Pandian Stores 2: கதிர் - ராஜி லவ் ட்ராக் ஸ்டார்ட் ஆகும்போதுதான் இப்படி நடக்குமா...

ஸ்டார் விஜய் தொலைக்காட்சியில் முதல் சீசன் வெற்றியை தொடர்ந்து தற்போது வெற்றிகரமாக ஒளிபரப்பாகிவரும் இரண்டாவது சீசன் 'பாண்டியன் ஸ்டோர்ஸ் 2'. இந்த சீசன் 2 தொடரை இயக்குனர் பிரியா தம்பி இயக்குகிறார். பாண்டியன் ஸ்டோர்ஸ் 2 - தந்தை சொல்மிக்க மந்திரமில்லை என்ற தலைப்பில் உருவாகிவரும் இந்த சீரியல் தந்தை - மகன்களுக்கு இடையே நடக்கும் பாச போராட்ட கதைக்களம் ஆகும்.

தந்தைக்கு தெரியாமல் இரண்டாவது மகனும், கடைசி மகனும் காதல் திருமணம் செய்துகொண்டனர். இதனால் மூத்த மகனின் திருமணம் தடைபெற்று வருகிறது. இறுதியில் சுயம்வரம் நிகழ்ச்சியில் பங்கேற்ற பாண்டியன் குடும்பம் மூத்த மகனுக்கு ஒரு பெண்ணை முடிவு செய்துள்ளனர்.

முரண்பாடான விருப்பங்களை கொண்டுள்ள கதிர் & ராஜி ஒரு சந்தர்ப்பத்தில் திருமணம் செய்துகொண்டனர். பாண்டியனிடம் திட்டு வாங்கிய ராஜியின் நிலையை கண்ட கதிர், டிரைவர் வேலை செய்து ராஜியின் பணக்கஷ்டத்தை நீக்குகிறார். இதனால் ராஜிக்கு கதிர் மீது காதல் சாரல் வீசுகிறது.

பாண்டியனின் மூத்த மகன் கதிரின் திருமணத்தை நிறுத்தியது கோமதியின் அண்ணன் தான் என்ற உண்மையை அறிந்துள்ளார், மீனா. இதனை தனது கணவனிடம் சொல்ல, இந்த பிரச்சனை பூகம்பமாக வெடிக்க இருக்கிறது. கதிர் - ராஜி லவ் ட்ராக் தொடங்கிய சில நிமிடங்களில் இந்த உண்மை வெளியாக, கதிர் - ராஜி காதல் கதையை தொடக்கத்திலையே உடைத்திவிடுகின்றனர்.

விஜே கதிரவேல், பாண்டியன் ஸ்டோர்ஸ் 2 சீரியலில் சரவணன் கதாபாத்திரத்தில் நடித்து வருகிறார். இவரின் திருமணத்தை நோக்கி பயணிக்கும் கதைக்களத்தில் இவருக்கு ஜோடியாக விஜய் டிவி டாப் நடிகைகளில் ஒருவரான சரண்யா துராடி சுந்தர்ராஜ் அறிமுகமாகியுள்ளார். விரைவில் விஜே கதிரவேல் - சரண்யா துராடி திருமண வைபோகம் நடக்கவிருக்கிறது.