ரஜினியின் லால் சலாம் படத்திற்கு எதிராக நடக்கும் பிரச்சனைகள்...

லால் சலாம் - இயக்குனர் ஐஸ்வர்யா ரஜினிகாந்த் இயக்கத்தில் விக்ராந்த், விஷ்ணு விஷால் முன்னணி கதாபாத்திரத்தில் நடித்திருக்கும் கிரிக்கெட் விளையாட்டை சார்ந்து உருவாகியுள்ள திரில்லர் திரைப்படம். இப்படத்தினை தமிழ் திரைப்பட முன்னணி தயாரிப்பாளர் சுபாஷ்கரன் தனது 'லைக்கா புரொடக்ஷன்ஸ் நிறுவனத்தின் மூலம் தயாரிக்க, இசையமைப்பாளர் ஏ ஆர் ரஹ்மான் இசையமைத்துள்ளார். இப்படத்தில் 'சூப்பர்ஸ்டார்' ரஜினிகாந்த் ஒரு கௌரவ தோற்றத்தில் நடித்துள்ளார்.

சூப்பர் ஸ்டார் ரஜினிகாந்த் மகளும் நடிகர் தனுஷின் மனைவியுமான ஐஸ்வர்யா ரஜினிகாந்த் இயக்கத்தில் லால் சலாம் திரைப்படம் உருவாகியுள்ளது. இவர் தமிழ் சினிமாவில் '3' படத்தினை இயக்கி இயக்குனராக அறிமுகமானவர். பல ஆண்டுகளுக்கு பின் மீண்டும் தமிழ் சினிமாவில் இயக்குனராக அவதரித்து பலரின் ஆதரவுகளை பெற்றுள்ளார். இவர் இயக்கியுள்ள லால் சலாம் படம் முற்றிலும் ஒரு விளையாட்டை மையப்படுத்தி உருவாகியுள்ளது.

சூப்பர் ஸ்டார் ரஜினிகாந்த் நடிப்பில் 2023ஆம் ஆண்டு வெளியான ஜெயிலர் திரைப்படம், வசூல் ரீதியாக இமாலய வெற்றி படைத்து பல கோடி ரசிகர்களின் அன்பை பெற்று புகழ் பெற்றது. லால் சலாம் படத்தில் நடிகர் ரஜினிகாந்த் முக்கிய கதாபாத்திரத்தில் நடித்துள்ளார். இவர் நடித்திருக்கும் கதாபாத்திரமானது ஒரு கௌரவ தோற்ற கதாபாத்திரம் ஆகும். ஆனால் ஜெயிலர் பட வசூலை முன்னிறுத்தி லால் சலாம் ரஜினிகாந்த் படமாக ஒரு பிம்பத்தை ஏற்படுத்தி வியாபாரம் செய்கின்றனர், லால் சலாம் படக்குழுவினர். இதனால் லால் சலாம் பட வியாபாரத்தில் பல சிக்கல்கள் எழுந்துள்ளன.

லால் சலாம் பட நட்சத்திரங்களில் முக்கிய நடிகையான தன்யா பாலகிருஷ்ணன், தமிழகர்களை விமர்சித்து பதிவேற்றிய பதிவு தற்போது பலரின் கவனத்திற்கு சென்றடைந்துள்ளது. இவர் ஏழாம் அறிவு, காதலில் சொதப்புவது எப்படி,  நீதானே என் பொன்வசந்தம், ராஜா ராணி மற்றும் வெப் சீரிஸ் தொடரில் நடித்து பல ரசிகர்களின் கவனத்தை பெற்றவர். பின் நடிகை தன்யா பாலகிருஷ்ணன் நடிகர் தனுஷ் நடித்த மாரி, மாரி 2 படங்களை இயக்கிய பாலாஜி மோஹனை காதல் திருமணம் செய்துள்ளார்.

