Manjummel Boys OTT Release - டிஸ்னி ஹாட்ஸ்டார் ஓடிடியில் 'மஞ்சும்மல் பாய்ஸ்' காண ரெடியா!!

மஞ்சும்மல் பாய்ஸ் - இயக்குனர் சிதம்பரம் இயக்கத்தில் 2024 ஆம் ஆண்டு பிப்ரவரி மாத 22ல் மலையாள சினிமாவில் வெளியான திரைப்படம். இப்படம் ஒரு உண்மை சம்பவத்தை அடிப்படையாக கொண்டு உருவாக்கப்பட்டுள்ள படமாகும்.

இப்படத்தில் சோபின் ஷாஹீர், பாலு வர்கீஸ், லால் ஜூனியர், கணபதி எஸ், ஸ்ரீநாத் பாஸி என பல மலையாள திரைப்பட கலைஞர்கள் நடித்துள்ளனர். இப்படத்திற்கு இசையமைப்பாளர் சுஷின் ஷியாம் இசையமைக்க, பரவா பிலிம்ஸ் தயாரித்து, ஸ்ரீ கோகுலம் மூவிஸ் நிறுவனம் விநியோகம் செய்துள்ளது.

கொச்சியில் வாழ்ந்து வரும் நண்பர்கள் குழுவாக தமிழ் நாட்டில் உள்ள கொடைக்கானலுக்கு சுற்றுலா வருகின்றனர். கொடைக்கானலில் உள்ள 'குணா' குகைக்கு வரும் இந்த இளைஞர்கள் மகிழ்ச்சியில் ரகளை செய்து கொண்டாடுகின்றனர்.

கமல் ஹாசன் நடித்துள்ள 'குணா' படத்தின் படப்பிடிப்பு தள இடத்திற்கு குணா குகை என பெயர் வந்துள்ளது. அங்கு இந்த குழுவின் பெயரான 'மஞ்சும்மல் பாய்ஸ்' என்ற பெயரினை அந்த குகைக்குள் எழுத திட்டமிட்டு சிலர் குகையில் இறங்க, ஒருவர் தவறுதலாக ஒரு குழியில் சிக்கி பள்ளத்தில் விழுகிறார்.

பள்ளத்தில் விழுந்த அந்த நண்பரை காப்பாற்ற அந்த மஞ்சும்மல் பாய்ஸ் குழு எவ்வாறு போராடுகிறது, அந்த பள்ளத்தில் சிக்கிய நபர் சரியான சுவாசம் கிடைக்காமல் உயிருக்கு போராடுகிறார். அவரை மஞ்சும்மல் பாய்ஸ் குழு எப்படி மீட்கிறது, என்பதே மஞ்சும்மல் பாய்ஸ் திரைப்படத்தின் சுவாரஸ்ய கதை.

மஞ்சும்மல் பாய்ஸ் திரைப்படத்தின் எதார்த்த திரைக்கதை மற்றும் இப்படத்தின் பின்னணி இசையாக ஒலித்த குணா படத்தின் 'கண்மணி' பாடல் மஞ்சும்மல் பாய்ஸ் திரைப்படத்திற்கு பலமாக அமைந்து இப்படத்தினை வெற்றி படமாக மாற்றி உள்ளது. காதலை தாண்டி நண்பர்களுக்கான படமாக உருவாக்கப்பட்ட மஞ்சும்மல் பாய்ஸ் திரைப்படம் எதிர்பார்த்தை விட மிக பெரிய அளவில் பிரபலமாகியுள்ளது. இப்படம் இந்திய முழுவதும் ரசிகர்களால் கொண்டாடப்பட்ட வெற்றி படம் ஆகும்.

தொடக்கத்தில் மலையாள படமாக வெளியான மஞ்சும்மல் பாய்ஸ் திரைப்படம், முதலில் தமிழ் மொழியில் டப்பிங் செய்யப்பட்டு வெளியானது. மலையாள திரை ரசிகர்களை விட தமிழ் சினிமா ரசிகர்கள் இப்படத்திற்கு ஆதிக ஆர்வம் அளித்து இப்படத்தின் பிளாக்பஸ்டர் படமாக மாற்றியுள்ளனர். ஒரு சமயத்தில் மஞ்சும்மல் பாய்ஸ் திரைப்படம் மலையாள சினிமாவை விட தமிழ் சினிமாவில் அதிக வசூல் அள்ளி தமிழ் படங்களுக்கு மத்தியில் மலையாள படத்திற்கு ஒரு அங்கீகாரம் அளித்து மகுடம் சூட்டியுள்ளது.

