வணங்கான் அப்டேட்: சூர்யா படத்தில் அருண் விஜய் தான் நாயகன், கன்யாகுமரியில் படப்பிடிப்பு தொடக்கம்

வணங்கான்- இயக்குனர் பாலா இயக்கத்தில் சூர்யா & க்ரித்தி ஷெட்டி முன்னணி கதாபாத்திரத்தில் உருவான திரைப்படம். இப்படத்தினை சூர்யாவின் '2D என்டர்டைன்மெண்ட்' நிறுவனம் தயாரிக்க, இசையமைப்பாளர் ஜி வி பிரகாஷ் இசையமைப்பாளராக பணியாற்றினார். ஆனால் இந்த படம் இடையில் கைவிடப்பட்டது. இதனை பற்றிய அதிகாரப்பூர்வமான அறிவிப்பு படக்குழு சார்பில் வெளியானது.

சூர்யா நடித்த வணங்கான் படம் கைவிடப்பட்ட நிலையில், இப்படத்தினை பாலா தானே தயாரித்து இயக்க திட்டமிட்டார். இதற்காக அதர்வாவிடம் பேச்சுவார்த்தை நடந்தது. இறுதியில் இப்படத்தில் நாயகனாக நடிக்க அருண் விஜய் ஒப்பந்தமாகியுள்ளார். வணங்கான் படத்தினை குறைந்த பொருட்செலவில் உருவாக்க இப்படத்தின் இயக்குனர் மற்றும் தயாரிப்பாளரான பாலா திட்டமிட்டுள்ளார்.

தற்போது பாலா தயாரிப்பில் உருவாகும் வணங்கான் படத்தில் முன்னணி நட்சத்திரங்களை மாற்றியுள்ளனர், படக்குழுவினர். சூர்யாவுக்கு பதில் அருண் விஜய் நடிக்க, நாயகி க்ரித்தி ஷெட்டிக்கு பதில் ரோஷ்ணி பிரகாஷ் நடிக்கவுள்ளார். இப்படத்தின் படப்பிடிப்பு 2023 மார்ச் 07ல் கன்யாகுமரியில் தொடங்கவுள்ளது.

வர்மா என்னும் படத்தால் பாலா சந்தித்த இன்னல்களை போக்க, சூர்யா பாலா படத்தில் நாயகனாக நடிக்க ஒப்பந்தமானார். ஆனால் படப்பிடிப்பும் சூர்யா - பாலா இடையே சில மோதல்கள் தொடங்கின. இயக்குனர் எடுத்த காட்சிகளை மீண்டும் மீண்டும் எடுக்க இதனால் ஆதாரமான சூர்யா படப்பிடிப்பில் இருந்து வெளியேறினார். பின் பல பேச்சுவார்த்தைகள் நடந்தது. சூர்யா மற்றும் பாலா இருதரப்பிலும் யாரும் விட்டுகுடுக்காத நிலையில் இப்படம் கைவிடப்படுகிறது என சுமுகமாக பிரச்சனையை முடித்துள்ளனர், படக்குழு.

வணங்கான் படத்தினை போல இயக்குனர் பாலா படங்களில் பல முன்னணி நடிகர்கள் வெளியேறிய சம்பவங்கள் இதற்கு முன் நடந்துள்ளது. 'நான் கடவுள்' படத்திலிருந்து அஜித் குமார் வெளியேறியதால் தான் ஆர்யா நாயகனாக நடித்தார். 'வர்மா' என்னும் தெலுங்கு பட 'அர்ஜுன் ரெட்டி' ரீமேக் படம் தீடிரென படக்குழு தரப்பில் இருந்து கைவிடப்பட்டது. இது போன்ற பல சம்பவங்கள் உள்ளன.