Leo Movie Audio Launch: திடீரென நிறுத்தப்பட்டது லியோ படத்தின் ஆடியோ லான்ச் நிகழ்ச்சி... அரசியல் காரணமா?

லியோ - இயக்குனர் லோகேஷ் கனகராஜ் இயக்கத்தில் நடிகர் விஜய் முன்னணி கதாபாத்திரத்தில் நடித்திருக்கும் அதிரடி - திரில்லர் திரைப்படம். இப்படத்தினை தமிழ் திரைப்பட தயாரிப்பாளர் லலித் குமார் தயாரிக்க, இசையமைப்பாளர் அனிருத் ரவிச்சந்தர் இசையமைத்துள்ளார்.

லியோ திரைப்படம் நடிகர் விஜய் திரைவாழ்வில் இவர் நடிக்கும் 67வது படமாகும். இப்படம் முதலில் தளபதி 67 என தாற்காலிய தலைப்பில் அறிவிக்கப்பட்டது. இப்படத்தினை தொடர்ந்து இயக்குனர் வெங்கட் பிரபு இயக்கத்தில் நடிகர் தளபதி 68 என புதிய படத்தினை தொடங்கியுள்ளார்.

லியோ திரைப்படம் 2023 அக்டோபர் 19ல் வெளியாகவிருக்கும் நிலையில் தற்போது இப்படத்தின் அப்டேட்ஸ் அவ்வப்போது வெளியாகி வருகிறது. இப்படத்தின் முதல் சிங்கிள் பாடல் 'நா ரெடி' பாடலை தொடர்ந்து இப்படத்தின் படக்குழு, நடிகர்கள் என தொடர்ந்து இப்படத்தின் அறிவிப்புகள் வெளியாகி ரசிகர்கள் மத்தியில் கொண்டாடப்பட்டு வருகிறது.

(Lokesh Cinematic Universe) LCU என்னும் படவரிசையில் லியோ படம் இடம்பெற 90% வாய்ப்பு உள்ளதாக பல தகவல்கள் வெளியாகி வருகிறது. லியோ படத்தின் ரிலீஸை தொடர்ந்து லியோ பார்ட் 02 திரைப்படம் உருவாகும் என பல ரசிகர்கள் மத்தியில் கிசுகிசு பரவி வருகிறது. இப்படம் LCU படங்களில் உள்ளதா இல்லையா என்னும் அதிகாரப்பூர்வ அறிவிப்பு படக்குழு சார்பில் இன்னும் வெளியாகவில்லை.

சென்னை நேரு ஸ்டேடியம் மைதானத்தில் லியோ படத்தின் ஆடியோ லான்ச் நிகழ்ச்சி நடத்த பல முயற்சிகள் எடுக்கப்பட்டு வந்துள்ள நிலையில், திடீரென இப்படத்தின் ஆடியோ லான்ச் நிகழ்ச்சியை ரத்து செய்துள்ளார், இப்படத்தின் தயாரிப்பாளர் லலித் குமார். 

இதனை தொடர்ந்து இப்படத்தின் தயாரிப்பாளர் லலித் குமார் தனது ட்விட்டர் பக்கத்தில் "நிரம்பி வழியும் பாஸ் கோரிக்கைகள் மற்றும் பாதுகாப்புக் கட்டுப்பாடுகளைக் கருத்தில் கொண்டு, லியோ ஆடியோ வெளியீட்டை நடத்த வேண்டாம் என்று முடிவு செய்துள்ளோம்.

ரசிகர்களின் விருப்பத்திற்கு ஏற்ப, அடிக்கடி புதுப்பிப்புகளுடன் உங்களை ஈடுபடுத்துவோம்.பி.எஸ். பலர் நினைப்பது போல், இது அரசியல் அழுத்தங்களினாலோ அல்லது வேறு காரணங்களினாலோ அல்ல." என்று அதிகாரப்பூர்வமாக அறிவித்துள்ளார்.

லியோ படத்தின் ஆடியோ லான்ச் நிகழ்ச்சி நிறுத்தப்பட்டதுற்கு பின் அரசியல் உள்ளதா? என பல சர்ச்சைகள் இணையதளத்தில் கிளம்பியுள்ளது. இந்த நிகழ்ச்சிக்கு முதலில் ரெட் ஜெயண்ட் மூவிஸ் நிறுவனம் பிரச்சனை கொடுத்துள்ளதாக பல தகவல்கள் வெளியாகியது.

தற்போது லியோ ஆடியோ லான்ச் நிகழ்ச்சியில் தளபதி விஜய் அரசியல் பேசுவாரா? தற்போது நடக்கும் நாடாளுமன்ற தேர்தலில் விஜய் போட்டியிடுவாரா? அதற்கான அரசியல் தொடர்பான பேச்சுகளை இவர் பேசுவார் அதனால் தான், லியோ படத்தின் ஆடியோ லான்ச் நிகழ்ச்சிக்கு பல பிரச்சனைகள் அளித்து நிறுத்தப்பட்டுள்ளது என பலர் சர்ச்சைகள் இணையதளத்தில் பரவி வருகிறது.

லியோ படம் தொடர்பாக எழுந்துள்ள சர்ச்சை மற்றும் தளபதி விஜய்யின் அரசியல் வாழ்க்கை தொடர்பாக எழுந்துள்ள சர்ச்சைக்கு முற்று புள்ளி வைக்கும் விதமாக லியோ படத்தின் தயாரிப்பாளர் ட்விட்டர் செயலில் ஒரு அறிவிப்பை பதிவேற்றி பல சர்ச்சைகளுக்கு முற்றுபுள்ளி வைத்துள்ளார். மேலும் இப்படம் டிரைலர், செகண்ட் சிங்கிள் அப்டேட்ஸ் அடுத்தடுத்து வெளியாகும் என எதிர்பார்க்கப்படுகிறது.