தமிழ் மொழியை தொடர்ந்து மஞ்சும்மல் பாய்ஸ் திரைப்படம் தெலுங்கு, கன்னட மற்றும் ஹிந்தி மொழியில் டப்பிங் செய்து வெளியிட்டுள்ளனர் படக்குழுவினர். மஞ்சும்மல் பாய்ஸ் திரைப்படம் இந்திய அளவில் பல மொழியில் டப்பிங் செய்யப்பட்டு ஒரு பான் இந்தியா படமாக புகழ் பெற்றுள்ளது.

ஒரு எதார்த்தமான திரைக்கதையை அளவான பட்ஜெட் ஒதுக்கி கதைக்களத்தில் முக்கியத்துவம் உள்ள படமாக இயக்கி இந்திய சினிமாவை திரும்பி பார்க்க செய்த திரையுலகம், மலையாள சினிமா. மஞ்சும்மல் பாய்ஸ் படத்தின் கதை ஒரு உண்மை சம்பவத்தை அடிப்படையாக கொண்டு படத்திற்கான திரைக்கதை வடிவமைத்து இயக்கியுள்ளனர், படக்குழுவினர்.

20 கோடி பொருட்செலவில் உருவாக்கப்பட்ட மஞ்சும்மல் பாய்ஸ் திரைப்படம், மலையாள மொழியில் வெளியாகி ஹிட் அடித்தது. பின்னர் தமிழ், தெலுங்கு என பல மொழியில் டப்பிங் செய்து ஒரு பான் இந்தியா படமாக பல கோடி ரசிகர்கள் மத்தியில் கொண்டாடப்பட்ட இப்படம், உலகளவில் 236 கோடிகளுக்கு மேல் வசூல் செய்து பிரமாண்ட வெற்றி படைத்துள்ளது.

மஞ்சும்மல் பாய்ஸ் திரைப்படத்தின் வசூல் பற்றிய விவரத்தை இப்படத்தின் தயாரிப்பு குழு அதிகாரபூர்வமாக தகவல்களை வெளியிட்டுள்ளது.

2024 பிப்ரவரி மாதம் மலையாள சினிமாவில் வெளியான மஞ்சும்மல் பாய்ஸ் திரைப்படம், அடுத்தடுத்து இப்படத்திற்கு கிடைத்த வரவேற்பினை தொடர்ந்து தமிழ், கன்னட, தெலுங்கு என பல மொழியில் டப்பிங் செய்யப்பட்டு வெளியாகியது. 20 கோடியில் உருவாக்கப்பட்ட இப்படம் தற்போது வரை 236 கோடிகளை தாண்டி வசூல் செய்து வருகிறது. 

திரையரங்கில் இப்படத்தினை கொண்டாடிய ரசிகர்கள், இப்படத்தின் ஓடிடி ஸ்ட்ரீமிங் பற்றிய அப்டேட் கேட்டு தங்களின் கருத்துகளை பகிர்ந்து வந்துள்ளனர். மஞ்சும்மல் பாய்ஸ் திரைப்படத்தின் ஓடிடி வெளியீடு பற்றிய அறிவிப்பு வெளியாகி பல ரசிகர்களுக்கு கொண்டாட்டம் அளித்துள்ளது.

மஞ்சும்மல் பாய்ஸ் திரைப்படம் 2024 மே 5ல் 'டிஸ்னி பிளஸ் ஹாட்ஸ்டார்' ஓடிடி தளத்தில் ஸ்ட்ரீமிங் ஆகிறது. இப்படம் தமிழ், தெலுங்கு, கன்னட, மலையாளம் மற்றும் ஹிந்தி மொழியில் டப்பிங் செய்து மே 5ல் வெளியாகிறது.

மஞ்சும்மல் பாய்ஸ் திரைப்படத்தின் ஓடிடி வருகைக்கு காத்திருந்த ரசிகர்கள் மத்தியில் கொண்டாட்டம் தொடங்கி, திரையரங்கை தொடர்ந்து ஓடிடி மூலம் மீண்டும் இப்படம் ட்ரெண்டிங் ஆக உள்ளது.