2022: அதிக வசூல் படைத்த தமிழ் படங்களின் பாக்ஸ் ஆபிஸ் ரிப்போர்ட்

பொன்னியின் செல்வன் - உலகளவில் 500 கோடிகள் வசூல் செய்து மிக பெரிய சாதனை படைத்துள்ள திரைப்படம். இப்படத்தினை இயக்குனர் மணிரத்னம் இயக்க, விக்ரம், ஜெயம் ரவி, கார்த்தி என தமிழ் சினிமா முன்னணி நடிகர்கள் பலர் நடித்துள்ளனர். பிரமாண்ட படைப்பாக தமிழில் உருவாக்கப்பட்ட இப்படம், பெரிய அளவில் பிரபலமாகி, உலகளவில் கொண்டாடப்பட்டது. இப்படத்தின் தொடர்ச்சியாக 'பொன்னியின் செல்வன் 2' திரைப்படம் 2023ல் வெளியாகிறது. இந்த ஆண்டின் அதிக வசூல் படைத்த தமிழ் படங்களின் பட்டியலில் இப்படம் முதல் இடத்தை பெற்றுள்ளது.

விக்ரம் - கமல்ஹாசன் முன்னணி நடிப்பில் உருவான அதிரடி திரில்லர் திரைப்படம். இப்படத்தினை இயக்குனர் லோகேஷ் கனகராஜ் இயக்க, விஜய் சேதுபதி, பகத் பாஸில், சூர்யா என பல முன்னணி நட்சத்திரங்கள் நடித்துள்ளனர். இத்திரைப்படம் உலகளவில் 420 கோடிகள் வசூல் செய்து சாதனை படைத்துள்ளது. இப்படத்தின் தயாரிப்பு பொருட்செலவிற்கு இப்படம் பெரிய அளவில் லாபத்தை சம்பாரித்து கொடுத்துள்ளது. இந்த ஆண்டின் அதிக வசூல் படைத்த தமிழ் படங்களின் பட்டியலில் இப்படம் இரண்டாம் இடத்தை பெற்றுள்ளது.

பீஸ்ட் - விஜய், பூஜா ஹெக்டே முன்னணி நடிப்பில் இயக்குனர் நெல்சன் இயக்கத்தில் உருவான திரைப்படம். விஜய் ரசிகர்களால் இப்படம் பெரிய அளவில் கொண்டாடப்பட்ட திரைப்படமாகும். தமிழ் சினிமாவில் இப்படம் பெரிய அளவில் வசூல் செய்யவில்லை, இருப்பினும் உலகளவில் இப்படம் வசூல் செய்து அசத்தியுள்ளது. மொத்தம் இப்படம் 250 கோடிகள் வசூல் செய்துள்ளதாக தகவல்கள் வெளியாகியுள்ளது, இப்படத்தின் வசூல் பற்றிய அதிகாரப்பூர்வமான அறிவுப்பு இன்னும் வெளியிடப்படவில்லை. இந்த ஆண்டின் அதிக வசூல் படைத்த தமிழ் படங்களின் பட்டியலில் இப்படம் மூன்றாவது இடத்தை பெற்றுள்ளது.

வலிமை - அஜித் குமார், ஹுமா குரேஷி முன்னணி கதாபாத்திரத்தில் நடிக்க, இயக்குனர் ஹச் வினோத் இயக்கியுள்ளார். இப்படத்தினை தயாரித்த போனி கபூர் இப்படம், உலகளவில் மொத்தம் 232 கோடிகள் வசூல் செய்துளாக அதிகாரப்பூர்வமான அறிவிப்பை வெளியிட்டுள்ளார். இந்த ஆண்டின் அதிக வசூல் படைத்த தமிழ் படங்களின் பட்டியலில் இப்படம் நான்காவது இடத்தை பெற்றுள்ளது. வலிமை படத்திற்கு தமிழகத்தில் முதல் நாள் கலெக்ஷன் மட்டும் 36 கோடிகளை கடந்து பிரமாண்ட ஓப்பனிங் கிடைத்துள்ளது. இப்படம் தமிழில் பிரமாண்ட வசூல் செய்துள்ளது.

