சரக்கு, நந்திவர்மன், அன்னபூரணி என இந்த வார (2023, டிசம்பர் 29) தமிழ் ஓடிடி ஸ்ட்ரீமிங் & தியேட்டர் ரிலீஸ் படங்களின் முழு லிஸ்ட்

சரக்கு - இயக்குனர் ஜெயக்குமார் ஜே இயக்கத்தில் நடிகர் மன்சூர் அலிகான் நாயகனாக நடித்து தானே தயாரித்துள்ள திரைப்படம். இப்படத்தில் இவருடன் இணைந்து கே எஸ் ரவிக்குமார், பாக்யராஜ், யோகி பாபு, ராஜேந்திரன் என பல தமிழ் திரைப்பட நட்சத்திரங்கள் நடித்துள்ளனர். இப்படத்திற்கு இசையமைப்பாளர் சித்தார்த் விபின் இசையமைத்துள்ளார்.

ஜனரஞ்சகமான படமாக உருவாகியுள்ள இப்படத்திற்கு ஒளிப்பதிவாளர் அருள் வின்சென்ட் மற்றும் மகேஷ் டி ஆகிய இருவரும் ஒளிப்பதிவு பணிகளை செய்ய, படத்தொகுப்பாளர் தேவராஜ் எஸ் எடிட்டிங் செய்துள்ளார்.

2023 டிசம்பர் மாதம் 29ல் வெளியாகியுள்ள இப்படத்திற்கு தமிழக திரைப்பட தணிக்கை குழு 'யு/ஏ' சான்றிதழ் அளித்துள்ளது. நடிகராக தமிழ் சினிமாவில் கலக்கி வந்த மன்சூர் அலிகான் இப்படத்தின் மூலம் தயாரிப்பாளராக அவதரித்துள்ளார்.

நந்திவர்மன் - இயக்குனர் ஜி வி பெருமாள் வரதன் (அறிமுக இயக்குனர்) இயக்கத்தில் சுரேஷ் ரவி, ஆஷா கவுடா என பலர் நடித்திருக்கும் திரில்லர் திரைப்படம். இப்படத்தினை தயாரிப்பாளர் அருண்குமார் தனசேகர் தயாரிக்க, இசையமைப்பாளர் ஜெரால்டு பெர்லிக்ஸ் இசையமைத்துள்ளார்.

திரில்லர் திரைக்கதையில் சுவாரஸ்யமாக உருவாகியுள்ள இப்படத்திற்கு ஒளிப்பதிவாளர் ஆர் வி செயோன் முத்து ஒளிப்பதிவு செய்ய, படத்தொகுப்பாளர் சான் லோகேஷ் எடிட்டிங் செய்துள்ளார்.

2023ல் டிசம்பர் 29ல் தமிழ் சினிமாவில் இப்படம் வெளியாகியுள்ளது. இப்படத்திற்கு தமிழக திரைப்பட தணிக்கை குழு 'யு' சான்றிதழ் அளித்துள்ளது.

வட்டார வழக்கு - இயக்குனர் கண்ணுசாமி ராமசந்திரன் இயக்கத்தில் சந்தோஷ் (டூலெட்), ரவீனா ரவி என பலர் நடித்திருக்கும் திரைப்படம். இப்படத்தினை மதுரா டாக்கீஸ் நிறுவனம் தயாரிக்க, இசையமைப்பாளர் இளையராஜா இசையமைத்துள்ளார்.

கிரமா கதைக்களத்தை பின்னணியாக கொண்டு உருவாகியுள்ள இப்படத்திற்கு ஒளிப்பதிவாளர் டோனி சான் மற்றும் சுரேஷ் மணியன் இணைந்து ஒளிப்பதிவு பணிகளை செய்ய, படத்தொகுப்பாளர் வெங்கட் ராஜன் எடிட்டிங் செய்துள்ளார்.

வட்டார வழக்கு திரைப்படம் 2023 டிசம்பர் 29ல் தமிழ் சினிமாவில் வெளியாகியுள்ளது. இப்படத்திற்கு தமிழக திரைப்பட தணிக்கை குழு 'யு/ஏ' சான்றிதழ் அளித்துள்ளது.

ஓடவும் முடியாது ஒழியவும் முடியாது இயக்குனர் ரமேஷ் வெங்கட் இயக்கத்தில் ராமதாஸ், யாஷிகா ஆனந்த், ஹரிஜ, ரித்விகா மற்றும் பல திரைப்பட நட்சத்திரங்கள் நடித்துள்ள நகைச்சுவை திகில் திரைப்படம். இப்படத்தினை தயாரிப்பாளர் ராஜன் தயாரிக்க, இசையமைப்பாளர் கௌஷிக் க்ரிஷ் இசையமைத்துள்ளார்.

நகைச்சுவை திரைக்கதையில் திகில் படமாக உருவாகியுள்ள 'ஓடவும் முடியாது ஒழியவும் முடியாது' திரைப்படத்திற்கு ஒளிப்பதிவாளர் ஜோஸ்வா ஜே ஒளிப்பதிவு செய்ய, படத்தொகுப்பாளர் கணேஷ் சிவா எடிட்டிங் செய்துள்ளார்.

