இருந்தது. இப்படத்தில் கீர்த்தி பாண்டியன், அம்மு அபிராமி, வித்யா பிரதீப் மற்றும் ஷாலின் ஜோயா ஆகியோர் முக்கிய கதாபாத்திரத்தில் நடித்துள்ளனர். இந்தக் கதை, சமூகத்தால் ஆதிக்கம் எவ்வாறு ஒரு பெண் மாற்றப்படுகின்றாள் என்பதை இந்த கதையை நமக்கு எடுத்துக்காட்டுகின்றது. இந்தப் படத்திற்கு ஷான் ரஹ்மான் இசையமைத்துள்ளார், ராம்ஜி ஒளிப்பதிவு செய்துள்ளார், கே.சரத்குமார் எடிட்டிங் செய்துள்ளார்.