எதற்கும் துணிந்தவன் - சன் பிக்சர்ஸ் தயாரிப்பில் சூர்யா, பிரியங்கா மோகன் என பலர் நடிப்பில் உருவாகி வெளியான குடும்பத்திரைப்படம். இப்படம் உலகளவில் 180 கோடிகள் வசூல் செய்துள்ளதாக தகவல்கள் வெளியாகியுள்ளது. இந்த ஆண்டின் அதிக வசூல் படைத்த தமிழ் படங்களின் பட்டியலில் இப்படம் ஐந்தாம் இடத்தை பெற்றுள்ளது. விமர்சனம் மற்றும் வசூல் ரீதியாக இப்படம் தமிழ் பாக்ஸ் ஆபிஸில் வெற்றி பெற்ற படமாகும்.

டான் - அறிமுக இயக்குனர் சிபி சக்ரவர்த்தி இயக்கத்தில் சிவகார்த்திகேயன், எஸ் ஜே சூர்யா, பிரியங்கா மோகன் நடிப்பில் உருவான காதல் & குடும்பத்திரைப்படம். இப்படம் தமிழ் சினிமாவில் பெரிய அளவில் வசூல் செய்து அசத்திய சூப்பர் ஹிட் திரைப்படமாகும். இப்படம் உலகளவில் 100 கோடிகளை கடந்து பிரமாண்ட வெற்றி பெற்ற திரைப்படம். டாக்டர், டான் என இரு படங்களும் 100 கோடி வசூல் கடந்து பாக்ஸ் ஆபிஸில் பெரிய அளவில் கொண்டாடப்பட்ட படங்களாகும்.

திருச்சிற்றம்பலம் - யாரடி நீ மோகினி, குட்டி படங்களை தொடர்ந்து இயக்குனர் மித்ரன் ஜவாஹர் மற்றும் நடிகர் தனுஷ் கூட்டணியில் அமைந்துள்ள காதல் & குடும்பத்திரைப்படம். இப்படம் தமிழ் சினிமாவில் எந்த ஒரு ஆரவாரமும், ஆர்ப்பாட்டமும் இல்லாமல் வெளியாகி திரைக்கதையின் சுவாரஸ்யம் மூலம் மக்களால் கொண்டாடப்பட்டு வெற்றி பெற்ற திரைப்படம். இப்படம் உலகளவில் 110 கோடிகளுக்கு மேல் வசூல் செய்துளாக தகவல்கள் அதிகாரப்பூர்வமாக படக்குழு சார்பில் வெளியானது.

சர்தார் - நடிகர் கார்த்தி இரு வேடங்களில் நடித்து அசத்திய கிரைம் திரில்லர் திரைப்படம். இப்படம் வெளியான முதல் வாரத்தில் கலவையான விமர்சனங்கள் பெற்றது. பின் மக்கள் மத்தியில் பெரிய அளவில் கொண்டாடப்பட்டு 100 கோடிகளை கடந்து வசூல் செய்து அசத்தியது. இப்படத்தின் வெற்றியை தொடர்ந்து 'சர்தார் 2' திரைப்படம் உருவாகவுள்ளது என படக்குழு அறிவித்துள்ளது. 

லவ் டுடே - பிரதீப் ரங்கநாதன் தானே இயக்கி நாயகனாக நடித்து கலக்கிய காதல் திரைப்படம். இப்படம் தமிழ் சினிமாவில் கிட்டத்தட்ட 10 கோடி பொருட்செலவில் உருவாக்கப்பட்டு, 100 கோடிகளுக்கு மேல் வசூல் செய்து சாதனை படைத்துள்ள திரைப்படம். இளைஞர் மற்றும் தமிழ் திரைப்பட ரசிகர்கள் குடுப்பங்களோடு கண்டு ரசிக்கும் வண்ணத்தில் இப்படம் வெளியாகி பிரமாண்ட வெற்றி பெற்றுள்ளது. தமிழ் சினிமாவில் இப்படம் வெளியாகி பெரிய அளவில் வெற்றி பெற்ற நிலையில், தெலுங்கு சினிமாவிலும் டப்பிங் செய்யப்பட்ட இப்படம் ரிலீஸ் ஆகி பிரபலமானது.

வெந்து தணிந்தது காடு - கவுதம் மேனன் & சிலம்பரசன் கூட்டணியில் பல வெற்றி படங்களுக்கு பின் இப்படம் உருவாகி தமிழில் பிரபலமானது. வர்த்தகம் மற்றும் விமர்சனம் ரீதியாக இப்படம் தமிழில் பெரிய அளவில் கொண்டாடப்பட்ட திரைப்படமாகும். இப்படம் உலகளவில் 60 கோடிகளுக்கு மேல் வசூல் செய்து அசத்தியுள்ளது, என தகவல்கள் வெளியாகியுள்ளது.