ஓடவும் முடியாது ஒழியவும் முடியாது திரைப்படத்திற்கு தமிழக திரைப்பட தணிக்கை குழு 'யு/ஏ' சான்றிதழ் அளித்துள்ள நிலையில், இப்படம் பல போராட்டங்களுக்கு பின் 2023 டிசம்பர் 29ல் தமிழ் சினிமாவில் வெளியாகியுள்ளது.

ஜெய் விஜயம் - இயக்குனர் ஜெயஷதீசன் நாகேஸ்வரன் இயக்கத்தில் ஜெய் ஆகாஷ், அகஷய கண்டமுதன், அட்சய ராய், மைக்கேல் ஆகஸ்டின் என பல நடித்திருக்கும் திரைப்படம். இப்படத்தினை தயாரிப்பாளர் ஜெய் ஆகாஷ் நாகேஸ்வரன் தயாரிக்க, இசையமைப்பாளர் சதிஷ் குமார் இசையமைத்துள்ளார்.

அதிரடி - திரில்லர் திரைக்கதையில் உருவாகியுள்ள ஜெய் விஜயம் படத்திற்கு ஒளிப்பதிவாளர் பால் பாண்டி ஒளிப்பதிவு செய்ய, படத்தொகுப்பாளர் மணிகண்டன் ஏ சி எடிட்டிங் செய்துள்ளார்.

ஜெய் விஜயம் திரைப்படம் 2023 டிசம்பர் 29ல் தமிழ் சினிமாவில் வெளியாகியுள்ளது. இப்படத்திற்கு தமிழக திரைப்பட தணிக்கை குழு 'யு' சான்றிதழ் அளித்துள்ளது.

ரூட் நம்பர்: 17 - இயக்குனர் அபிலாஷ் ஜி தேவன் இயக்கத்தில் 'ஜித்தன்' ரமேஷ் முன்னணி கதாபாத்திரத்தில் நடிக்கும் திகில் - திரில்லர் திரைப்படம்.

மதிமாறன் - இயக்குனர் மந்த்ரா வீரபாண்டியன் இயக்கத்தில் வெங்கட் செங்குட்டுவன் மற்றும் இவனா முன்னணி கதாபாத்திரத்தில் நடித்திருக்கும் திரைப்படம். இப்படத்திற்கு இசையமைப்பாளர் கார்த்திக் ராஜா இசையமைத்துள்ளார்.

அன்னபூரணி - இயக்குனர் நிலேஷ் கிருஷ்ணா இயக்கத்தில் நயன்தாரா முன்னணி கதாபாத்திரத்தில் நடித்திருக்கும் திரைப்படம். இப்படத்தினை தயாரிப்பாளர் ஆர் ரவீந்திரனின் 'ட்ரைடென்ட் ஆர்ட்ஸ்' நிறுவனம் மற்றும் ஜீ ஸ்டுடியோஸ் நிறுவனம் இணைந்து தயாரிக்க, இசையமைப்பாளர் தமன் எஸ் இசையமைத்துள்ளார்.

இத்திரைப்படம் நடிகை நயன்தாரா திரைவாழ்வில் அவர் நடிக்கும் 75 வது படமாகும். 2023 டிசம்பர் 1ல் வெளியான அன்னபூரணி திரைப்படம் இம்மாத இறுதியில் டிசம்பர் 29ல் நெட்ப்ளிக்ஸ் ஓடிடி தளத்தில் ஸ்ட்ரீமிங் செய்யப்பட்டுள்ளது.

லைசென்ஸ் - இயக்குனர் கணபதி பாலமுருகன் இயக்கத்தில் ராஜா லட்சுமி, ராதா ரவி, தீபா ஷங்கர் என பலர் நடித்திருக்கும் திரைப்படம். இப்படத்தினை தயாரிப்பாளர் ஜீவானந்தம் தயாரிக்க, இசையமைப்பாளர் பைஜு ஜகோப் இசையமைத்துள்ளார். இப்படம் டிசம்பர் 29, 2023ல் ஆஹா தமிழ் ஓடிடி தளத்தில் ஸ்ட்ரீமிங் செய்யப்பட்டுள்ளது.

பார்க்கிங் - இயக்குனர் ராம்குமார் பாலகிருஷ்ணன் இயக்கத்தில் ஹரிஷ் கல்யாண், இந்துஜா, எம் எஸ் பாஸ்கர், இளவரசு, பிரதான நாதன், ராமா என பல பிரபலங்கள் நடித்திருக்கும் திரைப்படம். இப்படத்தினை தமிழ் சினிமா தயாரிப்பாளர் சுதன் சுந்தரம் மற்றும் கே எஸ் சினிஷ் இணைந்து தயாரிக்க, இசையமைப்பாளர் சாம் சி எஸ் இசையமைத்துள்ளார்.

திரில்லர் திரைக்கதையில் உருவாகியுள்ள பார்க்கிங் திரைப்படத்திற்கு ஒளிப்பதிவாளர் ஜிஜு சன்னி ஒளிப்பதிவு செய்ய படத்தொகுப்பாளர் பிலோமின் ராஜ் எடிட்டிங் செய்துள்ளார். பார்க்கிங் திரைப்படம் 2023 டிசம்பர் 30;ல் டிஸ்னி பிளஸ் ஹாட்ஸ்டார் செயலியில் ஸஸ்ட்ரீமிங் செய்யப்பட்டுள்ளது.