சரஸ்வதிக்கு தலைகுனிவு, ஆறுதலாக துணை நிற்கும் கோதை, தமிழும் சரஸ்வதியும் ரசிகர்கள் ஹேப்பி

விஜய் தொலைக்காட்சியில் ஒளிபரப்பாகி வரும் பிரபல மெகா தொடர் சீரியல், தமிழும் சரஸ்வதியும். இந்த சீரியலின் கதைக்களம் விறுவிறுப்பான பல தருணங்களோடு ஒளிபரப்பாகி வருகிறது. தற்போது மக்கள் மத்தியில் இந்த தமிழும் சரஸ்வதியும் சீரியலுக்கு கிடைத்துள்ள வரவேற்பு சமூக வலைத்தளம் மற்றும் பல இடங்களில் பேசப்பட்டு பெரிய அளவில் புகழ் பெற்றுள்ளது. இந்த பட்டியலில் இந்த வாரம் ரிலீஸ் செய்யப்பட்ட ப்ரோமோ அடிப்படையில் பல சுவாரஸ்ய தகவல்களை இங்கு பட்டியலிடப்பட்டுள்ளது. முழு விவரங்கள் இதோ.

இதுவரை தமிழும் சரஸ்வதியும் சீரியலில், தமிழின் நல்ல பண்புகளை பற்றி கோதையிடம் பல நேரங்களில் பேசிய நடேசன், கோதை மனதை மெல்ல மாற்ற தொடங்குகிறார். கோதைக்கு அர்ஜுனின் நடவடிக்கை மேல் சந்தேகம் எழ தொடங்கியுள்ளன. இதனால் பலர் படு உசாராக தங்களின் ஆட்டத்தை நடத்தி வருகின்றனர்.

ஒரு சின்ன லேத் மிஷன் வைத்து சிறிய நிறுவனத்தை தொடங்கிய தமிழ், மெல்ல மெல்ல தனது முயற்சியால் முன்னுக்கு வர தொடங்கியுள்ளார். இதனால் பெரிய அளவில் பல நிறுவனத்தின் ஆதரவு இவருக்கு கிடைக்கிறது.   மேலும் தமிழக தொழிற்சங்க தேர்தலில் போட்டியிட்டு கோதையை பின்னுக்கு தள்ளி, தான் வெற்றி அடைந்தது மூலம் பல வழிகளில் நேர்மையாகவும், சாமர்தியமாகவும் இருந்து புகழ் பெற்றுள்ளார், தமிழ்.

சரஸ்வதி தான் வேலை பார்த்துக் கொண்டிருந்த மெக்கானிக் கடையை அவரே வாங்கி, ஒரு பக்கம் சரஸ்வதி இண்டஸ்ட்ரீஸ் மறுபக்கம் சரஸ்வதி மெக்கானிக் என இரு நிறுவனத்தை நடத்தி வருகிறார். தனது மெக்கானிக் கடைக்கு பூஜை போட கோதை, வசு மற்றும் நடேசனை சாமர்த்தியமாக தனது கடைக்கு வரவைத்து அவர்களின் ஆசிர்வாதத்தையும் பெறுகிறார்.

வளைகாப்பு நிகழ்ச்சியில் கோதை மற்றும் தமிழ் குடும்பம் கலந்துக் கொள்கிறது. அங்கு சரஸ்வதி சந்தனம் வைக்கும் நேரத்தில் அர்ஜுன் சூழ்ச்சி செய்து ஒரு பெண்ணை வைத்து சரஸ்வதியை அவமதிக்கிறார். இதனால் சங்கடத்தில் இருக்கும் சரஸ்வதி மேடையை விட்டு இறங்கும் நேரத்தில், சரஸ்வதியை அவமதிக்கும் நிகழ்வை கண்ட கோதை சரஸ்வதிக்கு ஆதரவாக தனது குரல் எழுப்பி பலரை எதிர்க்கிறார்.

சரஸ்வதிக்கு ஆதரவாக பேச தொடங்கும் கோதை, சரஸ்வதிக்கு இல்லாத உரிமை எனக்கும் வேண்டாம் என சொல்லி புறப்படுகிறார். இதனை பார்த்த அர்ஜுனின் முகம் வாட தொடங்குகிறது. கோதை தமிழின் பக்கம் சாய்வதை பார்க்கும் அர்ஜுன் அடுத்ததாக கோதையின் மகளை வைத்து மீண்டும் புதிய சூழ்ச்சி செய்ய திட்டமிடுகிறார். கண்மூடித்தனமான மகள் மீது இருந்த அன்பால் அர்ஜுனின் பேச்சை கேட்டு வந்த கோதை, தற்போது உண்மையில் என்ன நடந்தது என தெரிந்து கொள்ள முயற்சி செய்து வருகிறார். அர்ஜுனின் சூழ்ச்சிகள் அவிழப்படுமா என்பதை பொறுத்திருந்து பார்க்கலாம்.