இவர் சில வருடத்திற்கு முன் (சி.எஸ்.கே - பெங்களூரு) அணிகளுக்கு இடையே நடந்த ஐ பி எல் போட்டியில் பெங்களூரு அணி தோல்வியை சந்தித்த நிலையில், பெங்களூரு நகரத்தை பிறப்பிடமாக கொண்ட இவர், அவர்களுக்கு ஆதரவாக 'தண்ணீருக்காக எங்களிடம் பிச்சை எடுக்கிறீர்கள். எங்கள் பெங்களூரை ஆக்ரமித்து, அந்த ஊரை கொச்சைப்படுத்துகிறீர்கள். எங்களிடம் பிச்சை கேட்பதால்.... தருகிறோம்.' என ட்விட்டர் பக்கத்தில் ஒரு பதிவினை பதிவேற்றியுள்ளார்.

இதற்காக பல விமர்சனங்களை சந்தித்த இவர், பின் தமிழ் படங்களில் நடிக்க மாட்டேன் என கூறிவிட்டு படங்களில் நடிப்பதை முற்றிலும் தவிர்த்தார். தற்போது இவர் லால் சலாம் படத்தில் ஒரு முக்கிய கதாபாத்திரத்தில் நடித்துள்ளார் என அறிந்த தமிழ் மக்கள் மீண்டும் அந்த பிரச்சனையை கொண்டுவந்து லால் சலாம் படத்திற்கு எதிராக பல விமர்சனங்கள் மற்றும் சர்ச்சைகளை வைத்துள்ளனர்.

ரஜினி சாமர்த்தியமாக லால் சலாம் ஆடியோ லான்ச் நிகழ்ச்சியில் 'காக்கா - கழுகு' கதைக்கு முற்றுப்புள்ளி வைத்துள்ளார். ஜெயிலர் ஆடியோ லான்ச் நிகழ்ச்சியில் இவர் கூறிய இந்த கதை ரசிகர்கள் மத்தியில் ஒரு மோதலை உண்டாக்கியது. தற்போது இதற்கு ஒரு முற்றுப்புள்ளி வைத்து பலரின் விமர்சனத்தில் இருந்து விலகியுள்ளார்.

இருப்பினும் சமூக விமர்சகர்கள் பல கோணல்களில் யோசித்து ரஜினியினை விமர்சனம் செய்து வருகின்றனர்.

2024 பொங்கல் பண்டிகைக்கு வெளியாகும் என படக்குழு அறிவித்த நிலையில், தற்போது லால் சலாம் பிப்ரவரி மாதம் 9ல் வெளியாக திட்டமிட்டுள்ளனர், படக்குழுவினர். இப்படம் ரஜினி நடிப்பதாக வெளியான தகவலை தொடர்ந்து பல முக்கிய நட்சத்திரங்கள் இப்படத்தில் இணைந்துள்ளனர். 2024 பிப் மாதம் எந்த ஒரு முன்னணி நடிகர்களின் படங்கள் வெளியாகததால் லால் சலாம் வெற்றி படமாக அவதரிக்க அதிக வாய்ப்புள்ளது.

ஜெயிலர் பட வசூலை முன்னிறுத்தி லால் சலாம் பட வியாபாரங்கள் நடந்துள்ள நிலையில், இப்படம் வசூல் ரீதியாக பின்தங்க அதிக வாய்ப்புள்ளது. ஒரு குறுகிய காட்சிகளில் நடித்துள்ள ரஜினிகாந்த் இப்படத்தின் மூலம் அவரது ஜெயிலர் பட வசூலை நெருங்குவதற்கு குறைந்த சதவீதம் இருப்பதாக பல விமர்சகர் மற்றும் பாக்ஸ் ஆபிஸ் வல்லுநர்கள் கூறுகின்றனர். இதனால் படம் ரிலீசிற்கு முன்னரே லால் சலாம் விமர்சனத்தில் சிக்கியுள்ளது.