முன்னாள் லேடி சூப்பர் ஸ்டார் நயன்தாராவின் வுமன் சென்ட்ரிக்ஸ் திரைப்படங்கள்

2020 ஆம் ஆண்டு disney+ hotstar OTT தளத்தில் வெளியானது மூக்குத்தி அம்மன் திரைப்படம். இது ஒரு ஃபேண்டஸி கலந்த காமெடி படமாக இருந்தது. ஆர் ஜே பாலாஜி மற்றும் என் ஜே சரவணன் இவர்களால் எழுதி இயக்கப்பட்ட இந்த படம், சூப்பர் டூப்பர் இட்டானது. தமிழ் சினிமாவில் சாமி திரைப்படங்களுக்கான திரைக்கதையை உடைத்து ஒரு புதிய திரைக்களத்தில் இப்படம் வெளியாகி மக்களின் ஆதரவை பெற்றுள்ளது. மூக்குத்தி அம்மன் திரைப்படத்தின் வெற்றியை தொடர்ந்து, மூக்குத்தி அம்மன் பாகம் 2 சுந்தர் சி, இயக்கத்தில் உருவாகி கொண்டு இருக்கிறது.

இயக்குனர் நெல்சன் இயக்கத்தில் நயன்தாரா நடித்த நகைச்சுவை திரைப்படம். யோகி பாபு, சரண்யா பொன்வண்ணன், ஆர்.எஸ் சிவாஜி, சார்ள்ஸ் வினோத் மற்றும் ஹரீஸ் பேர்டி ஆகியோரும் துணை கதாபாத்திரத்தில் நடித்துள்ளார். திரில்லர் மற்றும் நகைச்சுவை திரைக்கதையில் இப்படம் வெளியாகி மக்கள் மத்தியில் புகழ் பெற்றுள்ளது. இப்படம் பல விருதுகளையும் அள்ளி குவித்துள்ளது. 

நெற்றிக்கண் இயக்குனர் மிலிண்ட் ராவ் இயக்கத்தில், நயன்தாரா முன்னணி கதாபாத்திரத்தில் நடிக்கும் திரில்லர் திரைப்படம்.  இத்திரைப்படத்தில் மணிகண்டன், சரண், அஜ்மல் அமீர் என பலர் முக்கிய கதாபாத்திரத்தில் நடித்துள்ளனர். இந்த படத்தில் நயன்தாரா பார்வையற்ற பெண்ணாக தனது அற்புதமான நடிப்பை வெளி காட்டிருந்தார். 

2017ஆம் ஆண்டில் ந. கோபி நயினார் இயக்கத்தில் வெளியான அறம் திரைப்படம் நயன்தாராவின் திரைவாழ்வில் இப்படம் ஒரு முக்கிய திரைப்படமாகும். இந்த படத்தில் நயன்தாரா ஒரு நேர்மையான அரசு அதிகாரியாக நயன்தாரா இப்படத்தில் கம்பீரமான தோற்றத்தில் நடித்துள்ளார். 

மாயா 2015ல் வெளிவந்த ஒரு தமிழ் திகில் திரைப்படம். இந்த படத்தை இயக்குனர் அஸ்வின் சரவணன் எழுதி, இயக்கியுள்ளார். தமிழ் சினிமாவில் திரைப்பட ரசிகர்களால் கொண்டாடப்பட்ட திரைப்படமாக மாறியது . திகில் படமாக இருந்தாலும் இத்திரைப்படம் வெளியாகி வசூல் மற்றும் விமர்சன ரீதியாக மாபெரும் வெற்றி பெற்றுள்ளது.