Pandian Stores 2: திருமணத்தை நிறுத்த தங்க மயிலுக்கு பதில் மீனா & ராஜியை கடத்திய குமரன்...

பாண்டியன் ஸ்டோர்ஸ் 2 - ஸ்டார் விஜய் தொலைக்காட்சியில் ஒளிபரப்பாகி வரும் பிரபல சீரியல்களில் ஒன்றான பாண்டியன் ஸ்டோர்ஸ் 2 சீரியலில், இந்த வாரம் பாண்டியன் மூத்த மகனின் திருமணம் எபிசோடுகள் நடந்து வருகிறது. இந்த திருமணத்தை நிறுத்துவதற்காக குமரன் செய்த சூழ்ச்சிகள் அதில் எதிர்பாராமல் சிக்கிய ராஜி & மீனா பற்றிய முழு தகவல்கள் இங்கு விரிவாக உள்ளது.

பாண்டியன் ஸ்டோர்ஸ் சீசன் 2 தொடரில் இதுவரை, பாண்டியனின் மூத்த மகன் திருமணத்திற்காக நிச்சியம் முடித்து திருமணத்தை நடத்த முடிவெடுத்துள்ளனர், இதற்காக மண்டபத்தில் தங்கி திருமண வேலைகளை செய்து வரும் பாண்டியன் குடும்பம், ஆடல் பாடல் என கொண்டாடி வருகிறது. மறுபுறம் ராஜியின் அண்ணன் குமரன், பாண்டியன் வீட்டு திருமணத்தை நிறுத்துவதற்காக மணப்பெண்ணை கடத்த திட்டமிடுகிறார்.

பாண்டியன் ஸ்டோர்ஸ் 2 தொடரில் இந்த வாரத்திற்கான ப்ரோமோ வீடியோ விஜய் டிவி சார்பில் வெளியாகி ஒளிபரப்பாகி வருகிறது. இந்த ப்ரோமோ வீடியோவில் சரவணனின் திருமணத்தை நிறுத்தி பாண்டியன் குடும்பத்தை அவமதிக்க நினைக்கும் குமரன், மணப்பெண்ணை மண்டபத்தில் இருந்து கடத்த திட்டமிடுகிறார்.

குழப்பத்தில் மணப்பெண்ணுக்கு பதிலாக ராஜி - மீனா ஆகியோரை கடத்தி செல்கின்றனர். மண்டபத்தில் ராஜி - மீனா இருவரையும் தேடும் பணியில் பாண்டியன் குடும்பத்தினர் இருக்க, இறுதியில் என்ன ஆகிறது என்பதே இந்த வாரத்திற்கான ப்ரோமோ.

கதிர் மற்றும் ராஜி இருவரும் தற்போது ஒரு புரிதலான வாழ்க்கையை தொடங்கியுள்ளனர். மண்டபத்தில் இவர்கள் இருவரும் புகைப்படங்கள் எடுத்தும், பாடலுக்கு நடனமாடி அன்பினை வெளிப்படுத்தியுள்ளனர். இவர்களின் காதல் கதை ரசிகர்களுக்கு சுவாரஸ்ய நிறைந்த கதைக்களம் ஆக இருந்து வருகிறது. பல கதாபாத்திரங்கள் இருந்தாலும் கதிர் - ராஜி கதாபாத்திரம் இந்த பாண்டியன் ஸ்டோர்ஸ் தொடரில் முன்னணி கதாபாத்திரமாக வடிவமைக்கப்பட்டுள்ளது.

காதல் திருமணம் செய்து கொண்டு மருமகளாக பாண்டியன் வீட்டிற்கு வந்துள்ள மீனா - ராஜி வீட்டாரை அனுசரித்து வாழ்ந்து வருகின்றனர். மிக பக்குவமான கதாபாத்திரமாக இருக்கும் இவர்கள் பல பிரச்சனைகளுக்கு நடுவே மகிழ்ந்து வருகின்றனர். அடுத்தடுத்து பல பிரச்சனைகள் சூழ்ச்சிகள் உதயமாக பாண்டியன் குடும்பத்தில் பலரை சமாளித்து வழிநடத்துகின்றன, மீனா & ராஜி.