Pandian Stores 2: பாண்டியன் குடும்பத்தின் மூத்த மருமகளை இணையத்தில் கழுவி ஊற்றும் ரசிகர்கள்...

பாண்டியன் ஸ்டோர்ஸ் 2 - ஸ்டார் விஜய் தொலைக்காட்சியில் ஒளிபரப்பாகி வரும் பிரபல சீரியலில் ஒன்றான 'பாண்டியன் ஸ்டோர்ஸ் 2' சீரியல் விறுவிறுப்பான கதைக்களத்தில் நகர்ந்து வருகிறது. இந்த தொடரில் ஸ்டாலின், நிரோஷா, பிரேம் ஆகாஷ் குமார், கதிர்வெல், ஹேமா ராஜ்குமார் என பல நட்சத்திரங்கள் நடித்துள்ளனர். தமிழக இல்லதரிசிகள் மத்தியில் பெரிய வரவேற்பினை பெற்றுள்ள இந்த 'பாண்டியன் ஸ்டோர்ஸ் 2' சீரியலின் லேட்டஸ்ட் தகவல்கள் இங்கு உள்ளது.

பாண்டியன் தனது மூத்த மகனுக்கு திருமணம் ஏற்பாடுகள் செய்து பெரும் செலவு செய்துள்ளார். இதனை தொடர்ந்து பல வழிகளில் பாண்டியனை ஏமாற்றி மூத்த மருமகள் பல செயல்கள் செய்து வருகிறார். பெற்றோர் செய்து வைத்த திருமணம் என்பதினால் இந்த ஜோடிக்கு ஹனிமூன் ஏற்பாடுகள் தீவிரமாக நடந்து வருகிறது.

கவரிங் நகை, படிப்பு விஷயத்தில் பொய் என பல ஏமாத்து தனத்தை செய்து பாண்டியன் வீட்டிற்கு மருமகளாக தங்கமயில் வந்துள்ளார். தனது தாயின் அறிவுரைப்படி பல தில்லுமுல்லு செய்து வீட்டை தனது கட்டுப்பாட்டில் எடுக்க பல முயற்சிகள் செய்கிறார், தங்கமயில்.

தங்கமயில் ஹனிமூன் செல்ல வேண்டும் என ஆசைப்பட்டு பல வழிகளில் கணவருக்கு இடையூறாக பல செயல்கள் செய்து வந்துள்ளார். ஒரு வழியாக பாண்டியனின் ஒப்புதல் பெற்று ஹனிமூன் செல்ல தீர்மானித்து அதற்கான முதற்கட்ட பணிகளை தொடங்கி, சரவணன் உடன் ஹனிமூன் செல்ல தயாராகியுள்ளார்.

ஆன்லைன் மூலம் தான் ஹோட்டல் புக் செய்வதாக சொல்லி தங்கமயில் தவறாக 5000 ரூபாய்க்கு ஹோட்டல் புக் செய்துள்ளார். ஆனால் அந்த ஹோட்டலில் அட்வான்ஸ் மட்டும் 5000 என்பது பிறகு தான் தங்கமயிலுக்கு தெரிய வருகிறது. தனது தாய் அறிவுறுத்தல் படி அதனை சமாளிக்க நினைத்து கணவருடன் ஹோட்டலுக்கு செல்கிறார். ஆனால் அங்கு மீதம் 15000 செலுத்தினால் தான் ஹோட்டலில் அனுமதிக்க முடியும் என்று சொல்ல, உடனே எதுவும் தெரியாதது போல் கண்ணீர் விட்டு நாடகம் ஆடுகிறார், தங்கமயில்.

ஹோட்டல் பிரச்சனையில் சிக்கிய கதிர், தனது தம்பிகளுக்கு தொலைபேசியில் அழைத்து நடந்ததை கூறுகிறார். அதற்கு செந்தில் மற்றும் கதிர் பணத்தை எப்படி ஏற்பாடு செய்வது என தெரியாமல், பாண்டியன் மொபைலை எடுத்து பணம் செலுத்த முடிவு செய்கின்றனர். தங்கமயில் செய்துள்ள காரியம் அதற்கு பலிஆடாக இருக்கும் சரவணன், அண்ணனுக்கு உதவ ஒரு புதிய பிரச்சனையில் கதிர் என குடும்பத்தின் நிம்மதியை அழிக்கிறார், மூத்த மகளும் அவரது தாயும்.

இந்த சீரியலை காணும் ரசிகர்கள் மத்தியில் தங்கமயில் கதாபாத்திரம் வில்லத்தனம் உடைய கதாபாத்திரமாக சித்தரிக்கப்பட்டு வருகிறது. இணையதள சமூக வலைத்தளத்தில் பல ரசிகர்கள் தங்கமயில் கதாபாத்திரத்தை கழுவி ஊற்றி தங்களின் ஆதங்கத்தை வெளிப்படுத்தி ட்ரோல் செய்கின்றனர்.