Raayan: தனுஷ் திரைவாழ்வில் இதுவரை இல்லாத அளவில் முதல் நாள் வசூல் சாதனை 'ராயன்'

ராயன் - தமிழ் சினிமாவில் பல கோடி ரசிகர்கள் மத்தியில் பிரபலமான நடிகர் தனுஷ் தானே இயக்குனராகவும், கதாநாயகனாக பணியாற்றியுள்ள அதிரடி - திரில்லர் திரைப்படம். இப்படத்தினை தமிழ் சினிமாவின் பிரபல தயாரிப்பு நிறுவனமான 'சன் பிக்சர்ஸ்' நிறுவனம் சார்பில் தயாரிப்பாளர் கலாநிதி மாறன் தயாரிக்க, இசையமைப்பாளர் ஏ ஆர் ரஹ்மான் இசையமைத்துள்ளார்.

அதிரடி - திரில்லர் படமாக உருவாகியுள்ள 'ராயன்' திரைப்படத்திற்கு ஒளிப்பதிவாளர் ஓம் பிரகாஷ் ஒளிப்பதிவு செய்ய, படத்தொகுப்பாளர் பிரசன்னா ஜி கே எடிட்டிங் செய்துள்ளார். இப்படத்தில் கதாநாயகனாக நடிகர் தனுஷ் நடிக்க, இவருடன் இணைந்து பிரகாஷ் ராஜ், காளிதாஸ், சுந்தீப் கிஷான், அபர்ணா பாலமுரளி, வரலக்ஷ்மி சரத்குமார், எஸ் ஜே சூர்யா, செல்வராகவன் என பலர் முக்கிய கதாபாத்திரத்தில் நடித்துள்ளனர்.

100 கோடி பொருட்செலவில் உருவாகியுள்ள 'ராயன்' திரைப்படம் 2024 ஜூலை 26ல் உலகமெங்கும் திரையரங்கில் வெளியாகியுள்ள நிலையில் இப்படத்திற்கு தமிழக திரைப்பட தணிக்கை குழு 'ஏ' சான்றிதழ் அளித்துள்ளது. சன் பிக்சர்ஸ் நிறுவனம் தானே தயாரித்து இப்படத்தினை உதயநிதி ஸ்டாலினின் 'ரெட் ஜெயண்ட் மூவிஸ்' நிறுவனம் மூலம் தமிழகம் முழுவதும் விநியோகம் செய்துள்ளார். ராயன் - நடிகர் தனுஷ் திரைவாழ்வில் இவர் நடிக்கும் '50'வது திரைப்படமாகும்.

சிறு வயதில் பெற்றோரை இழந்த தனுஷ் (ராயன்) தனது இரண்டு தம்பிகள் (காளிதாஸ் ஜெயராம் & சுதீப் கிஷான்) மற்றும் தங்கை துஷார விஜயன் ஆகியோரை வளர்த்து ஒன்றாக வாழ்ந்து வருகிறார். சென்னையில் வாழும் தனுஷின் குடும்பம் ஒரு பிரச்சனையில் சிக்கி சின்னாபின்னம் ஆகிறது. தன் குடும்பத்தை அழித்த எதிரிகளை தனுஷ் பழிவாங்கும் படலாம் தான், ராயன்.

ராயன் திரைப்படம் வெளியாகி பலர் ரசிகர்கள் மத்தியில் தற்போது பிரபலமாகி உள்ளது. யாரும் எதிர்பாக்காத அளவில் அதிரடி காட்சிகள் நிறைந்த படமாக இப்படம் அமைந்துள்ளது. விமர்சனம் ரீதியாக இப்படம் கதை, பாடல், பின்னணி இசை, கதாபாத்திரங்கள் தேர்வு, நடிப்பு என பல வகைகளில் நல்ல வரவேற்பினை பெற்றுள்ளது. ஆனால் இப்படத்தின் அதிரடி காட்சிகள் பலருக்கும் மோசமான அனுபவத்தை தந்துள்ளது.

சிறந்த மேக்கிங் போன்ற பல விஷயங்கள் இருந்தாலும், அதிரடி காட்சிகள் அதிகம் உள்ளதால் இப்படத்திற்கு '3.5/5' ரேட்டிங் அளிக்கப்பட்டுள்ளது.

ராயன் திரைப்படம் வெளியான 2024 ஜூலை 26ல் மட்டும் உலகளவில் சராசரியாக 13 கோடிகள் வசூலித்துள்ளது. இந்த வசூல் தனுஷின் எந்த படமும் படைக்காதா சாதனை ஆகும். தமிழ் சினிமாவில் நீண்ட இடைவேளைக்கு பிறகு ஒரு வெற்றி படம் அமைந்துள்ளது.

தமிழ் சினிமாவில் 2002 ஆம் ஆண்டு 'துள்ளுவதோ இளமை' திரைப்படத்தின் மூலம் நடிகராக அறிமுகமானவர், தனுஷ். ஆடுகளம், காதல் கொண்டேன், பொல்லாதவன், அசுரன் என பல வெற்றி படங்களில் நடித்து பல விருதுகளை அள்ளி குவித்துள்ளார். தனுஷ் திரைவாழ்வில் இவர் நடிக்கும் 50வது திரைப்படமாகும், ராயன்.

பா பாண்டி என்ற படத்தினை இயக்கி இயக்குனராக அறிமுகமானவர், தனுஷ். தமிழ் சினிமாவில் நடிகனாக மட்டுமில்லாமல் தயாரிப்பாளர், பாடல் ஆசிரியர், பாடகர், இயக்குனர் என பல துறைகளில் தனது பங்களிப்பை கொடுத்து பணியாற்றி வருகிறார். தமிழ் சினிமாவில் இவருக்கென பல கோடி ரசிகர்கள் உள்ளனர்.

தனுஷ் திரைவாழ்வில் முந்திய வெற்றி படங்களின் பட்டியலில் இடம் பிடித்துள்ள விஐபி, அசுரன், வடசென்னை படங்களை தொடர்ந்து இப்படம் பெரிய அளவில் வரவேற்பை அடைந்துள்ளது. இப்படம் தமிழ் சினிமாவில் 100 கோடிகள் வசூல் படைத்து, தனுஷ் திரைவாழ்வில் மிக பெரிய வெற்றி படமாக அமைய அதிக வாய்ப்புள்ளது. ராயன் திரைப்படம் உலகளவில் 150 கோடிகள் வசூல் படைக்கும் என பல விமர்சகர்கள் தங்களின் கருத்துகளை பகிர்ந்து வருகின்றனர்.