Pandiyan Stores 2: பழைய காதலனை தேடும் ராஜி, வீண்பழியில் சிக்கிய கதிர்

ஸ்டார் விஜய் தொலைக்காட்சியில் ஒளிபரப்பாகி வரும் பிரபல சீரியல்களில் ஒன்றான பாண்டியன் ஸ்ட்ரோஸ் சீசன் 2 தொடர் தற்போது பரபரப்பான சூழலை நெருங்கியுள்ளது. இந்த சீரியலின் முதல் சீசன் பெற்ற பிரமாண்ட வரவேற்பு மற்றும் புகழினை தொடர்ந்து தற்போது இரண்டாம் சீசன் ஆரம்பமாகி வெற்றிகரமாக ஓடிக்கொண்டிருக்கிறது.

காதலனை நம்பி நடு ரோட்டிற்கு வந்த ராஜியை காப்பாற்றி அவரை தனது மகன் கதிருக்கு மணமுடித்து வைக்கிறார், கோமதி. மேலும் ராஜி தனது காதலனிடம் தொலைத்த நகை மற்றும் பணத்தை கேட்டு கதிருக்கு திருட்டு பட்டம் சூட்டுகின்றனர், கோமதியின் அண்ணன்கள்.

நடிகர் வி ஜே கதிர்வேல் இந்த சீரியலில் சரவண பாண்டியன் என்ற கதாபாத்திரத்தில் நடித்து வருகிறார். தனது இரண்டு தம்பிகள் திருமணம் செய்து கொண்டதால் இவருக்கு பெண் பார்க்கும் மூர்த்தி பல இடங்களில் அவமானங்களை சந்தித்து வருகிறார். இதில் கோமதியின் அண்ணனும் ஒரு சில இடங்களில் தவறாக சித்தரித்து சொல்லி சரவணனின் திருமணத்தை நிறுத்துகிறார்.

நகை திருடனாக பல இடங்களில் அவமானப்படும் கதிரின் நிலையை அறிந்த ராஜி, தான் தொலைத்த நகையை மீட்க பழைய காதலனை தேடி செல்கிறார். அங்கு அவரின் வீடு பூட்டு போட்டிக்கும் நிலையில் என்ன செய்வது என்று அறியாமல் தடுமாற்றம் அடைகிறார். ராஜியின் இந்த முடிவு எந்த ஒரு ஆலோசனையும் இன்றி தீடிரென எடுத்து இவர் கிளம்பியதால் பல குழப்பங்கள் நடக்க ஆரம்பமாகிறது.

ராஜி பழைய காதலனை தேடி சென்றதால், கதிருடன் ஏற்பட்ட பிரச்சனை காரணமாகத்தான் ராஜி வீட்டை விட்டு வெளியேறியுள்ளார் என பாண்டியன் குடும்பத்தினர் ஒரு பிரச்சனையை தொடங்கி கதிரின் மீது வீண்பழி சுமத்தியுள்ளனர். ராஜி சரியான நேரத்தில் வீட்டிற்கு வராததால் ராஜியை தேடி பல இடங்களில் அலைகின்றனர், பாண்டியன் குடும்பத்தினர். இந்த பிரச்சனையால் ராஜி - கதிர் திருமணம் பற்றிய ரகசியம் வெளிவருமா என பல ரசிகர்கள் எதிர்பார்த்துள்ளனர்.