இன்றும் நாயகியாக நடிக்கும் 35+ வயது டாப் 10 நடிகைகள் யார் யார் தெரியுமா?

நயன்தாரா - தமிழ் சினிமாவில் முன்னணி நடிகையாக ஜொலித்து வரும் பிரபலம் ஆவார். இவர் 2005 ஆம் ஆண்டு 'அய்யா' திரைப்படத்தில் நடித்து தமிழ் சினிமாவில் அறிமுகமாகி உள்ளார். தற்போது தமிழ், தெலுங்கு, கன்னட, மலையாளம் மற்றும் ஹிந்தி மொழி திரைப்படங்களில் முன்னணி நடிகையாக பணியாற்றி வருகிறார்.  நவம்பர் 18, 1984ல் பிறந்துள்ள நயன்தாரா 39 வயதிலும் தமிழ் சினிமா ஹீரோக்களுக்கு ஜோடியாகவும், நாயகிகளுக்கு முக்கியத்துவம் உள்ள படங்களில் நடித்து வருகிறார்.

சமந்தா - தமிழ், தெலுங்கு, கன்னட, மலையாளம் மற்றும் ஹிந்தி மொழி படங்களில் நடித்து இந்திய சினிமாவில் கொண்டாடப்படும் நடிகை ஆவார். தமிழகத்தை பிறப்பிடமாக கொண்ட சமந்தா, 1987 ஏப்ரல் 28ல் பிறந்து 37 வயது கடந்தும் தமிழ் படங்களில் நாயகியாக நடித்து வருகிறார். இவரது படங்கள் தமிழ் சினிமா ரசிகர்கள் மத்தியில் பெரிய அளவில் கொண்டாடப்படுகிறது. இவருக்கென ஒரு ரசிகர் பட்டாளமே தமிழ் திரைத்துறையில் உள்ளது.

மஞ்சு வாரியர் - தமிழ் நாட்டில் பிறந்து கேரளா மாநிலத்தில் வளர்ந்து திரைப்படங்கள் மூலம் பெரிய அளவில் பிரபலமானவர். இவர் அசுரன், துணிவு படங்களில் நாயகியாக நடித்து பெரிய அளவில் தமிழ் சினிமாவில் பிரபலமாகி உள்ளார். 45 வயது ஆகியும் திரைப்படங்களில் நாயகியாக நடித்து ரசிகர்கள் மத்தியில் கொண்டாடப்படுகிறார், மஞ்சு வாரியர்.

திரிஷா கிருஷ்ணன் - லியோ, மங்காத்தா, தூங்காவனம் என தமிழ் சினிமா முன்னணி நடிகர்களுக்கு ஜோடியாக நடித்து பிரபலமானவர், தென்னிந்திய அளவில் கொண்டாடப்படும் இவர் பல படங்களில் நாயகியாகவும், தனி படங்களில் நடித்து வருகிறார். 39 வயது ஆகியும் திருமணம் செய்து கொள்ளாமல் தற்போது ஜொலித்து வருகிறார், திரிஷா கிருஷ்ணன்.

தென்னிந்திய சினிமா படங்களில் நாயகியாக நடித்து பல ரசிகர்கள் மத்தியில் கொண்டாடப்படும் நடிகை காஜல் அகர்வால். விவேகம், துப்பாக்கி போன்ற பல வெற்றி படங்களில் நடித்து தமிழ் சினிமாவில் பல ரசிகர்களின் மனதை வென்றுள்ளார். சமீபத்தில் திருமணமான இவருக்கு ஒரு குழந்தை பிறந்துள்ளார். இன்றும் இவர் பல படங்களில் நாயகியாக நடித்து வருகிறார்.

ஓகே கண்மணி, மெர்சல் என பல படங்களில் நடித்து முன்னணி நடிகைகளில் ஒருவராக பிரபலமானவர், நித்யா மேனன். தென்னிந்திய சினிமாவில் பல படங்களில் நாயகியாக நடித்து வரும் இவருக்கு 35 வயது ஆகியுள்ளது. வயதினை கடந்து கதாபாத்திர ரீதியாக சிறந்த நடிப்பினை வெளிப்படுத்தி பிரபலமாகி உள்ளார், நித்யா மேனன்.

சன் தொலைக்காட்சியில் சின்னத்திரை சீரியலில் நடித்து வெள்ளித்திரையில் அறிமுகமானவர், வாணி போஜன். இவர் தற்போது பல தமிழ் சினிமா நடிகர்களுடன் ஜோடி சேர்ந்து நடித்து வருகிறார். சிறந்த கதாபாத்திரம் உடைய படங்களை தேர்வு செய்து நடிக்கும் இவர் தற்போது 35 வயதிலும் ஒரு முக்கிய நடிகையாக பிரபலமாகியுள்ளார்.

வரலக்ஷ்மி சரத்குமார் - தமிழ் சினிமாவில் வில்லி மற்றும் நாயகி கதாபாத்திரத்தில் நடித்து வருகிறார். தமிழ் சினிமா படங்களை மட்டுமில்லாமல் கன்னட, தெலுங்கு சினிமா படங்களிலும் இவர் பல்வேறு கதாபாத்திரத்தில் நடிக்கிறார். போடா போடி படத்தின் மூலம் அறிமுகமாகி சர்கார், ஹனுமான் என பல வெற்றி படங்களில் நடித்து ரசிகர்கள் மத்தியில் ஜொலித்து வருகிறார், வரலக்ஷ்மி சரத்குமார்.

பிரியா ஆனந்த் - தமிழ் சினிமாவில் எல் கே ஜி, வணக்கம் சென்னை என பல வெற்றி படங்களில் நடித்து தனக்கென ஒரு அடையாளத்தினை பெற்றவர், பிரியா ஆனந்த். இவர் தற்போது சுமோ போன்ற பல படங்களில் நடித்து வருகிறார். 37 வயதாகியுள்ள இவர் இன்றும் தமிழ் சினிமாவில் பணியாற்றி வரும் முக்கிய நடிகைகளில் ஒருவராக இருக்கின்றார்.

ஆண்ட்ரியா - தமிழ் சினிமாவில் பாடகியாக பணியாற்றி பலரின் அறிமுகத்தை பெற்ற இவர், நடிகையாக பல படங்களில் பணியாற்றி வருகிறார். தரமணி, துப்பறிவாளன், உத்தம வில்லன், விஸ்வரூபம் என பல தமிழ் திரைப்படங்களில் நாயகி, வில்லி மற்றும் முக்கிய கதாபாத்திரத்தில் நடித்து வரும் இவர், 38 வயதிலும் பல ரசிகர்கள் மத்தியில் பேசப்படுகிறார்.