Leo Movie: அடேங்கப்பா.. லியோவில் ஒட்டுமொத்தமாக எத்தனை இயக்குநர்கள் தெரியுமா?

லியோ - இயக்குனர் லோகேஷ் கனகராஜ் இயக்கத்தில் விஜய், திரிஷா, அர்ஜுன், சஞ்சய் தட் என பல முன்னணி நடிகர்கள் முக்கிய கதாபாத்திரத்தில் நடித்திருக்கும் அதிரடி - திரில்லர் திரைப்படம். இப்படத்தினை தயாரிப்பாளர் லலித் குமார் தயாரிக்க, இசையமைப்பாளர் அனிருத் ரவிச்சந்தர் இசையமைத்துள்ளார்.

இப்படத்தில் நடிகர்களாக பணியாற்றியுள்ள தமிழ் பட இயக்குனர்கள் யார் யார் என முழு பட்டியல் புகைப்படங்களோடு இங்கு பட்டியலிடப்பட்டுள்ளது.

'ஆக்ஷன் கிங்' என்னும் புனைப்பெயரோடு தமிழ் பட ரசிகர்கள் மத்தியில் பெரிய அளவில் கொண்டாடப்படுபவர், அர்ஜுன். இவர் திரைப்படங்களில் இயக்குனர், நடிகர், சண்டை பயிற்சியாளர், மற்றும் நடிப்பில் வில்லன், நாயகன் மற்றும் துணை கதாபாத்திரம் என வெரைட்டியான நடிப்பில் ரசிகர்களை கவர்ந்து பெரிய அளவில் பிரபலமாகியுள்ளார். ஜெய் ஹிந்த், ஜெய் ஹிந்த் 2, சேவகன், ஏழுமலை, பரசுராம் என 12 படங்களுக்கு இயக்குனராக இவர் பணியாற்றியுள்ளார்.

லியோ படத்தில் நடிகர் அர்ஜுன் 'அரோல் தாஸ்' கதாபாத்திரத்தில் நடித்து அசத்தியுள்ளார். இப்படத்தில் அர்ஜுன் நடித்துள்ள கதாபாத்திரமானது வில்லன் என்பது குறிப்பிடத்தக்கது.

கவுதம் வாசுதேவ் மேனன் -  தமிழ் சினிமாவில் மின்னலே, வாரணம் ஆயிரம், என்னை அறிந்தால் போன்ற பல வெற்றி திரைப்படங்களை இயக்கிய முக்கிய இயக்குனர் ஆவார். இவர் பல தமிழ் திரைப்படங்களில் பல்வேறு கதாபாத்திரத்தில் நடித்து வருகிறார். தற்போது லியோ படத்தில் இவர் காவலர் கதாபாத்திரத்தில் நடித்து கலக்கியுள்ளார். இவரது கதாபாத்திரம் பெரிய அளவில் பேசப்படும் என பல ஊடக இணையதள சேனல்களில் இவர் பேட்டி அளித்துள்ளார்.

தமிழ் சினிமாவில் இயக்குனர் மிஷ்கின் இயக்கத்தில் முகமூடி, அஞ்சாதே, பிசாசு, சைக்கோ என பல திரைப்படங்கள் உருவாகி வெளியாகியுள்ளது. இப்படத்தில் மிஷ்கின் ஒரு வில்லன் கதாபாத்திரம் நடித்துள்ளதாக தகவல்கள் வெளியாகியுள்ளது. மற்றொரு திரைப்பட ஆடியோ லான்ச் நிகழ்ச்சியில் இவர் நடித்துள்ள கதாபாத்திரம் பற்றி மிஷ்கின் பேசியுள்ளார்.

மனோபாலா - தமிழ் திரைத்துறையில் ஒரு நகைச்சுவையாளராக பல ரசிகர்கள் மத்தியில் அறியப்படும் இவர், இயக்குனராக 1982 முதல் 2002 ஆம் ஆண்டு வரை உள்ள காலகட்டங்களில் பல திரைப்படங்களை இயக்கி இயக்குனராக பணியாற்றியுள்ளார். இவரது இயக்கத்தில் அன்னை, சிறகுகள், நைனா, பிள்ளை நிலா என பல திரைப்படங்கள் வெளியாகியுள்ளது. இவர் நகைச்சுவை மற்றும் துணை நடிகராக நடித்து தற்போது சினியுலகில் பிரபலமாகியுள்ளார். லியோ படத்தில் இவர் முக்கிய கதாபாத்திரத்தில் நடித்துள்ளதாக தகவல்கள் வெளியாகியுள்ளது.

அனுராக் காஷ்யப் - ஹிந்தி சினிமாவில் இயக்குனராக புகழ் பெற்றுள்ளார். இவர் தமிழில் இமைக்கா நொடிகள் படத்தில் வில்லன் கதாபாத்திரத்தில் நடித்து பலர் மத்தியில் அறியப்பட்டார். அடுத்தடுத்து பல தமிழ் திரைப்படங்களில் நடித்து தமிழ் திரைப்பட ரசிகர்கள் மத்தியில் பிரபலமாகியுள்ளார். தற்போது இவரை தளபதி விஜய் நடித்துள்ள லியோ படத்தில் ஒரு முக்கிய கதாபாத்திரத்தில் நடித்துள்ளதாக தகவல்கள் வெளியாகியுள்ளது. இவர் நடித்திருக்கும் கதாபாத்திரம் பற்றிய தகவல்கள் இன்னும் வெளியாகவில்லை.