Leo Trailer Record: ஒரே நாளில் பல சாதனைகளை துவம்சம் செய்த லியோ டிரைலர், No.1 தளபதி விஜய்

லியோ - இயக்குனர் லோகேஷ் கனகராஜ் இயக்கத்தில் விஜய், திரிஷா கிருஷ்ணன், மன்சூர் அலிகான், அர்ஜுன் என தமிழ் திரைப்பட முன்னணி முக்கிய நட்சத்திரங்கள் பலர் இணைந்து நடித்திருக்கும் அதிரடி - திரில்லர் திரைப்படம். இப்படத்தினை தமிழ் சினிமா முன்னணி தயாரிப்பாளரான லலித் குமார் தனது '7 ஸ்க்ரீன் ஸ்டூடியோ' தயாரிப்பு நிறுவனத்தின் மூலம் தயாரிக்க, இசையமைப்பாளர் அனிருத் ரவிச்சந்தர் இசையமைத்துள்ளார்.

பார்த்திபன் (விஜய்) தனது மனைவி திரிஷா கிருஷ்ணன் மற்றும் மகளுடன் வாழ்ந்து வருகிறார். இவர் ஒரு பேக்கரி கடையை முதலாளியாக நிர்வாகம் செய்கிறார். இவர் வாழும் இடத்தில் சில அநீதிகள் நடக்க, அந்த பிரச்சனையில் சிக்கி தப்பிக்கிறார். இதனால் இவர் அந்த இடத்தில் பிரபலமாகிறார்.

இவரது பிரபலத்தால் பல இடங்களில் செய்திகள் பரவ, ஒரு போதை கடத்தல் கும்பல் இவரை தேடி வருகிறது. இவரை கொன்று பழி தீர்க்க துடிக்கும் அந்த போதை கும்பலிடம் இருந்து இவர் எப்படி தப்பிக்கிறார். எதற்காக இவரை அந்த கும்பல் கொல்ல துடிக்கிறது? யார் இவர் என்பதே படத்தின் கதை.

லியோ திரைப்படத்தின் டிரைலர் 2023, அக்டோபர் 05ல் வெளியாகி ரசிகர்கள் மத்தியில் பெரும் வரவேற்பு பெற்று இப்படத்திற்கு எதிர்பார்ப்பை அதிகரித்துள்ளது. லியோ பட டிரைலர்-யை சன் டிவி யூ டியூப் சேனல் மூலம் வெளியிட்டனர், படக்குழுவினர். இந்த டிரைலரில் இடம்பெற்ற வசனங்கள் மத்தியில் அதிரடி காட்சிகள் ரசிகர்கள் மத்தியில் கொண்டாடப்பட்டு வருகிறது.

தளபதி விஜய் நடித்துள்ள லியோ திரைப்படத்தின் டிரைலர் இணையதள யு டியூப் சேனல் மூலம் வெளியிடப்பட்ட நிலையில், இந்த டிரைலர் அக்டோபர் 5ல் மாலை சரியாக 6:30 மணிக்கு படக்குழு சார்பில் வெளியிடப்பட்டது. தற்போது அக்டோபர் 6ல் மாலை 6:30 மணி அளவில் இப்படம் 31 மில்லியன் வியூஸ் & 2.6 மில்லியன் லைக்ஸ் பெற்று முன்னிலை இடத்தில் உள்ளது. 

சமீபத்தில் தமிழ் வெள்ளித்திரையில் வெளியாகி பிரமாண்ட வெற்றி பெற்ற ஜெயிலர் திரைப்படத்தின் சாதனை இதன் மூலம் முறியடித்துள்ளது, லியோ டிரைலர்.

2023ஆம் ஆண்டு அஜித் குமார் நடித்துள்ள துணிவு திரைப்படத்தின் டிரைலர் 2022 டிசம்பர் 31 இரவு 7 மணிக்கு யூ டியூப் செயலியில் வெளியிடப்பட்டது. முதல் நாள் முடிவில் 24 மணி நேரத்திற்குள் துணிவு டிரைலர் 30 மில்லயன் வியூஸ் & 10 மில்லியன் லைக்ஸ் பெற்று சாதனை படைத்தது.

அச்சமயம் வெளியான வாரிசு திரைப்படம், முதல் நாள் முடிவில் 23 மில்லயன் வியூஸ் & 1.8 மில்லியன் லைக்ஸ் பெற்றது. தற்போது தளபதி விஜய் நடிப்பில் வெளியாகவிருக்கும் லியோ திரைப்படத்தின் டிரைலர் முதல் நாள் முடிவில் 31 மில்லியன் வியூஸ் & 2.6 மில்லியன் லைக்ஸ் பெற்ற புதிய சாதனையை படைத்திருக்கிறது.

லியோ திரைப்படம் ஒரு பான் இந்தியா படமாக வெளியாகவுள்ள நிலையில் தமிழ், ஹிந்தி, கன்னட, மலையாளம், தெலுங்கு என 5 மொழிகளில் லியோ பட டிரைலர் வெளியாகியது. இதில் லியோ திரைப்படம் இந்திய அளவில் 5 மொழி டிரைலர்களை சேர்த்து 47 மில்லியன் வியூஸ் பெற்றுள்ளது.

இந்த சாதனை பெரிய அளவில் தளபதி விஜய் ரசிகர்கள் மத்தியில் கொண்டாடப்பட்டு வருகிறது. சமூக வலைத்தளங்களில் இந்த சாதனையை ட்ரெண்ட் செய்து மகிழ்ந்து வருகின்றனர், விஜய் ரசிகர்கள்.