Baakiyalakshmi: ரசிகர்கள் 'சீ' என்று சொல்லும் அவலம்... சேட்ட பிடுச்ச பையன் சார், இந்த கோபி!!

பாக்கியலட்சுமி - ஸ்டார் விஜய் தொலைக்காட்சியில் ஒளிபரப்பாகி வரும் சீரியல்களில் பிரபலமான ஒன்றான 'பாக்கியலட்சுமி' சீரியல் தற்போது பரபரப்பான திரைக்கதையில் இயங்கி வருகிறது. பிரபல பெங்காலி சீரியல் 'ஸ்ரீமொயீ' சீரியலின் அதிகாரபூர்வ ரீமேக் சீரியலான பாக்கியலட்சுமி தொடர், பல இல்லத்தரசிகளின் மனதை வென்ற சீரியல் ஆகும்.

பாக்கியவை விட்டு பிரிந்து வேறு ஒரு திருமணம் செய்துகொண்ட கோபி, பாக்கியாவின் இல்லத்தில் தனது பெற்றோரோடு வாழ்ந்து வருகிறார். சமீபத்தில் தங்களின் பிள்ளைகளின் வாழ்க்கையை சரிசெய்த பாக்கியா, அடுத்து தனது தொழிலில் ஆர்வம் காட்டி முன்னேற்ற பாதையில் பயணிக்க தொடங்கியுள்ளார். ஆனால் மீண்டும் ஒரு தர்மம் சங்கடத்தில் சிக்கியுள்ளனர், பாக்கியாவின் குடும்பத்தினர்.

பேரைப்பிள்ளைகளை கொஞ்ச வேண்டிய வயதில் கோபி புதிய திருமணம் செய்து கொண்டு வாழ்ந்து வருகிறார். இதில் கோபி திருமணம் செய்துகொண்ட ராதிகா கர்ப்பமாக இருப்பது தற்போது உறுதி ஆகியுள்ளது. ஒரு பக்கம் கோபியின் மகன் செழியன் மற்றும் எழில் குழந்தைகள் மறுபுறம் கோபிக்கு பிறக்க உள்ள குழந்தை என பாக்கியலட்சுமி திரைக்கதையில் சுவாரசியம் நிறைந்துள்ளது.

ராதிகாவின் புதிய நடவடிக்கையில் சந்தேகம் கொண்ட பாக்கியா, ராதிகாவை அழைத்த தனியாக பேசுகிறார். இதில் ராதிகா கர்ப்பமாக இருப்பதை அறிந்த பாக்கியா அதிர்ச்சி அடைகிறார். பேரக்குழந்தைகள் இருக்க தற்போது கோபி மீண்டும் தந்தை ஆகும் அவலத்தை எண்ணி வருந்துகிறார், பாக்கியா.

இந்த தொடரை கண்டு ரசிக்கும் ரசிகர்கள் தற்போது நடந்து வரும் திரைக்கதையை பெரிய அளவில் விமர்சித்து வருகின்றனர். பேரக்குழந்தை இருக்க இப்போது நம்மக்கு தேவைதானா? என பலரும் தங்களின் கருத்துகளை சமூக வலைத்தளத்தில் மீம்ஸ் மூலம் பேசுகின்றனர். இது ஒருபக்கம் இருக்க, பாக்கியா - பழனிச்சாமி காதல் கதை தொடங்கியுள்ளது. இது எல்லாம் எங்கு செல்கிறது... இல்லையா சமூகத்தில் தேவையில்லாத கருத்துகளை பேசுகிறதா என ரசிகர்கள் வருத்தம்.